يا زوله بتبقي كويسه ان شاء الله بس ما تقومي من السرير امن تحسي انك 100% سلاااااااااااامتك والله يا فليم والدوحه كلها كرامتك

ما كلمتكم قمت نزلت موضوع في العروض التجاريه انو عندي دلكه وبخور خخخخخخخخ
في اللحظه دي حسيت اني خادم شايله قفه ومحصله لي عروس دايره ادلكه خخخخخخ
طبعا ما عندي اي فكره عن البيع والشرا والشحن والكلام ده بس الفاضي يعمل قاضي خخخخخخ

صباح الخير ولا مساء الخير تاني..كنت نايمة والله نومة جميلة...فاتحة قناة العربية وفاتحة انوار البيت كلهاالا اوضة النوم ونايمة في السريربالعرض...قلت ليكم اني خوافة وفي الظروف العادية اصلا ما ممكن انوم وحدي لكن المرض صعب...المهم ادي قومة غسلت وشي وجبت الزبادي وجيتكم..ناوية اكل الليلة والله يستر جد.
رنو كيف يا سكرة..ضحكتني جد الله يلعن ابليسك .....بالعكس منتدي العروض التجارية لذيذ وانا سمعت عن بنات ماشاءالله بقوا مليونيرات من وراه....يلاشدي حيللك دايرين مليونيرة سودانية من بهناك وختي صور في الموضوع وعروض واعملي في التوقيع حقك اللينك بتاعة الموضوع علشان كل الناس تعرفوا وشاركي يلا في كل منتدي علشان الناس تقراه بالذات في منتدي البشرة والعروسات..جد كويس النزلتي الموضوع البنات محتاسات بيفتشوا عن الدلكة والبخور وماعارفين يجيبوها من وين...والشحن شوفيالبريد السريع اعتقد احسن سعر ممكن تلاقيه حيكون عندهم حبيبة...طبعا الليلة اخر يوم فيالراحة الكتبوهالي لكن لومابقيت كويسة طوالي الليلة بارجع المشتشفي واخليهم يكتبوا لي راحة تاني...لكن نفسي ابقي كويسة والله قعدة البيت سخيفة جد....وانااشتقت للشغل والطلعات...دايرة كمان اطلع اشتري لخالتي الفي لندن هدايا هي وعيالها وصاحبتي برضو هناك...صحي دايرة اسالكم اشتري لصاحبتي شنو..هي قدري وعايشة هناك بتحضر في الدكتوراة حقتها ماشاء الله عليها اتخرجت من هنا وعملت الماستر طوالي في بريطانيا وطلعت اولة الدفعة قاموا ناس الجامعة ادوها منحة للدكتوارة..وجد البت عسل وماقصرت معايا ابدا اودي ليها هدية شنو؟؟؟

فليمو يا عسل كيفك؟ الحمد لله انك بقيتي كويسه يا زوله جري الليله على المستشفى نومي واتجدعي عشان تسافري مرتاحه
بالمناسبه البريد السريع ده يلقوهو وين؟؟ ومكانو وين؟
طبعا نزلت الموضوع ومافي ولا اي زول عبرني كبري شمبات المفتح بالجمبات خخخخخ تقول عارفني رنو الصبيان جنو خخخخخخخخ زوله مستهبله وما جاده
هديه لي صحبتك ممممممممم اشتري ليها تذكرة لي النيجر الناس الوهم ديل بحبو الاهداف النبيله والخرافات دي..بهزر..اسمعي شوفي ليها بلوزة ماركه حلوة كده وريحة مثلا وختيهم في كيس حلو وشتتي عليهم من فوق ورد مجفف معطر..رايك شنو؟
او اذا كانت بتحب القرايه ودي ليها مجموعه شعريه وابجوره سغيره حلللللوة مثلا
ا وساعه ظريفه من سبلاش وحلجه تانيه قيمتها فيها وكده..
اها عملتي شنو للسفر؟
البات الباقين وينكم؟
ام صالح؟
وطني؟
ريحانه؟
ماريا؟
شنو عاملين ليا الفاتح من سبتمبر كده؟ (اسم سيد الدكان بتاع الفول في حلتنا خخخخخخخ)

نو البريد السريع شفتي شارع الجامعة كانك ماشة على امدرمان..؟؟؟بتلاقيه في نفس مبني هيئة البريد...مابعرفاوصف لكن اسالي اي زول بيوريك ان شاء الله.....لصاحبتي عجبتني فكرة الريحة والساعة..والله البت كووووووول وجد دايرة اشيل ليها شي يعجبها.
بخصوص الموضوع اعملي بس القلت ليك عليه واسمعي كلامي الدعاية اهم شي....وان شا ءالله الاموربتمشي تمام...التجارة في النت جد مشروع ناجح شديد يلا بس شدي حيلك فيه...
باقيالبنات وين الاختفاء الشديد ده...ليه كده بس؟؟؟