كيفكم يابنات......الحمدلله انا كويسة بس اليومين ديل ماعندي مزاج لحاجات كتير......اعذروني حالة وبتروح.....المزعلني من امبارح كمان لقيت هدوية مرسلة لي ايميل من يوم 26-10 بتكلمني فيه بوفاة ابوها وللاسف ماشفته الا امبارح.....ماعارفة كيف بس ماشفتوا..على العموم انا اتصلت بيها من شوية....لقيتها لسه نايمة واتكلمت مع خالتو امها ياحليلها صابرة والله.....باتصل بيها بعدين واطمنكم عليها والقالوا دايرين الرقم برسلوا ليكم على الخاص ان شاء الله....
هدي الله يصبركم حبيبتي والله مصاب جليل وفقد اليم لكن البقاء لله وحده........

شكرا جزيلا على النصايح يا رنوا اتاريك ماهينة مرة ماكنة لكن ماقلتي لي اتمسح بكريم عادي بعد الدخان ولا كمان بسودني وبالمناسبة انتي في السودان بتتحنني وين طبعا حستغلك استغلال شددددددددددديد بطرقتك انا مجنناني الحنة دي طوالي مزهجا الحنانان مافي حنة من يوم العرس اتحننتها عجبتني شديييييييييد غايتوا في وحدة حننتني للسفر اسي حنتا حلوة ما بطالة
فليم ازيك يا سكرة وين يازولة غتستي كدا قلنا يمكن تكوني ولدت اها اول عيد معاك كيف

اهلا بيك اختي mkomko بالنسبة للبخور اسموا دخان وهو نوع من خشب الأشجار اسموا الطلح وهو ممتاز وكمان زياده على اللي قلتيه فهو يعطي راحة للجسم ويفيد في حالة الام العظام والمفاصل ويعتبر ساونا طبيعية وباقي الأسئلة انشاء الله الأخوات يفيدوك

يلا يا سرويه انا ما بقتنع بي حنة زول غير امينه تنس بصراحه حنته نضيفه وجميله وما مكررة لكن امينه جزمة بقت وما بتجي لي زول الا بمزاجه واصلا ناس الخرطوم ديل فاتحه ليهم عديييييييييييييل
يلا بتحنن عند مريم الحاج يوسف وبناته في المك نمر وبرضو ما دايما بتعجبني حنتم غاليه علفاضي بس برضو مميزة وحقت بنات الاسر الكبيرة فقط
بعداك علقت مع ازدهار وزهجت منها بعدين مع نوال وسبتها برضو
حاليا اكتشفت لي وجده اسمها سلمى حنته حلوة واسعارة معقوله بس برضو ما مقتنعه شديد لكن احححححححححححسن الموجود وبتجي في البيت وخصوصا اني بقيت ما بقدر امشي الكوافيرات اتشمشر عشان الشغل وحمودي وكده وطبعا اوعك تسالي مرة بتتحنني وين لانها حتتغاتت عليكي وتطفشك اخر الدنيا !!!
يا زوله بس تعالي لي والله اهججك هجيج صاااااااااااح
سؤال الكريم بعد الدخان والله يا سرويه انا اساسا ما بتمسح بكره المسيح شديد لكن بس زي ما قلت ليكي مع الدخان بتمسح بي شمع العسل وبسسسسسسسسسسسسسسسسسس وتاني يوم بستحمى وما بتمسح وكان بالغت بعمل بيبي اويل في الحمام قبل ما اطلع وخلاص بالمناسبه مع الدخان ما تستخدمس صابون عارفه مش؟

روزودد الف الف مبروك حبيبة وحبابك عشرة في قروب المتزوجات...ربنا يجعله بيت مال وعيالوخير وبركة.....
الوجوه الجديدة ماما حبيبتي...ناني مرحب بيكم الف....ومستنين مشاركاتكم......
اخواتي وصاحباتي كلكم من غير فرز...جد اشتقت ليكم بس ادعوا لي والله اخر شهور دي قاسية وصعبة..الله يتمم لي ولكل حامل بخير بس ويرزقنا عيال حلوين وكويسين ماعندهم عوجة وينول كل واحدة اللي في بالها......
سروية...العيد يا سروية اهل......ماتتصوري كان عيدي بائس كيف الحمد لله على كل حال من غير اهلي ..غايتو لوماراجلي واختي كان جنيت... طبعا قبليها كنا مساهرين تجهيزات العيد...ماخبزنا اشترينا جاهز ورتبنا البيت ووكان جد احساس حلو.........طبعا راجلي مشي الصلاة من بدري 6 الا يمكن وجاء..بعد داك نمنا........صحيت من الصباح ضربت لناس بيتناوسمعت صوت اهلي اتجرست جد....مشيت لنسابتي....الحمد لله غايتو عيدنا عليهم الله يهدينا ويهديهم... ومشيت مع راجلي واختي وحماتي للسينما واتعشينا بره....وتاني يوم جوني نسابتي في البيت برضو وجاء كم واحد من اصحاب راجلي....بعد مامشوا مشيت البحر مع راجلي واختي وبس....تالت يوم كان مكسب مشيت لواحدة صاحبتي انونست معاها وغيرت جو......غايتو قلت لراجلي من اسي العيد السنة الجاية مع اهلي يا اما بره البلد دي......