انا كنت بتحنن عن ناس HZ اتخيلي بهاجر ليهم من بحري لحدي العمارات لكن حنتم بقت مكررة طبعا ناس بحري حنتم شينة عدييييييييل كدا لكن اسي لميت في وحدة اسمها انتصار لازم تمشليها في البيت حنتا حلوة ومعقوله اسعارها ومبتكرة فنانه شديد حننتني للسفر طبعا الحننتني للعرس اتخيلي نسيت اسمها ما قلت ليك الزهايمر منقبة كدا صيدلانية حنتا حلوة لكن غالية نار وبعدين بعيدة وماتجي للناس الا لعروووووووس غايتوا عندي كترة ارقام حنانات كل وحدة بجربا مرة واحده وتاني ما بجيبا
الدخان ما بعمل معاهوا صابون معني في ناس بطلعوا بالصابون

ازيك يافليموا يازولة ربنا يحلك بالسلامة خلاص قربتي والله صحي العيد اهل لكن الحمدا لله اختك معاك وراجلك يحليل راجلي خليتوا يعيد براهوا والله انا كعبة خلاص اهم شي اتحننتي وازبطي كدا للعيد ولا لا

لا والله ياسروية لاحنة ولا اي شي..عارفة بخاف منها في الحمل شديد والحنة العادية دي شكلها براها مالذيذ بحب الرسم انا....لكن يابت النيولوك مستنية بيه للولادة والاربعين لوربنا سهل......بس ياهو نضفت حواجبي وعملت شعري وقشرت بس....

يا بت يا اسراء رسلي لي نمرة المرة المنقبه دي وهسه وكدي تتاخري
طبعا انا برضو كنت بتحنن في Hz عند حنان وعرفه وسلمى دي زاته كانت شغاله معاهم لكن سابتم
على قولك مافي حاجه كده ملللللللللللفته ورهيبه لكن القلتي عنها منقبه دي اول مرة اسمع بيها وطبعا عندي عرس ود خالتي وبعيد عنك العرس عندنا مبارااااااااااااااااااة يعني كلو بس توبي وتوبك وحنتي وحنتك !!!
سرويه لاقتك شيالات خبيز فخمه في السعوديه؟ تكون مدهبه او خشب محفور؟؟ السؤال للكل يا بشكات الشاف شيالات غير الفايبر البشع المالي الوطه ده منو؟ ووين وبي كم؟

اووووووووووووووكي يا سرويه يادوب استوعبت يعني المنقبه دي حننتك للعرس وانتصار حنانتك المعتمده
يا زوله تلقي لي نمرهم الاتنين وترسليها بي طريقتك