الكرت بتاعي خليتوا في السودان لكن ولا يهمك بخلي راجلي يمليني النمر وبديك ليها لو ما الليلة بكرا لكن بنصحك بانتصار فنانة انتا عارفه كتلوجا جايبة صور بنات من المجالات وراسمة الحنة في ايديهم ورجولم وحنتا نظيفة شديد هي ساكنة في بحري ورا عماره طلب لوسمعتبيها وسلمى دي بعرفا كان حننت بنات اهلي في عرس بت عمتي يازولة جبناها في البيت وحننت بيت العرس كلوا لكن انا ما حصلتها واتحننت في الكوفير طبعا قالت ليهم ما تقولوا اني جيتكم في البيت المهم بعد داك مشيت انا ومرة ود عمتي وبت عموا الكوفير عشان نسوي شعرنا وطبعا اول ماشافوا الحنة عرفوها حنتا وقالوا ليهم الحننكم منوا طبعا نكروا قالوا جات وحدة في البيت ما بنعرفا لكن هم بنات لزينا عرفوها واظنها قالت ليهم مسافرة انا قلت ليهم ما يقوما يقطعوا رزقا بسببنا حسي ما يكونا طردوها بس ولا خلتم براها

بالنسبة للشيالات السعودية فيها حاجات حلوة لكن انا لسة ما مشيت على العدة بسألك ماما خبيرة في العدة

رنو ياحبك لحاجات البيت الغريبة والفريدة......انا يابت اشتريت لي شيالتين للعيد ماعارفهم منتشرات ولا لا لانو مابخلي بالي للحاجات دي عند الناس.......شكلهم بسيط شديد....بارسل ليك صورهم غايتو.......انا البحبو يكون غريب وفريد حاجاتي ومؤخرا حاجات البيبي...ياجماعة البيبي الاولاني فلس غريب....الله يجيبوا بالسلامة يارب واشوفه بيلبس وبيلعب بي حاجاتو دي....
أم صلوحي ياعسل اخبارك شنو..دايرة اسالك عن تجربتك مع الحضانة انا مفكرة اودي ولدي الحضانة ان شا ءالله من عمرو شهرين وشوية......احكي لي يلا انتي وديتي صلوحي وعمرو كم...وبتخليه كم ساعة هناك....وده كلوا......

بالعكس يا فليم الحنة السادة لزيزه قعدتا متعبة لكن حلوه لكن على قولك بعدا الحاجات دي خليها بعد الولادة احسن عشان زاتوا النيولوك يظهر ربنا يسهلا عليك انشاء الله وتجيبي كريم وتفرحي بيهوا

شكرا هوما على تهنئة العيد اللذيذة والدعوة الحلوة دي الله يخليك لينا ويخلي ليك عيالك يارب:26:.......
سروية شكرا على الدعوة اللذيذة دي وعقبالك انتي برضو يا رب... بخصوص الحنة السادة اختي اقنعتني اعملها المشكلة مالاقية وقت الويكند ده برضو مشغولة زيارات مهمة لازم انتهي منها......لكن اكيد حاعملها قريب ان شاء الله..دايرة لي طريقة بس انو اظافري ما يتغير لونا بالحنة..لو عملت منكير قبل الحنة الاظافر بيتغير لونها ولا لأ؟؟؟؟