ماتقلقي سرو كلوا بيجي في وقتوا باذن الله وادعي ربنا كتير...في ادعية مخصوص للموضوع ده واستغفري كتير برضو......الحاجات دي قسمة ونصيب وربنا كاتب اي شي وقتو متين...ويجي متين... عارفة اتعرفت على واحدة هنا هي عرست شهر 8 السنة الفاتت واستنت 3 شهور لمن ماحصل حمل راجعت عند نفس دكتورتي البراجع معاها....بس يازولة طلعت مشكلة بسيطة في الهرمونات وتابعت معاها زي 4 شهور والحمد لله اسي حتولد بعد 11 يوم ربنا يسهل ليها ويتمم ليها يارب....
اسي دكتورتي طوالي بتقول انو علشان البلاوي البناكلها دي بتاثر في الهرمونات وتجوط الدنيا لكن الحل بيكون بسيط جدا.......
وزي ماقالت رنو استمتعي بايامك والبسي هدومك واتحنني واقشري ونومي.....

يا بنات سمعتوا بحبوب زينيكال دي بتاعة الرجيم بتعرفوا زول جربا عارفاكم كلكم رششششششششششششششششيقين انا والله فجأة سمنت شديد ماعارفة الحاصل شنوا دايرة الحق روحي

زينكال انا كان اشتريتها لماما وهي مكسب لكن لازم ليها حمية خاصة ورياضة قمت بعد تفكير عميق اكتشفت انو اصلا لو عملتي الحمية البيقولوا عليها والرياضة بتنحفي من غير الحبوب....بعدين يازولة دي ميزانية كبيرة لازم 3 حبوب في اليوم وتستمري عليها حتي بعد ما وزنك ينزل على ما اظن وهي مارخيصة.....انا اسي بافكر برضو انزل وزني كيف بعد الولادة ان شاء الله......غايتوسكر الريجيم كويس معايا لمن استخدموا اسي في الحمل وزني بيكون مكسب مابيزيد كتير لكن ماشفتي اسبوع العيد زايدة 2 كيلو .......كلوا من الناعم والخبيز والبيبسي...

أم صلوحي ورنو شكرا على الردود يعني الحكاية دي مفيدة واشتريها..طيب الثيرمومتر حق البيبي مهم برضو مش؟؟؟اجيب بروان ولا في واحدين تانين احسن منو؟؟؟؟بروان البيقيس الحرارة من الاضان ده.....لقيتوا بي 190 ريال لكن واحدة صاحبتي قالت لي ابو 35 البيقيس من الابط احسن منو..غايتو حوسة شديدة على قولة القطريين..والبزازات اشتريت إفينت لانو الاسترلايزر اشتريت إفينت لكن مالاقية بزازة زجاجية من إفينت ماعارفة لو الانواع التانية بتركب في الاسترلايزر حقتي....وهو لازم زجاجية البلاستيك ديل مامكسب ولا شنو...؟؟؟وفي المستشفي ان شاء الله البس شنو بيجامة قطن ولا حرير؟؟؟

شوفي يا لولو البزازات دي انا نهائي ما بفهم فيها لاني رضعت طبيعي
لكن للمستشفى البسي حاجه مريحه لانو ما حيكون فيك حيل تتزحزحي وتتصلحي كل شويه انا كنت لابسه روب كحلي قماشو ثابت زي ساتان تقيييييل كده اصلا الدنيا كانت برد