هدوبة ازيك يا عسل والمسائل ما ببتاخد كدا انت اخديهوا بالهداوة والمسايسة عشان يفهم ويقدر وبعدين نهائي ما تحتكي مع اختوا في اي كلام لأنوا النسابة ديل هم الببوظوا اي حاجة المهم حسي هدي نفسك وما تعايني للأمور بنظرة سوداوية
كيوت لو مشيتي السودان حتهتمي غصبا عنك انت ما شفتي البنات هناك بقو كيف طياااااااااااااااااااااارات ونفسيات تقيلة
وبالنسبة للربط يا ستي دي حاجة بعملوها عشان تصمي خشمك وما تاكلي يعني برضوا الفكين مع بعض ويخلوا حتة صغيرونة للسوائل بس ودي الطريقة الوحيدة البتنفع معاي بس ادعولي ماما تقتنع لأنها ماراضية نهائي

كيفكم يا حلوين وياامورات
طبعا واحشيني موت كلكم
تعالوا هنا يا بنات
دا شنوا ادخل على ايميلي بلقاه شوية وراح ينفجر اكثر من 300 رسالة واكثر من هنا
تعبت وانا اقرا اكتر من 30 صفحة ما شاء الله عليكم رغايات صحيح انكم نساوين

يا بنات تعبانة شديد ونفسيتي في الواطة وتحتها كمان
البيت واهلي من جهة ودراستي المصيبة IT من الجهة كرهت الي عمل البرمجة والشبكات نفسي اجيبه وافحط بيه في الارض
هسي قلت لازم اغير شوي واخليني ادخل المنتدى تعبت وانا اجر نفسي معاي عشان اقراة الي فاتني كله
بس هسي كالعادة دا مختصر لاني مزنوقة كالعادة في الوقت
عندي صحبتي حتسافر بعد 9 يوم لازم اجهز معاها لسفر وعندي اختبار يوم الاحد وانا لحد هسي ما واثقة من روحي في الامتحان دا غير المحاضرات
وعندي صحبتي الي ولدت وما رحت ليها من رمضان وهي والدة
واهم لي فترة طويلة ما تكلمت معاكم ونفسي اتكلم واتونس معاكم واديكم اخر اخباري
لكن ان شاء الله اقدر ابرمج روحي وادخل معاكم
تسلموا لي كلكم الي ذكرتوني ويديكم العافية
فليم( كنتي شاغل لي بالي عليكي وعلى البيبي انتبهي على روحك شديد والقلق دا ممكن لا سمح الله يعمل حاجة فيكي ولا في البيبي عشان كدة ما تعبي اعصابك وخليها RELAXS )

وهوما( ازيك وياستي اخواني ياطير البرج الي باقي لي من ناحية الدراسة بس ربك يفرجه )

وهدوية (كيفك حبيبتي اسمعي راجلك دا بيحبك والا ما كان قالك انه دايرك ترجعي معاه بس انتي استخدم كيد الحريم معاها وان شاء الله بيلين معاكي )

ووطني (لو دايرة ترسلي كرومي عندي واخليكي تنامي شهر ما عندك اي مشكلة )

وام صالح ( صرتي مشاركك في موضوع الزهجة المشكلة انوا مقوم القولون علي ونفسيتي صايرة في الحديد واسمعي ليه ما تجربي نصائح SUPER NANY على صلوحي يمكن ينفع معاه)

و رنوية (انتظري مني رسالة عالخاص بعد يوم او يومين ’ ودايرة اقولك الي حصل ليكي في الولادة بسبب المستشفى والاغلاط الي فيها مش بسبب الولادة ليه ما تولدي برة السودان وتريحي روحك )

و ريحونة ( يابت الثانوية العامة كيفك وكيف القراية معاكي واها شاد حيلك ان شاء الله )

ومجنونة (هو انتي شفتي حاجة في الجامعة اصبري حتشوفي النجوم في عز الظهر وانسي موضوع القاموس دا نهائيا صديقني ما بينفعك انا ضيعني بصراحة القواميس رغم تخصصي غير تخصصك )

و روزيد العروسة ( باين علي حااعمل زيك واريح روحي من القراية )

و سروية ( اها من الوزن انا ما تاعبني الي هو كل ما تتعب نفسيتي اروح انام عالطول بدون تفاهم ودا متني بزيادة لكن ناوية من اليوم اني حاسوي رجيم مع صاحبتي وحنعمل مسابقة ما بينا وان شاء الله ينزل )

وبلدي ( كيف بتك هسي من الحمى انا طبعا عشان كنت بااروح اخذ اخواني وبااطعمهم في اول كنت بااخاف وهسي متعودة صرت فحمد لله على سلامته )

وCute_niNO ( تعالي حبيبتي الي شايلة شقا (IT)معاي هو انتي كمان زي بالضبط انا باقي لي برضو 3 سمستر وحااخلص ان شاء الله لو ما خلصت اعرفيني اني ناوية اعملها واعرس وارتاح زي ما بتقول ماما اطلعي وريحني وعرسي )

و ناني ( ازيك وازي الي في بطنك ما شاء الله يا بختك قاعدة في بريطانيا انا هسي عمي هناك لكن وين بالضبط وين ماابعرف هسي ناوية لو ربي قدرني وكملت دراسة اني اعمل مشروع التخرج في بريطانيا ان شاء الله )

بنات دايرة اسالكم سؤال بذات المتزوجات وقولوا لي بصراحة وما عارفة كيف اسالوا ذاتوا بذات الي عايشين في السودان يردوا لي :
هل رجال السودان بذات ناس الشرق (خصوصا بني عامر اهلي ) وناس الشمال
تفكيرهم زي تفكير الرجال الخليج
لان انتم عارفين ان تفكيري مهما طلعت بره زي تفكير السعودية بحكم اني تربيت هنا
صرت الي اعرفهم من اهلي او اصحابنا الي متربين في السودان اني اخاف اتعامل معاهم بحسن نية مني وطيبة اخاف يفهموه غلط مني
قولوا لي كيف اتعامل معاهم وارشدوني واهم شي انوا يكون مستقيم وانا املي وعشمي من بعد الله كبير فيكم وعارفكم مكان ثقة

تشاوة

.......................................................

ماعارفة ماله انكتب كذة مرة

نسيت اقول لهدوية
خشمك دا ما تحطيه ابد مع خشم اخته
لو لاحظتي اغلب البنات دايم مشاكل مع اخت راجلهم عشان كذة الواحد يسكت ليهم ويخليهم ينهقوا زي الحمير
بيقولوا الحقران بيقطع المصران حقريها وطنشيها
انا هسي سياستي لو اخذت واحد اهم شي عندي امه وابوه والباقي ما بيهموني الي اذا كانوا كويسين معاي
والراجل بتقدري تكسبيه باللين والكلمة الحلوة
حتى امي وبتي خالتي ومرت عمي طفشوهم حمواتهم لكن طنشوهم وهسي مرتاحين
كدة عليك الله سجلي هنا واقري القصص الي هنا يمكن بتطلع بحاجة تفيدك مع سي السيد
http://www.uaebalqees.com/vb/forumdisplay.php?f=56
وربنا معاكي