اذكرت حاجة
بنات دايرة اسالكم عن جيلا والله هي في بالي بس نسيت وانا اكتب
شنو لدرجة دي زعلانة علينا

ازيكم يا كلبوشات
انا كويسه الحمد لله بس كالعاده التوتر والترقب والتفكير الكتير لكن كويسه..كان مفروض امشي الدكتور يوم الخميس لكن غيرت رايي في العربيه وقلت لي راجلي كان اتوفى هسه ما ماشه وما تناقشني!!! فمشينا حديقة القرشي وجد فرحة حمودي وهو بتفرج على القرود والبط والضحك معاهو والنطيط هم الغيرو لي مودي ربنا يخلي لينا عيالنا كلنا يا رب
فليم انتي خايفه كده ليه؟؟ مافي اي حاجه مرعبه في كلامك ده..وامشي مش كل يوم لا كل ساعه خليهم يشوفو نبض لبيبي وصحتو كيف..وقولي الحمد لله انك في بلد متطورة ةامكانياته كويسه شديد والله الذي لا اله الا هو انا بعرف وحده اضطرت انها تحمل واطفاله يموتو 3 مرات عشان دكاترة السودان الوهم ديل يكتشفو انو كل الموضوع انو مشيمته بتجلط الدم والغذا ما بصل للبيبي!!! قولي الحمد لله وخلي عندك يقين..وكل حاجه حتمشي كويس باذن الله وكل الحيحصل انو لو حسو بي اي خطورة لا قدر الله حتولدي قبل مواعيد بي قيصري وخلاص واحسن ليكي زاتو! وعموما وزن البيبي ما صغير شديد عادي يعني عارفه ام صحبتي جابت طفل في السابع كانو بشيلوهو بالقطن من كتر ما كان سغير يمكن كيلو وحاجه!!اتوكلي على الله وما بتشوفي الا كل الخير ودعواتنا معاكي ربنا يسهل عليكي يا رب
كيوت نينو تسلم يا شكاليت انته والله اهو بس زي كل الحاجات البتحصل وتفرض نفسها بس بتاخدي شوية وكت لغاية ما تتأقلمي مع الوضع الجديد..وبالمناسبه ما تشتغلي بي كلامي في الطريقه القريت بيها لاني اساسا بكره القرايه وزوله مستهتره كده وهايصه كنت وما كان عندي مشكله في حاجه!!!
هدويه: يا ريت لو كل حاجه كانت بي يدنا كنا غيرنا حاجات كتيرة ما عاجبانا في حياتنا مش؟ يلا عن راجلم اسمعيها نصيحه من اخت: هو هسه شادي شديد مش؟ يلا انتي طوالي ارخي..عشان الحياة تمشي لازم تعملو كده..لكن تفتكري اذا هو شد وانتي شديتي واختو محشورة في النص حتكون النتيجه شنو؟؟؟خليكي عاقله حاليا وانا عارفه انو كلامي ده حار واذا ما نفع انك تقعدي مع ناس امك سااااااااااااااااااااااااااااااافري (ما تكوركي خليني اكمل كلامي) امك احسن ليها تبعدي عنها وهي متطمنه عليكي ولا تتكلي معاها وهي يدها في قلبها لانها خايفه انو الامور تتصعد في اي لحظه؟ وبعدين كده بتسلمي راجلك وما بتدي اختو فرصه فيكي,اوريكي كيف:امشي معاهو واقصري الشر هسه وتعالي بعدييييييييييين اتكلمي معاهو انك كنتي متوقعه منو اكتر من كده وانو هو قسى عليكي في وكت انتي كنتي محتاجه ليهو فيهو وووو الخ كده حتحسسيهو انو بالغ وحيحاول يعوضك ودي فرصتك عشان تتسدي في اختو!! يلا بعداك الكورة في ملعبك شوفي عاوزة تشوتيها وين... الحذر يا هدى ثم الحذر..الحياة معركة كبيرة والمعارك كر وفر والعبرة في البضحك في النهايه واجمل ما على قلب اي زول انو يخرب بيتك ويشبع تنظير فما تدي زول فرصة فيكي ابدا
الكلام ده ليكم عموما يا بشكات: انا كنت زوله ستريت وما بعرف اي حاجه عن موضوع الدبلوماسيه ده لكن من شهرين كده وانا ماسكة فيهو قوي وبفكر بي راسي مش بي عواطفي وبحسبه بسرعه قبل ما تصرف والحمد لله نسبة المشاكل بيني وبين زوجي قلت كتيييييييييييييييير ويمكن الفترة دي اكتر فترة نحن قراب من بعض ولله الحمد والفضل من قبل ومن بعد..فتعالي لي علخاص او في المسنجر عشان اوريكي من اين تؤكل الكتف يا هدو..ولو عايزة انا استشارات ساطوريه انا في الخدمه خخخ
مافي وحده فيكم اعنف ولا اشرس ولا افقر ولا اعند مني لما اقوم على كدايسي يا بنات وبعدين ما يفوتكم قليلة ادب وشردوحة ولعلاعه والنوع البنكش شعرو لما يتشاكل خخخخخ..طيب اها وبعدين؟ بتودي لي طرييييييييييييييق مغلق بس وفي عمرها ما تقرب بعيد ولا تنجز ليك حاجة..
ما عارفه ليه اتذكرت ام صحبتي في المقام ده..زوله بتتفنن في الشكل وتستمتع بيهو وجاري في دمها فمن مواقفه المأثورة انها مرة واقفه في حوش بيته وبتتشاكل مع جارته والحكايه على لسان بتها بتقول لي اظنها في نص الشكله اتزنقت للحمام واذا بكل القاعدين في الحوش يتفاجاو بي انها فتحت رجليها شويه وهي واقفه وشوووووووووو في هدومه خخخخخخخخخخ ولما سالوها ده شنو يا سميرة (بعد الشكله يعني) قالت: اتزنقت وخفت امشي الحمام في نص الشكله تقوم بت الكلب دي تفتكرني خايفه منها خخخخخخخخخخخخخخخخخخخخخخخخخخخخخخخخخخخخخ عليكم الله ما بالغت؟
ماريا دقايق وبرجع ليكي

سرويه كيفك: انا رايي من راي خالتو يا بت العمليه دي عمله ود عمتي لانو فكو اتشق في شكله والله روحو طلعت وزهج زههج فظيع وبعدين لاحظي مافي طريقه للفرشه والمعجون بس غسول الفم ودي براها حاجه متاسفه جدا فما تتهوري وفكرة الحرمان الشديد برجع الوزن اكتر من زمان في وكت قياسي انتي كدي روقي المنجه وهججي الجوافه والامور بتمشي
ماريا: شوفي يا عسل: الرجل السوداني 3 انواع: نوع راقي جدا ومتفتح جدا وبقدر المرة صاح ودي نسبه ضئيله جدا وبتلقيها غالبا في الحلفاويين, ونوع دايش ساي ولافي صينيه وتور وده ما بلزمنا, النوع التالت وهو الاغلب والعام وهو المهم:نوع بسئ الظن بي اي مرة ويعتبره مدانه حتى تثبت براءته ويعتبر اي حركه دعوة صريحه وغيور جدا وحكااااااااااااااااام واهلو عندهم سيطرة غير مرئيه عليهو ونادر جدا يرضي زول على حسابم..عموما..الراجل السوداني دي ابرز عيوبو لكن بالمقابل ما بهين زوجتو ولا بضرب ولا بمد ايدو وبحترم اهلها جدا وفيهو صفات رائعه بكون دايما عندو كبرياء وعفه وعزت نفس ووفاء وطيبة اصيله كده وبعاني في صمت وبي طبعو اسري وبيتوتي وحنون مع الاطفال ومكافح ومسؤول وبتحمل كتيييييييير والزم ما عليهو بيتو..بس طبعا بالمقابل فقري وشكاك وما بثق في المرأة وما بأمنه وبحب يراقبه مهما كانت محترمة وخباااااااار وشمشار وبحب الفضايح زيو زي اي راجل شرقي وموضوع العرض والشرف ده بالنسبه ليهو هاجس زي الصعايده..فتعملي حسابك وتفرضي احترامك من البدايه ده الموضوع باختصار وبتمنى الباقين يفيدوكي اكتر
ام صالح اها الزهجه وعيا الحبوبات كيف؟
فليم لو ما ظهرتي حأضطر اجيكي بالسكه اعضيكي عشان بديتي تقلقي بي فعلا
وطني توب واحد من عند ساريه كفايه وتعالي لي بي جاي افرجك على الابداعات حتتفصمي!
بلدي اها لمو الليله كيف؟

اااااااااااااااااااااااااااااااااااااااا كتبت رد طويييييييييل واتمسح

ازيكم يا بشكات رنوا لكن ما لقيتك دكتور فيل عديل كدا لكن والله كلامك جد صح مية المية وانا حأبدا اطبقوا انشاء الله
ماريا كيفك حبيبة والله ليك وحشة اصلها القراية سغيييييييييييييييييلة شديد لكن قربت هانت
يابنات فليم حصل عليها شنو