الله يهون عليك ويقومك بالسلامه ويسهل امورك ويسخر لك زوارك

شوفي عزيزتي خلينا واقعيين

الوحده لما يجيها ضيوف وهي بصحتها وعافيتها ومستعده لهم على سنقة عشره , مجرد ما يدخلون وينتشرون الاطفال بتلاحظين كل شئ انحاس وتخطيطاتك وبرستيجك راح هباء منثورا

فما بالك بوحده والده وما تقدر تخدم نفسها

اللي ابي اوصله انك مهما نسقتي وحرصتي راح ينحاس البيت اذا صاروا الضيوف معهم اطفال فلذلك وسعي صدرك يالغلا ولا تشيلين هم
حاولي تطنشين ( ترى انا مثلك حريصه على كل صغيره وكبيره بالنظافه خاصه قدام ضيوفي بس احيانا افكر واقول ليش انا ذابحه عمري على الفاضي الدنيا ماتسوى )
وغير كذا ضيوفك عارفينك وعارفين نظافتك فراح يعذرونك لو صار فيه نوع من التقصير

على قولتك انتي رتبي بيتك بمساعدت عائلتك وجهزي ضيافتك من شاهي وقهوه والبيت وحوسته اثناء تواجد الضيوف انسي همه ترى كلها ساعتين ويطلعون

وكان الله بعونك وعليك بالدعاء بتيسير الامور

شوفي حبيبتي انا والله حاسه فيك
مامريت بحالتك بالضبطت لكن تشبهها من ناحية الوحده
المهم اتمنى افيدك
اولا اهم شي راحتك والبيبي الباقي ملحوق عليه
اهم شي الغرفه اللي بتستقبلين فيهاالضيوف خليها مافيها حوسه كثير مجرد سريرك والبيبي وطاوله صغير ه جنبك والكنب
الطاوله اللي جنبك خلي عليها دايما جاهزه القهوة والتمر في علبه محكمه حلو شكلها وتحفظ التمر وكثير موجود منها للضيوف هذي بس
انتي خلي لك علبه ثانيه كلي منها قد ماتقدرين وغذي نفسك
اعتقد كافي للضيوف قهوه وتمر المفروض هم اللي يجيبون لك لانك نفاس وحطي فبالك محد بيشره عليك
خذي الامور تساهيل اذا مره ودك تتجملين وعارفه جايك ناس خلي زوجك يجيب شوكولا مغلفه ومعمول ومن هالاشياء اللي تطول ماتخرب
الضيوف وخلاص
اللحين انتي ياليت لو تجيبي هالبوتاجاز الصغير اللي بالكهرب اللي بس عيون مادري وش اسمه وخلي بنتك اللي يحفظها او زوجك يقربه لك بعد مايروحو الضيوف وسوي لك التمر اللي بالسمن والرشاد وياليت توفري جنبك ثلاجه سخني وكلي ومافيها شي وصي اختك تطبخ وترسل لكي او جاره او احد من اهل زوجك ترى الدنيا ماتخلى من الطيبين ياليتني جنبك والله لاخدمك بعيوني من خلال تجربتي الوحيده بالدنيا اللي تحتاج مساعده هي النفاس
ولاتكتئبي لان الله معاك ويشوفك ويساعدك انتي قولي يارب

تكمله
اولادك الله يخليهم لكي خصصي لهم دولاب ويكون قريب من الباب عشان مايتوغلون بالمطبخ حطي بهالدولاب كل انواع البلاستيكات من صحون وملاعق وكاسات وكاسات ورق وسفر ومناديل عشان ياكلو فيها ويرمون ع طول ماتتكوم مواعين
علمي زوجك كيف يشغل غسالة الملابس والنشافه وذكريه بان الرسول عليه السلام كان يعمل بنفسه وادعيله من قلبك قدامه ترى هالشي يرقق قلب الزوج لابعد ماتتخيلين حتى لو كان طيب عسى الله يسخره لكي وياليت غسيل زوجك وكويه يكون برا مؤقتا
خصصي عسطح المطبخ(بغيت اقول المكتب من الحماسه) حطي شاي ليبتون وسكر ونسكافيه وعيش
بالثلاجه خلي زوجك يقضي نواشف عشان اولادك اذا جاعو ياكلو ع طول و****لله بتعوضينهم بعد ماتقومي بالسلامه
علمي بنتك الله يحفظها بطريقه مبسطه كيف تمسح الارضيه وقربي لها السطل والمطهر عشان ماتقعد تدور
اممممم هذا اللي عندي اذاتذكرت شي باقولك
وعشان ارفع من معنوياتك بنت عمتي ولدت وهي بكريه بامريكا تخيلي لحالها يعني لا جار ولا اخت ولاهم يحزنون ولدت وحاست بنفسها لانها بكريه لاخبره ولاهم يحزنون بس الحمدلله مشى الحال وقامت بالسلامه والحين تتذكر هذيك المرحله وهي تضحك لانها صارت ماضي فياستي حطي املك بالله وتوكلي عليه ولاتشيلي هم الناس كثير ترى ارضاء الناس غايه لاتدرك حطي فبالك اهم شي انتي والبيبي وزوجك واطفالك
تكفين لاتكرفين وانتي نفاس ولاتزعلي ولاتكتئبي وانا بأدعيلك

نوارة اسمعي الكلام شفتي كيف انتي مهمة وكلنا التفينا حولك
النوووووووووووووووووووووووووووووووووم اولا (اشبعي نوم)
الاكل ثانيا(اهم شي بطنك لا تاخذك فيه لومة لائم!)
البيبي واخوانه ثالثا
واما الباقي فمعليش لامؤاخذة ..................ولا مانيب قايله انتي افهميها