عمري ما توقعت اني بفضفض في منتدى!!!

السلام عليكم و رحمه الله تعالى و بركاته

شخباركم با بنات؟ عساكم بصحه و عافيه...محدثتكم من اشد المتابعين لهذا المنتدى و تطورات عضواته الكريمات

و الله عمري ما توقعت انه بيجي يوم و افضفض في منتدى مش استحقار مني لا سمح الله و لكن ايماني بان الشكوى لله عزوجل اولا و من ثم للمقربين من الاهل و الاصدقاء...لكن فعلا جا اليوم اللي حسيت فيه انه المقربين مني مش فاضين لي <كلا لاهي بدنياه> او ما راح بفهموني و يتجاوبون معي :44:

و الله اعرف انه مشاكلي تهون امام مشاكل وايد ناس و تعتبر يمكن مب مشاكل..بس كلن يدور على ليلاه مثل ما يقولون :35:

وحدة من اكبر مشاكلي بدت من يوم كنت 9 سنوات او اصغرو للان مستمره بس نظرتي لها تغيرت شوي بفضل ربي اللهم لك الحمد و الشكر <<< ما راح امملكم فيها :27: بس ادعولي بالستر في الدارين

ثاني اكبر مشاكلي بدت من 12 سنه تقريبا ... ابوي و امي تهاوشوا هواشه كبيره و تخيلوا من ذاك الوقت و هم ما يكلمون بعض عاشيييييين بس كـذا و كل و احد منهم يقول انا صابر عشاني عيالي ما يدرون انه احنا عيالهم ملينا من هالحال...لازم مشاكل و سوالف اتصير كل شهر ما مر علينا شهر عدل مثل الناس...عماتي الله يهديهم ما يحبونا و امي تقول انه اهم السبب الاول و الاخير في مشاكله مع ابوي و تقول انه اهم مسوين سحر حق ابوي و سحر لنا عشان ما انتزوح...وانا بكل صراحه ما احب عماتي حالهم حال الناس...اصلا اهم و بناتهم ما يعرفونا و للحين يلخبطون بينا مع انه احنا 3 بنات بس و لا المشكله بحقدون علينا و يطلعون علينا سوالف ... كل هذا و ابوي مايدري عن شي مهما انقوله مافي فايده...ايشوفهم اشرف الناس و يتحسب على امي واهلها ليش انه هم قسوا قلوبنا عليهم على قولته....

للعلم ترى امي ما قصرت في عماتي وقفت معاهم وايد لكن اهم ما يبين في عينهم شي :mad:

.المشكله انه امي و ايوي مب مخليني انا و اخواني في حالنا...مشغلينا المحقق كونان وربعه<<صج لقالوا شر البليه ما يضحك:hahaha:
الهم امي 24 ساعه تسال ابوكم اشقال اشوا ؟ تكلم مع من؟ راح حق عماتكم؟ الخ و طبعا في وحده تنقل حق امي اخبار عماتي مع ابوي ،،هي تصير مرت ولد عمتي الكبيره و هي ما تحب حماته اللي عمتي و بناته ابد و طبعا لقت شي مشترك مع امي الله يهديه و قامت تعطي امي تقارير و توصل حق امي شقالوا عنا و اشمقالوا
والله يا جماعه الخير امي انساته فاهمه و ملتزمه لكن ما ادري شاللي يخليها تدور السوالف وانا علي جهالتي ياما نصحتها انها تتركها و لكن مع الاسف اتطلعني غلطانه....

طبعا امي من سالفتها مع ابوي وهي متغيره علينا كلنا بعني اتعصب بسرعه و على اتفه شي

و طبعا انا و يها لازم انتهاوش كل فتره و على اشياء ما تستاهل ... و ابوي نفس الشي بعد ... و كل على اشياء سخيفه ماتسوى ابدا.... وتخيلوي الحين بعد تهاوشنا و 2 ما يكلموني ... استغفر الله بس...

هاذي بس بعض مشاكل البيت و فيه مواقف كثيره بس ما حبييت امللكم معاي:27:

و طبعا مشاكل الجامعه في صووووووب....و الله اني قمت اكره الجامعه و اكره الدراسه على كثر ما ادرس ما يبين مجهودي ...معظم الاوقات اجيب درجات اقل من الناس ...اول كنت ابي اجيب ممتاز عشان افرح امي...الحين لو اسوي شنو ما اقدر الله يعين و اتخرج.. ، الله لشفت الناس اعلي مني ازعل و اتضايق و اقول ليش انا لا ليش الله حارمني من حتى الدرجات الزينه ليش اللي اقل مني دينا احسن مني و مثل هالافكار توديني و تجبني...بس عقب استغفر و اقول كل شي لحكمه انا ما اعرفها وهذي اكيد وساوس شيطان....

و الله احس ضاقت فيني الدنيا و قمت ادعي ان الله يرزقني زوج صالح يعوضني و يبعدني عن جو المشاكل و يشغلني يالهزوج احسن من جامعتي و مشاكل بيتنا وعقب ارد و اقول حق نفسي انه الزوح ما راح لا يودي و لا يجيب و لا راح يحلي اي مشكله :44:

اللهم لك الحمد كما ينبغي لجلال وجهك و عظيم سلطانك.....دعواتكم يا بنات

اسمحولي على الاطاله و الكلام الملخبط....