حبيبتي
انا كان عمري ١٨ سنة اول ما تزوجت يعني في سنك وحاسة بالمشاعر اللي كنتي فيها
باكون معاك صريحة
لما تزوجت كنت طاااايرة من الفرحة كثير بس كان في شي داخلي يقولي ليش استعجلتي
سكنت في بيت أهله في غرفة بس
صحيح اني كنت في بيت اهلي اطبخ وارتب وانتبه لاخواني بحكم ان أمي مطلقة وعايشين مع ابوي
يعني توقعت اني مستعدة لهالخطوة
" نفس اللي تحسي فيه "
كانت خططي قبل الزواج
ادخل جامعة ، اتوظف ، دخل خاص، ضحك ، فلة ، وناسة ، صديقات ، بدي كير ، مني كير ، تطوير الذات ، مهارات الحوار ...... وكثير كثير لو تدققي ان اغلب تفكيري في نفسي وبس
وكان هذا مخلي لي شخصية جذابة وروح حلوة

لكن كن اول خطوة اللي هي بعد الملكة
انمحت شخصية كثير وصرت تبع خطيبي
وهو يحب كلامه اللي يمشي
بحكم اني صغيرة كنت أقول تم في كل شي
تغيرت كثييييير
جبت بنتي وعمري ١٩ سنة
الكل تدخل في تربيتها
انتي ما تعرفين عطيها رضعيها كذا وسوي كذا
الطبخ الكل يعلق
الزوج نفسه صحيح يحبك بس ما لك رأي
بحكم انك صغيرة وايش الرأي اللي بيطلع من بنت في ١٨ سنة
عمري ٢٥ سنة وعندي ٣ أطفال
وتفسيتي تعبانة من الأولاد والطبخ والتنظيف والتدريس
نصيحتي ادخلي جامعة وشوفي نفسك الزواج لا تفكرين فيه الا بعد ٣ سنوات
تكونين نضجتي فكريا وعندك تحمل جسدي للشغل والحمل
والله يوفقك حبيبتي

صدقيني أهلك ادري بمصلحتك
 انا ارحم الي تتزوج صغيرة 
أقصد بصغيرة تحت العشرين
أصلن سبحان الله كل ما كبرتي تحسي
نفسك صرتي تفهمي الأمور أفضل من قبل
يعني لما توصلي بداية العشرينات
و تكوني قد قطعتين مشوار من دراستك
الجامعيه سنتين او حولها اشوف هنا يبدأ الزواج المناسب منها تكوني امنتي دراستك و ما عاد باقي لك إلا القليل و منها تكوني نضجتي و عشتي لنفسك فترة كافيه 

والله اذا تبين رايي لا تستعجلين انا تزوجت بعمرك اللحين وزوجي طيب ومتفهم لكن تحسين ماعشتي حياتك بحريه بدون اطفال بدون مسئوليه
لكن انتي ادرى بنفسك اذا تشوفين نفسك محتاجه للزواج تزوجي
وعموما الله يوفقك ويرزقك بابن حلال
لكن لا تاخذين اكبر منك بكثير

طيب عمرك حلو للزواج انا تزوجت اكبر منك بسنه وعندهم كبيره و متاخره
بس الفرق اني مغصوبه على الزواج ماكنت أبغى أتزوج تزوجت غصب من امي

خلصي الجامعة اول علشان تنبسطين مو مو ذاكرة وزواج وشهادتك ترى هي سلاحك ممكن زوجك يغدر فيك وين تروحين عزي نفسك بشهادتك ووظيفتك