عمري 21 وتدرون يعيرون علي بالعانس شي يقهرررررررررررررررر

السلام عليكم ورحمة الله وبركاته

بنات هذا المنتدى الكريم انا دايم متابعتكم وحبيت اكتب لكم مشكلتي وابغي منكم مشاركتي فيها والدعاء لي مع انها يمكن هي مهوب مشكلة عند البعض بس عندي وفي نظري هي مشكلة كبيره بعد

يابنات الحلال انا مشكلتي تقهر جد تقهر
انا الحمد لله على قدر من الجمال ولله الحمد ودايم انخطب يمكن من أن عمري 17 او 16 سنه وانا داااااايم انخطب وخطاب ماشاء الله تبارك الله يعني جد جد موصفاتهم تتمناها كل بنت ونسيت اقولكم عمري الآن 21 سنه وقريباً بدخل 22
بس المشكلة الوحيدة والعائق الوحيد ((امي))ترفض عني ترد اي واحد يخطبني ولأسباب تافهه والله تافهه
اعطيكم مثال خطبني وااااحد 3 مرات تقريباً والله شاب طيب وخلوووق متخرج من جامعة البترول مهندس في ارامكو مقبل على الماجستر وعمره طبيعي 26 سنه وامي رافضته تدرون ليه؟؟؟؟؟؟ هو الولد الوحيد وعايش مع امه واخته مطلقه بالبيت وبتصير معي...هالشي يمكن انا اتقبله ماعندي مانع وخصوصاً ان امه كبيره بالسن ولحالها واخته موظفه ومهوب في حاجة حتى راتبه اسمة انه ولي امرها وبس
وغيرررررره اخطبوني كثير وامي ترفض عشان اخته ماخذة من الفلان او امه من الفلان او انه اقل من مستوانا وهو لاحظو من نفس الطبقة بس امي مهوب راضيه تفهم
يعني وش اقول وش اخلي
خطبني غيره انسان توه متخرج من دراسة الشريعه وامام مسجد شاب صالح <<بس تقول امي امه نذله ماتصلح لك
يعني لو اقولكم كثيررررررر اخطبوني وامي ترفض لأسباب تافهه
لدرجة ثلاث ارباع صديقاتي تزوجو والكل يقولي غريبه انتي للحين ماتزوجتي وابشركم اختي اللي اصغر مني صارت الحين تنخطب كثيررررر بعد يعني محتمل انها تتزوج قبلي
ومره من المرات قلت لأمي وواجهتها ليه تريدين عني لأن ذاك اليوم خاطبني واحد طبيب عيون<<<لاحظو واقولها ليه رديتيه خليتي ابوي يسأل عنه انا ماعدت صغيره تدرون وش ردت علي ((انتِ ماتنخطبين وش اسوي فيك يعني تبين اكتب اعلان عندي بنت لزواج وش اسوي فيك يعني ازوجك والناس مايبونك))
قلت لها وذا اللي يخطبوني قالت ماجاك شي عدل كلهم ولا مهوب منا ولا فينا
قولو لي وش اسوي لدرجة انها ترفض كل اللي يخطبوني علىىىىىىىى طول حتى بدون ماتشاورني ولا تشاور حتى ابوي او اخواني
ولا المشكلة انها دايم تتفاخر انها متزوجه وهي صغيره وان بنات عمها عنسوو ماتزوجو الا فوق العشرين ودايم اذا شافت وحده بنفس عمري تقول ذي عنست الى الحين ماتزوجت بدوووووووون ماترحم مشاعري ولا هي راضيه تزوجني بعد
غير كذا صار اخواني الحين اذا تهاوشو معي الصغاريقولون لي يالعانس تخيلتو والله ان قلبي يتقطع والمشكلة وش اقول اجي اقول لابوي زوجني استحي..
وغير كذا دايم اذا شافت اختي اللي اصغر مني متكشخة ولا شي تقول لها ايه الله يرزقك واشووف عرسك وانا ماقد دعت لي تخيلتو وبس ترد عني وكانها متقصده تخليني في وجهها وغير كذا انا الحين اخر سنه بالجامعه وقريب اتخرج إن شاء الله تقولي بوظفك بأرامكووووو اخلي ابوك يجيب لك واسطه رغم اني انا ماابي وظيفه ناقصه اعنس والسبب نظرة المجتمع
واختي اللي اصغر مني تقولها ابي اتوظف بالمستشفى اذا تخرجت من الثانوي تقولها تبين الناس مايخطبونك وكأنهااااااا حكمت علي اني صرت عانس خلاااص مااحد يبيني والله شي يقهر ويقطع قلبي
قولو لي ياناس وش اعمل وش اسوووي
ونسيت اقولكم...
مره كانت تدعي ان الله يزوج وحده منا لواحد من قرايبها لأن ابوه وزير وغني ووتتمنى ان ذا امه تخطب وحده منا قلت لها ادعي لنا باللي فيه خير لنا لاتدعين لنا كذا مهوب شرط نتزوج الا هالشخص تدرون وش قالت:اصلاً انتي معقده ولايبيك إن شاء الله يخطب اختك فلانه ((اللي اصغر مني))تقصد
بربكم مهوب ذا يجرح
وتدون وش سبب عدم التوافق بيني وبين امي اني مااطاوعها على كل شي مثل خواتي الثانين وهالشي قاهرها وبالرغم من كذا هي تحب تفرض رايها اجباري بالبيت ولاتحب احد يناقشها بالموضوع او يعطيها وجة نظر حتى ولو قرارها خطا اهم شي كلمتها اللي تمشي...........

ونسيت اقولكم مره يوم جت تخطب لأخوي قلت لها ذا البنت ماتصلح لأخوي لأني اعرفها ..تدرون وش ردت اصلاً انتي تغارين من اخوك لأنك ماتزوجتي
يعني انا بنظرها عانس برغم من ان عمري 21
ولو اني ماانخطب والله ماتكلمت بس المشكلة اني انخطب وهي اللي ترفض والله ترفض وكأني انا البنت الصغيرررررره ياناس ادعولي تكفون انا مقهوره وماني فاهمه امي ادري انها تحبني بس ليه تسوي معي كذا
لدرجة ماعمرها استشارتني اذا انخطبت تبين هالشخص ولا لااااا ولاحتى ابوولا اخواني ماعمرها استشارتهم يعني ترد الخطاب بدون سبب بمزاجها ولحالها بعد ماتشاور احد ترد بدون سبب وعلى حسب نظرتها بدون ماتشوووف حكم اللي حولها
ادعولي وعطوني حل الله يرضى عليكم