اسال الله العظيم رب العرش العظيم ان يشفيك
حبيبتي روحي دكتوره مسالك بوليه واستشيريها

الله يشفيك شفاءآ لايغادر سقمآ روحي طبيبة نساء يمكن عندك التهابات وقبل تنامين وقتي منبه يصحيك نص الليل تروحين للحمام قبل تتبولين وبتتعودين مع الأيام

في جهاز بسيط يتركب في الجهاز البولي وان شاء الله تتنحل مشكلتك وهو جهاز بسيط جدا وبتخديؤ موضعي


ولو كان ينباع عندكم حلوي عمانية خذيها وسخنيها دقيقة في الماكرويف وكليها ساخنة شوي بتساعدك

الله يشفيك حبيبتي

دايما نسمع الاطباء يقولون اذا مافي سبب مرضي ضبطي مواعيد الشرب وقللي كافيين او اي مشروب يدر البول

وقبل النوم بأربعه ساعات لا تشربين سوائل الا للضرورة رشفه ماء

وقبل النوم ادخلي الحمام واذا خلصتي لا تطلعين من اول مره انتظري دقيقه وادخلي مره ثانيه لان المثانه ماتتفرغ من اول مره

وخلال اليوم اذا حسيتي انك ودك تروحين الحمام لا تتأخرين وتأجلينه يضرك ويسبب التهابات او احتقان

واهم شي نفسيتك لها دور لازم تخففين التفكير والتوتر ويفضل تمشين كل يوم عشان يخف الضغط والتوتر النفسي منك