عمري 40 يا ترى في أمل؟

السلام عليكم و رحمة الله و بركاته

أنا عضوة جديدة و أتمنى إنكم ترحبون فيني بس تراني متابعة قديمة للمنتدى بس توني أسجل فيه و هذي أول مشاركة لي ، على فكرة أنا عمري 26سنة بس إلي يشوفني يعطيني أكبر من هالعمر بوايد و السبب يا أخواتي هالسمنة إلي لاصقة فيني من أيام الطفولة، مخربة علي كل شي حلو في حياتي الله ياخذها، باختصار أنا اعاني من سمنة مفرطة جداً تصوروا طولي 167سم و وزني أخاف تنصدمون :30: 136كجم، المهم أنا ما خليت عمري و ما تم شي ما جربته من ريجيمات و أدوية و شوية رياضة كل هالأشياء و طبعاً بدون استمرار ماأدري ملل و إلا قلة إرادة و عزيمة و إلا إحساسي الدائم بتفاهة الحياة و عدم الرغبة فيها و خصوصاً هالأيام أحس بموت من هالإحساس أحسني فاقدة الإحساس أصلاً دايما أحس بخجل من نفسي و إنكسار داخلي حتى والله يوم تيجي سيرة الزواج و العيال أحس إنه ما لي أمل في هالموضوع رغم إني و الحمدلله حلوة الملامح و جميلة التقاطيع و أهتم بنفسي و بجمالي و كشختي و في هالفترة قاعدة أفكر أسير عند نيوترشن علشان أنزل هاوزن العنيد و على فكرة وزني صاير ثابت من كم شهر يعني ما يزيد و الحمدلله يمكن لأني ملتزمة بشرب الشاي الأخضر يومياً، عندي سؤال يا بنات هل السمنة إلي تكون من سن الطفولة يصعب التخلص منها مقارنة بالسمنة إلي تجي بعد سن الطفولة؟
أتمنى أشوف أجوبتكم وردودكم يا خواتي