طبقي الي بقلك عليه دحين واتحداكي بنتك ماتخرج

اول شي اذا بتعطيها سيريلاك نستله العادي وقفيه واستبدليه ببلفيت بلاس

ثاني شي اول ماتصحى شربيها ملعقة صغيرة عسل مذوبة في مويه
ثالث شي شربيها عصير برتقال طارزج بعد الفطور
رابع شي بعد الغدا عطيها رضعة يانسون مع ملعقة شاي مليانة سكر
خامس شي حطيلها تحميلة جلسرين يوميا
سادس شي الافضل تعطيها حليب نوفالاك للامساك

طبقي كل الي كتبته انا مو شي وااااحد وفيوم واحد وحتشوفي ويمكن ماتلحقي تسوي كل الي قلته وتكون اخرجت بكل سهولة

ادعيلي ربي يسخرلي زوجي ويحفظلي بنتي ويسهلي ولادتي واولد الطفل السليم المعافى

هذي نصايح استشاري وعن تجربة مني ومن كثير نصحتهم

ادعيلي ربي يسخرلي زوجي ويحفظلي بنتي ويسهلي ولادتي واولد طفل سليم معافى

انا جربت زيت الزيتون

مره مريح

وضروري تعطيها سوائل مويه عصير

الله يشفي بنوتتك يارب.

عوديها على العصيرات لاتغلطين غلطتي....كنت ما اعطي بنتي عصير...اقول سكر خطر عليها الحين سنه وشهرين وفيها امساك ابيها تشرب عصير اي نوع رافضه تشرب...



انتي اصبري لاتوسعين خطر توسع زياده....اعطيها عصير وفي الحليب زيت زيتون....بس لاتكثرين يعني ملعقة كيك صغيره....


حاولي الله يعينك ويعيني. ..

ماشاء الله الاخوات ماقصرو

بس بزيد كم شغله لأني عانيت مع ابني نفس معانتك مع بنتك الله يشفيهم يارب

الاكل الي لازم تقللي منه مو تطعيها للابد
الاجبان . الالبان . الزبادي . البطاطا . الرز . النشا . اللبن . الدقيق الابيض . حليب بروميل جولد احذري منه إذا كنتي تديها تراه يسبب امساك مزمن . السيرلاك بأنواعه الا التمر

الاكل الي لازم تكثري منها
الرضاعة الطبيعية
الدقيق الاسمر . السمن . العسل الاصلي . الكوسا . البامية . الملوخية . التمر . عصير اورانج فرش . السكر . الشوكلاه

وكمان تأكدي من حليبها الصناعي مايكون ثقيل شوي

وتقدري تسوي هاي الاكله مره مفيده عن تجربه
شفتي الرضاعة بعد ماتسوينها وقبل ماتديها بنتك حطيه بطاسه ع النار وضيفي عليها سكر نبات لاتحلى كثير وخليها تغلي ع الخفيف لين ماتطلع رغوة الحليب انثري عليها دقيق اسمر شوي شوي بيصير الدقيق مكور وهذ المطلوب وحركي 5 دقايق لين يتشبع الدقيق بالحليب والافضل ماتكثري الدقيق عشاي يبقى شوي حليب لحاله وبعدها غطيها واتركيها من 20 ل 30 دقيقة ع نار هاديه بعدها طفيها وحطي الاكل بصحن وصبي عليه سمن اصلي طازج دافي وبعده عسل سدر اصلي طازج واتركيه يبرد شوي ربع ساعه او اقل عشان لايتجمد السمن وبرضو إذا كان الاكل دافي يصير مفيد اكثر وبعدها اكلي بنتك وبالعافية

وتراها مجربه من ناس كثير ومناسبه لعمر فوق 6شهور ومفيده للامساك واكله صحيه وغير كذا اطفال سمنتهم بس هذا الشي راجع لطفل نفسه إذا قابل للسمنة او لا ونسيت ترا هذي الاكله مناسبه جدا لفترة العشا تشبع وتثقل بنومتها ويفضل طبخها يوميا
ناس يغلون بدل بودرة حليب الاطفال يحطو نيدو خاصة للكبار والعسل مو لازم ترا وسلامتك

ايه وبعد ترا التحاميل المسهله مو كويس تديها يوميا لأنها بتتعود عليها وبعدين متقدر تسويها بنفسها عند الحاجه فقط واقصاها كل 3 ايام
وافضلها تحاميل الجلسرين للاطفال

وكمان ترا الامساك يروح كل ماتقدم الواحد من العمر لأنه بيصير ياكل مثلنا طبيعي

وان شاء الله ماطولت عليك
والله يشفي بنتك يارب

وادعيلي ان ربي يسخر لي زوجي ويسعدنا مع بعض ويحفظ ابني ويمشي بالقريب العاجل يار

سلام