لا حول ولا قوة الا بالله

ربي يفرج همك اختي لطيفة، ويعوض صبرك خير يا رب

وتيقني بأن الله عز وجل معاك ،واحنا كلنا معاك بإذن الله

واذا كان مكتاب ربي نتمنى يعوضك احسن من الي ضاع عليك،وعسى ان تكرهو شيئا وهو خير لكم

واذا كان بفعل العباد ربي ياخذ فيهم الحق ،وحسبنا الله ونعم الوكيل


غير ما تغبري علينا وخلينا نواسوك وتواسينا

استغفر الله علي العظيم

شكرا البنات على الدعاء لي بالخير
الله يجازيكم بخييييييييييير انا الحمد الله صابرة والله

الله يفرج عليك اختي و يلينم قلب زوجك ليك و الله يعوضك خير شوفي راه قدر الله كلو خير معرفتي الخير فين مخبي ليك والله متقنطيش من رحمة الله ( عسى ان تكرهو شيئا وهو خير لكم ) و زيدون كرا غير طالع ليه دم دب يبرد و يرجع غير لدارو و لمراتو غير صبري اختي و نفسي عليك و حنا خواتتك ما تسالينا غير ندعو معاك كنا كندعيو معاك و غنبقاو ندعيو معاك و الله يفرجها عليك فهاد النهار

لطيفة ماتبكيش اختي ماتعرفي الخير فين كاين ممكن ربي يكون كاتب ليك الخير والدرية مع اخر .غير احنا كنبقاو نفكرو ونحللوا .الى الله كاتب ليك العيشة مع زوجك راه مايمكنش تفارقو وخا تخاصمو حتى تعياو غادي ترجعوا لبعضكم اما الى ممكتابش تعيشو مع بعضكم وخا تعملو اللي في جهدكم .
المهم انت ضميرك مرتاح كنت دائما الزوجة الوفية والصابرة بينك وبين الله مرتاحة درت اكثر من جهدك باش تحافظي على بيتك الى مشى هو اللي خاسر مايلقاش بحالك اما انت انا اكيدة ان الله سبحانه وتعالى غادي يعوضك بزوج اللي يعرف قيمتك. بيني وبينك الزوج اللي يضرب امراته ميستاهلش تعيشي معاه عاد المسائل الاخرى اللي كنت صابرة ليها عافاك متفكريش بزاف. وكلي امرك للرحمان هو اللي غادي ياخد فيه الحق وهاد الزوج اصلا عندك معاه مشاكل ماخصكش تربطي نفسك معاه بالاولاد تخيلي دابا كون كانو عندك الاولاد وعندك هاد المشكل اشنو غيكون مصير وليداتك اللهم انت دابا ديال راسك الى فعلا سمح فيك من بعد هاد الصبر راه ماكيستاهلكش والله يجيب ليك مااحسن منه لي يستاهل تولدي معاه ويكون اب مثالي لوليداتك وتعيشي في جو اسري كله حب وتفاهم.
الحبيبة ديالي هالعار متفقصيش راسك لي باعني نبيعو صحتك هي الاولى الى خطاتك ميعرفك تاواحد اما الراجل مادام ماعندك معاه اللي يربطك بلا ماتبقاي تنازلي باش يعرف اشنو دار. الى رجعليك ارجع بشروطك والى مافيهش الخير امشي فحالو ودابا يجيك مااحسن منو وتندمي على النهار اللي بكيتي على واحد ماكايستاهلش.
قلبي معاك والله يفرج همك ويهون عليك نوصيك الاستغفار ثم الاستغفار وخليها على الله هو يتولاك ويتولانا جميع.
ماتغبريش احنا اخواتاتك كندعيو معاك في اي وقت وحاسين بيك بزاف.
تهلاي فراسك وماتفكريش فيه هو الي خاسر ماشي انت.

السلام عليكم
لطيفة الله يصبرك يا أختي ماعرفتي فين كاين الخير حاولي تغيري الجو وسافري شويا باشماتبقايشي تخممي بزاف وتهلاي فراسك وإن شاء الله ربي يعوضك خيرمنو لي تولدي معاه وليدات غير نتي ماتبقايشي تبكي وحاولي تشغلي نفسك بشي حاجة مثلا دخلي شي لصال درياضة باش متنعازليشي بوحدك الله معاك وحنا معاك بغيناك تطُل علينا الله يرزقك الصبر لحر دطلاق والفراق واحد وصعيـب
الله يفرج همك وهمي وجميع المسلمين