السلام عليكم ورحمة الله وبركاته
حبيت أكتب لكم تجربة بنتي مع عملية اللوز لاني بعد ماقرر الدكتور العمليه دارت في بالي أسئله كثيره بس للاسف مالقيت لها أجابات واليوم المغزئ من كتابة الموضوع هو أني أفيد الامهات عامه
أعرفكم على بنتي وبدايته مع اللوز
بنتي عمرها الحين أربع سنوات من كانت وهي ثلاثة أشهر وهي تتعب حراره وأستفراغ وكثير تشتكي من أذانه واذا ودينها الدكتور يقولنا اللوز ملتهب وكبرت وهي على هالحال بس اللي كنت ملاحظته أنا وقت الصيف تتحسن شوي وبالشتاء الله الكافي من مضاد لمضاد مع أننا في شقه وطلعاتنا قليله بس مناعته مره ضعيفه
بعد مااخذنا لها موعد في مستشفى حكومي أول ماشافها الدكتور قال اذا اللوز يلتهب عليها أكثر من خمس مرات لازم لها عمليه لان اللوزتين متضخمه وسولها أشعة علشان يشوفوا اللحميه وفعلا كانت اللحميه ملتهبه عندها مع أنها ماكانت تشخر وهي نايمه بس كانت بعض الحروف تنطقه بصعوبه تحسين كلامها فيه غنه
وقرروا له العمليه
طلبات العمليه
قبل العمليه بيوم رحنا للمستشفى وسوا لها تحليل للدم والبول ورجعنا للبيت وقالوا لنا صوموا البنت من الساعه 10بالليل وتعالوا يوم العمليه الساعه 7
يوم العمليه
سولها كشف وشافوا الوزن والطول وبعده جاء اخصائي التخدير وقال لنا راح اعطيها شراب يهديها ويخدرها علشان نقدر نحضرها للعمليه ونحط لها المغذي وأول ما أعطوها الشراب تركوها عندي 10دقايق وفعلا لاحظت البنت بدت تخدر وتتسدح((بصراحه حتى انا ارتحت لما شفتها هاديه لاني كنت خايفه يأخذونها من عندي وهي تصيح ))
وجلست في العمليه ساعه الا ربع وبعدها طلع الدكتور وقال العمليه ناجحه ولله الفضل من قبل ومن بعد
بس دخلوها غرفة الافاقه علشان تصحي من البنج تركوها تقريبا ربع ساعه
بعدين طلعوها وقالوا بما أنه صغيره لازم تنوم الليله ونحط لها مغذي
بنتي طلعت من العمليه تصيح وكانت تشتكي من بطنه بس كانت تقول لي الممرضه عادي بطنها هواء لان فمها مفتوح طوال العمليه حاولي انها ماتصيح لانها راح تتعب الجرح
كنت طول الوقت أقرى عليها لانها تصيح وهي نايمه وتقول خايفه
الاكل بعد العمليه
منعوا عنها الاكل والشرب بعد العمليه لمدة أربع ساعات
وبعدها جابوا لها عصير تفاح وأيس كريم وقالوا ممنوع عنها الاكل الصلب لمدة 24 ساعه
بصراحه كانت بنتي متعبه كانت تصيح وماتأكل يعني بالغصب تأخذ لها ملعقتين
((نصيحه /هالفتره يبيلها وساعة صدر لاني حسيتها خايفه من أجواء المستشفى وكارهه الاكل وتقول أباكل بالبيت ))
شنطة المستشفى
لازم تاخذين بجامه شوي واسعه أكمامه لان طول ماكنا بالمستشفى كانت أبرة المغذي على يده
جزمه مريحه
مناديل معقمه
العاب الطفل المفضله
الوان ودفتر الرسم ((كنت أنا اللي الون بس خليتها تختار لي الالوان))
غير أغراضك اللي تحتاجينه
بعد المستشفى
بعد ماطلعنا من المستشفى أعطوها مضاد وخافض حراره في حالة تشتكي من أي الم
والاكل قالي الدكتور قد ماتأكل راح يكون أسرع لشفاء الجرح
وكنت أعطيه وجبات كميه قليله في أوقات متقاربه يعني شوي زبادي وبعده بشوي عصير تفاح وبعده شوي بطاطس مهروس وبعده شوي أيس كريم و بعده موزه مهروسه
الممنوعات
الحوامض والمكسرات والشيبسات لمدة أسبوع والاكل والمشروبات الساخنه
والحين الحمد لله بنتي لها أسبوع مسويه العمليه وأكلها متحسن كثير
وأخيرا
يشهد الله علي أني كاتبه الموضوع محتسبته صدقه جاريه ومرجع كل وحده عنده أسئله تفكر فيه الام تخص هالعمليه وأنا حاضرة لاي أسئله ولا أبي من ورى هذا الموضوع ردود كثير غير دعوه صادقه من القلب بهداية زوجي وصلاح بناتي
ماركه جديده @markh_gdydh
عضوة فعالة
يلزم عليك تسجيل الدخول أولًا لكتابة تعليق.
كانك تحكين يوم عملية بنتي سبحان الله حتى نفس التعليمات وكلام الدكتوررررر
ياااااااااااااااااااة ايام عدت على خير الحمدلله
ياااااااااااااااااااة ايام عدت على خير الحمدلله
شذا2010
•
انا انصح كل وحده عندها طفل فيه اللوز انها تشيلها انا اللحين عمري26 سنه ومتعبتني لانو ا ابوي كان رافض العمليه والان ابغى اقنع زوجي عشان اشيلها الحين وانا ام لصغار
معليش حكيتلكم قصة حياتي بس عشان تاخذوا العبرة من قصتي
معليش حكيتلكم قصة حياتي بس عشان تاخذوا العبرة من قصتي
الحمدلله على سلامتها ومشكوره على ذكر تجربتك
انا ولدي كثير عنده التهاب في اللوز ..لكن من فتره قريبه لاحظت عليه اول كان اخف من كذا..طيب كيف اعرف انه يحتاج عمليه؟
وين سويتوها اي مستشفى؟؟
انا ولدي كثير عنده التهاب في اللوز ..لكن من فتره قريبه لاحظت عليه اول كان اخف من كذا..طيب كيف اعرف انه يحتاج عمليه؟
وين سويتوها اي مستشفى؟؟
الصفحة الأخيرة
لوز عندة تعبانة