ماشاء الله لاقوة الا بالله

بالنسبه لشعري ( خفيف جاف مقصف مايطول ) من 3 سنين قصيته وللحين
ما تعدى كتوفي !
بدات عنايتي فيه قبل 3 شهور والحين وصل نص ظهري
وصار صحي وﻻمع واختفى التقصف وبدا يكثر ماشاء الله ..
لدرجه اني استشورة بسرعه ويبقى ناعم ومرتب كم يوم
بعد ماكنت استشورة يوميا وما يبان فيه !

استخدم له 3 خلطات بالاسبوع ..
اﻻولى :
كوبين حنا + كوبين سدر
نص كوب ثوم بودرة + نص كوب بصل بودرة
نص كوب جرجير مجفف مطحون
نص كوب بقدونس مجفف مطحون
نص كوب خميره مطحونه
نص كوب حبه البركه مطحونه
نص كوب اكليل الجبل مطحون
نص كوب حلبه مطحونه

هي مكوناتها اكثر من كذا بس هذا اللي حصلته
واعطتني نتيجه خيااااال .. شعر صحي بتلاحظينه من اول مرة

خلطتها كلها ببرطمان زجاج وصرت اخذ منها ملعقتين < حسب طول شعرك
واصب عليه كوب مويه مغليه وزبادي واتركها تتخمر 8 ساعات
بعدها احطها على شعري والبس طاقيه وشيله ..
احيان انام فيها واحيان اتركها 5 ساعات واغسلها بمويه بس ..
بعدها استخدمي اي زيت ترطيبه قوي مثل النارجيل ﻻنها تجفف الشعر ..
انا استخدمها مرتين بالاسبوع

واستخدم ماسك لشعري خلاه طري ومفرود مكون من :
زبادي + زيت عافيه + ملعقه صغيره سمن ابو شوكه وملعقه
ملعقتين مايونيز + حبه موز مستويه تمااااما < وﻻ ماراح تطلع من شعرك !
كوب مويه قهوه < ملعقتين قهوة عربيه تغلينها بكوب مويه وتصفينها
واحطها كلها بالخلاط بيطلع معك خليط سايل
ادهنيه على شعرك من الجذور للاطراف ولفيه بكيس 3 ساعات
والباقي حطيه بالثلاجه واستخدميه بس ﻻ تخلينه اكثر من 3 ايام يعفن !
فوائد الماسك :
القهوة تشيل التقصف وتفرد الشعر
الزيت والموز والسمن تطري الشعر وتنعمه
الزبادي والمايونيز يعطيه لمعه ويغذيه

باقي ايام اﻻسبوع احط زيت هيربنول او دابر املا ..
اخلطهم مع عصير جرجير مصفى وادهن فيها شعري وانام
والصبح اغسله بشامبو لوريال مع البلسم ..
واحيان استخدم فاشكول مذوب فيه ملعقة صغيرة زبده الشيا ..
واحطه ع اطراف شعري ( مو الفروة ) ﻻنه يسبب تساقط
5 دقايق واغسلة واعطر شعري بخمريه او ابخره بعود ..

تسلم يدينك ماشاء الله لااله الاالله

ماشاءالله

للجسم ..
قبل الشاور بساعه ادهن جسمي بزيت زيتون + عصير ليمون

استخدمت صابونية :
1- صابونه بابايا بالقطع
2- صابونه الكركم
3- صابونه الطاووس
4- صابونه يوكو بالحليب
5- نص صابون غار
6- صابونه المرة
بشرتهم ونقعتهم في علبة مويه ورد طول الليل
واليوم الثاني لبست قفاز وصبيت عليها مويه ورد وعجنتها بيدي
لين صارت طريه ..
واضفت لها 10 كبسوﻻت فيتامين E
ملعقة نشا كبيره
ملعقة زيت جلسرين + ملعقة زيت لوز مر
وهي فيها سفيد اب بس ماحبيته واستبدلته بملعقة ( بيكربونات الصوديوم )
وحطيتها بعلبه قزاز .. وبس
النتيجه : نظافة وتفتيح !♥


السنفرة :
نص كوب رز مصري مطحون ..
نص كوب قهوة تركيه مطحونه ناعم
نص كوب حليب بودرة ..
نص كوب نشا
فنجال بيكربونات الصوديوم
ملعقتين صغار كركم مطحون
خلطتها وحطيتها بعلبه ..
وقت اﻻستعمال اخذ منها كميه واخلطه مع ملعقة سنفرة كاب
وشوي مويه ورد وافرك جسمي بحركة دائرية لحد ما تنشف واغسلها

النتيجة نعوووووووومه والسواد اللي يجي في منطقة الكلوت
من 2 استخدام راح ..
النقط اللي تحت الجلد خفت من اول استعمال
غير كذا مفيدة للسيلوليت لان فيها قهوة ..
وبيكربونات الصوديوم تقشر الجسم وتعقمه ..


3 مرات بالاسبوع استخدم دلكه التحدي ..

ومره كل اسبوعين استخدم دلكه الصابون المغربي ..
كوب صابون مغربي
نص كوب سدر > انا ما احب الحنا اضفت سدر بداله
ملعقتين زبده الشيا تذوبينها وتضيفينها للدلكه
فنجال زيت زيتون اصلي + زيت لوز مر
3 ملاعق ملح الحليب > ممكن تستغنين عنه مو ضروري
تحطينها بعلبه وقت اﻻستخدام
تخلطينها مع ملعقتين طحينية وعصير نصف ليمونه

وبنفس طريقة الحمام المغربي تغسلين بمويه دافيه وحمام بخار
وبعدها تستخدمينها
بس اتركيها على جسمك مده اطول وخليك بالساونا او حمام البخار
ربع ساعه او اكثر حسب قدرتك بعدها جيبي الليفة المغربيه حطيها بمويه حارة وافركي جسمك
بس بدووووون عنف ! خصوصا الركب واﻻكواع كثر الفرك يعدمها ويسودها
بعدها غسلي وسنفره كاب .. وبالاخير تشطفي بمويه بارده..

وبعد الشاور وانتي باقي بالحمام ( ضروري )
تدهنين جسمك بمويه الورد البارده عشان تسكر المسام وتشيل النقط السوداء
اللي بالسيقان والظهر .. ويا ( حبذا ) لو مذوبه فيها لبان الذكر
عشان تشد وتعقم الجسم ^_^