مشكووورة يا الغلا الله يسعدك

لا إله إلا الله

ماشاء الله تبارك الله
صدق من صبر ضفر

ترطيب الجسم ..

علبه جلسوليد كبيرة
علبه لوشن 21 للجسم
لوشن البابايا RDL < احب ريحته ♥
5 ملاعق زبده الشيا مذوبه بحمام مائي
نص فنجال زيت سمسم ..
فنجالين مويه ورد
شويه مسك مذوب > اختياري ..
خلطتها بمخفقة الكيك وبعدها عبيتها بعلبه لوشن واستخدمها بعد
الشاور وعادي استخدمها بالنهار واكثر من مره ﻻنها ما تسمر ..

وبالليل استخدم لوشن اليوريا يفتح الركب والاكواع والجسم ..

وللسيلوليت والتشققات كل يوم ادلكها بخلطه :
كوب متوسط من زبده الشيا مذوبه بحمام مائي
اضفت لها علبه كامله من لوشن نيفيا للسيوليت
ونص كوب زيت زيتون + نص كوب زيت سمسم < ﻻزم اﻻصلي !
وعلبه صغيره زبده الكاكاو من ستيفز مذوبه بحمام مائي ..
ونص علبه بايو اويل الكبيره ..
خلطتها كلها وحطيتها بعلبه لوشن عصار ..
وﻻزم تكون كميه الزيوت والكريمات اكثر من الزبده عشان ما تتجمد بالعلبه
قبل اﻻستحمام ادلك جسمي بفرشة السيلوليت
وبعد اﻻستحمام احط الخلطه على الاماكن المترهله والمتشققة
وادلكها يا بجهاز المساج او بفرشة التدليك ..

النتيجه :
الخطوط البيضاء صارت باهته واختفت بنسبه 80% بعد شهر من اﻻستعمال
السيلوليت والترهل مع الخلطه +(الرياضة واﻻكل الصحي وشرب الماء والتدليك )
خفت بنسبه 50% بعد شهر من اﻻستعمال اليومي ..
النسبه تتفاوت حسب كميه الاصابه > وانا مهملتها سنيييين ماراح تروح بسهوله
يعني 6 شهور كحد اقصى اكون منتهيه منها ..


العناية باليدين ..
يوميا لمده ساعه استخدم خلطه عجبتني وخففت تجاعيد اليد والمفاصل ..
مكوناتها :
10 ملاعق مويه ورد + 5 ملاعق عسل + 3 ملاعق جلسرين + نص ملعقه خل
بعد ما اغسل يدي بالصابونية واجففها بالمناديل ..
احط الخلطه والبس قفاز بلاستيك وفوقه قفاز قطن واتركها ساعه
بعدها سنفرة ستيفز بالمشمش وارطبها بكريم جونسون ..
واحيان انام بالخلطه وهي علي يدي وطبعا كل ما طولت احسن

وبالليل احط سمن + خميره والبس القفازات وانام وبالصبح اغسلها
تنفخ اليد نفخه بسيطه وتخفي العروق اللي فيها ..

واﻻظافر ادهنها بفازلين وزيت لوز اكثر من مرة ..
واحيان وانا بالمطبخ اجيب فص ثوم واقصه بالنص وافركه ع الظفر زي المبرد
من تحت لفوق بعدها اجيب ليمون وافركها بالظفر 10 دقايق واغسل ..
وطبعا اهم شي الترطيييييييييييب .. هو سر البياض
رطبي كل وقت بأي لوشن مبيض وشوفي التغيير بعد اسبوع بس ..

النتيجه :
بعد اسبوعين
يدين ناااعمه وطريه وبيضاء ..
واظافر قويه وصحيه < لدرجه ان امي تهاوشني تحسبني مركبتها هههههه

وللاقدام :
احسن شي خلطة عابرة سبيل ..
ربع صابون دوف مبشور + نص ملعقة فازلين + ملعقة جلسوليد + ليمونه صغيره
حطيها والبسي كيس بلاستك وبعدها شراب وخليها بالليل ..
بالنهار سوي سكرب وبالحجر افركي الاماكن السوداء
واغسلي رجولك ورطبيها بكريم هملايا للاقدام ..
واذا بتطلعين حطي واقي على رجولك ( الفازلين والليمون تسمر حتى لو غسلتيها )
النتيجه : بياض ونعومه وازاله البقع والتصبغات السوداء ♥

اﻻسنان :
معجون ( انا استخدم سنسوديان )
خلطه تبييض اﻻسنان :
قطعه خبز محروقه ومطحونه
نص ملعقه قرنفل مطحون ..
نص ملعقه ملح خشن مطحون ..
نص ملعقه ميرميه مطحونه ..
ملعقتين عسل اصلي
تخلطينها بعلبه نظيفه ووقت ما تستعملينها
تاخذين كميه منها بالفرشه وتخلطينها مع المعجون وتفرشين اسنانك
وبعدها تستخدمين الخيط ﻻزاله البقايا بين اﻻسنان ..
النتيجه : بياض ولمعان وتعقيم وشد للثة وريحه حلوه ونظيفة ..


بالاضافه للعنايه الخارجية والتغذيه ..
مارسي الرياضه كل يوم اقل شي 30 دقيقة
واحسن واسهل شي المشي ..
وتناولي الاطعمه والمشروبات اللي فيها مضادات اكسده
مثل الشاهي اﻻخضر التفاح والتوت .. وخميرة البيره مره مفيدة


حبيباتي تعبت وانا اكتب .. ممكن اغلب الحاجات اللي كتبتها تعرفونها
ومريتوا عليها بالمنتدى .. بس ولله اني ابي الخير لكم وﻻ ماكان كتبتها
لاني شفت بنات كثير يخبصون بالخلطات ويصرفون فلوس ويخسرون
بدون اي فايدة .. وشفت بنات كثير تضررت بشراتهم بسبه هالشي
صدقوني مافي احسن من اﻻشياء الطبيعية اللي بتشوفون نتيجتها مع اﻻستمرااااااار

بالاخير اتمنى من اللي فادها كلامي تدعيلي بالتوفيق ..
واي سؤال انا جاهزة .. :a_smil08:

جزاااااك الله خيييير ويعطيييييك العافيه على مجهودك حبيبتي وتسلم إيدينك أخذت منك بعض الأشياء وإن شاء الله بطبقها