طيبة قلب ♡ :

بالنسبه لشعري ( خفيف جاف مقصف مايطول ) من 3 سنين قصيته وللحين ما تعدى كتوفي ! بدات عنايتي فيه قبل 3 شهور والحين وصل نص ظهري وصار صحي وﻻمع واختفى التقصف وبدا يكثر ماشاء الله .. لدرجه اني استشورة بسرعه ويبقى ناعم ومرتب كم يوم بعد ماكنت استشورة يوميا وما يبان فيه ! استخدم له 3 خلطات بالاسبوع .. اﻻولى : كوبين حنا + كوبين سدر نص كوب ثوم بودرة + نص كوب بصل بودرة نص كوب جرجير مجفف مطحون نص كوب بقدونس مجفف مطحون نص كوب خميره مطحونه نص كوب حبه البركه مطحونه نص كوب اكليل الجبل مطحون نص كوب حلبه مطحونه هي مكوناتها اكثر من كذا بس هذا اللي حصلته واعطتني نتيجه خيااااال .. شعر صحي بتلاحظينه من اول مرة خلطتها كلها ببرطمان زجاج وصرت اخذ منها ملعقتين < حسب طول شعرك واصب عليه كوب مويه مغليه وزبادي واتركها تتخمر 8 ساعات بعدها احطها على شعري والبس طاقيه وشيله .. احيان انام فيها واحيان اتركها 5 ساعات واغسلها بمويه بس .. بعدها استخدمي اي زيت ترطيبه قوي مثل النارجيل ﻻنها تجفف الشعر .. انا استخدمها مرتين بالاسبوع واستخدم ماسك لشعري خلاه طري ومفرود مكون من : زبادي + زيت عافيه + ملعقه صغيره سمن ابو شوكه وملعقه ملعقتين مايونيز + حبه موز مستويه تمااااما < وﻻ ماراح تطلع من شعرك ! كوب مويه قهوه < ملعقتين قهوة عربيه تغلينها بكوب مويه وتصفينها واحطها كلها بالخلاط بيطلع معك خليط سايل ادهنيه على شعرك من الجذور للاطراف ولفيه بكيس 3 ساعات والباقي حطيه بالثلاجه واستخدميه بس ﻻ تخلينه اكثر من 3 ايام يعفن ! فوائد الماسك : القهوة تشيل التقصف وتفرد الشعر الزيت والموز والسمن تطري الشعر وتنعمه الزبادي والمايونيز يعطيه لمعه ويغذيه باقي ايام اﻻسبوع احط زيت هيربنول او دابر املا .. اخلطهم مع عصير جرجير مصفى وادهن فيها شعري وانام والصبح اغسله بشامبو لوريال مع البلسم .. واحيان استخدم فاشكول مذوب فيه ملعقة صغيرة زبده الشيا .. واحطه ع اطراف شعري ( مو الفروة ) ﻻنه يسبب تساقط 5 دقايق واغسلة واعطر شعري بخمريه او ابخره بعود ..

بالنسبه لشعري ( خفيف جاف مقصف مايطول ) من 3 سنين قصيته وللحين ما تعدى كتوفي ! بدات عنايتي فيه...

طيبة قلب ♡ :

منطقه اﻻبط .. اول شي ابعدي عن مزيلات العرق اللي تحتوي على كحول او معطرة .. وﻻ تستخدمين الليمون ، صح انه يقطع الريحه بس يسمر ويشوه منظر اﻻبط خصوصا للي بشراتهم حساسة .. ووقت ما تزيلي الشعر احرصي على غسل يديك وغسل المنطقه قبل الحف بصابونه معقمه + ديتول العناية الشخصيه مخفف .. واﻻفضل انك تستخدمين شرائح الشمع او الآله > احسن من الحلاوه ﻻن اغلبها تكون ملوثة بميكروبات تسبب حبوب صغيره تحت الجلد .. وعقميها بمسحه طبيه .. وﻻزالة رائحه العرق ( نص كوب مويه ورد + ملعقتين كبار ملح الليمون ) انا حطيتها بعلبة اسكينول وامسح المنطقه فيها مرتين يوميا مع اني اشرب حلبة بس اتحمم مرتين واستخدم هالخلطه والحمدلله محد شمها فيني :a_smil08: وترا اﻻكل له دووور برائحه العرق .. النعناع والزنجبيل ومويه الورد تحسن ريحه الجسم والشطه والفلفل الحار والبهارات > خصوصا اللي بالاندومي تطلع ريحه شينه حتى لو مهتمه بنظافتك < ليه الهنود دايم روايحهم نفاثة !:huh: انا كان عندي سواد خفيف لاني كنت استعمل الموس دائما :icon33: بعدها بطلت استخدمه وصرت اهتم بتعقيم المنطقه وجفافها من الرطوبه + ادهنها كل ليلة بزيت زيتون اﻻصلي لانه يعالج التصبغات .. والحمدلله انتهت المعاناه ;)

منطقه اﻻبط .. اول شي ابعدي عن مزيلات العرق اللي تحتوي على كحول او معطرة .. وﻻ تستخدمين الليمون ،...