عندك احد يتدخل بطريقة تربيتك لعيالك . دعوه للمناقشه

السلام عليكم
انا ام وعندي عيال وبنات الله يحفظهم
واعاني من هالمشكله من اكبر عيالي واللي هو بسم الله عليه بالجامعه الى الصغير اللي عمره سنه ونصف
المشكله ان جد عيالي وجدتهم يتدخلون بكل كبيره وصغيره بتربيتي لعيالي وخصوصا عند الاكل والشرب
مايهمهم ياكل باليمين او باليسار اهم شي انه ياكل وانا مااحب عيالي يتعودون على الاكل الا باليمين
والشرب نفس الشي واذا دخلوا من مكان دايما يسمعوني هالجملتين عيالك ميتين جوع عيالك ميتين عطش
وطريقة كلامهم معي او مع اخوانهم الكبار يعني اذا قال الواحد منهم كلمه مو زينه يضحكون له طبعا الطفل يتمادى
واذا ضربت الواحد منهم قالوا اعوذ بالله مابقلبك لهم رحمه
واذا الواحد منهم مديده علي اضربه وهم يضحكون
تعبت منهم وقلت نتناقش سوا في حال عيالنا اللي اتعبونا وتعبنا معهم الله يصلحهم لنا ويرزقنا برهم