عندك برواز مو عاجبك..جربي هالطريقة..

السلام عليكم ورحمة الله وبركاته
اهلا بكم في هذا الموضوع المتواضع
انا كان عندي اطار خشبي كبير ولكنه عادي الشكل ومافيه أي حركة ..فكرت ارميه،لكن قلت خلني اجرب فيه وان نفع كان بها وان ما صلح فانا كنت ناويه ارميه..
والحمد لله طلعت النتيجة حلوه..وانتم شوفوها واحكموا..
كان البرواز بهذا الشكل عادي جدا..

المرحلة الاولى اني كنت مسويه عجينة ورق.وخالطه معها لون ازرق "الوان مائية"كنت ابغى اجرب هل تتلون والا لا..المهم انا ماكنت ابغى البرواز يكون ازرق ،بس قلت استخدمها وبعدين ابخها بعد ما تنشف باللون المناسب..
هنا بديت اغطي البرواز بالعجينة..


بعد ما خلصت من التغطيه جبت مسطرة صغيرة وسويت حركة مثل الحجر على جوانب البرواز..للاسف هالخطوة ما صورتها..
بعدها طلعت البرواز في الحوش علشان ينشف..بعد ما نشف بخيته باللون البني..وكان بهالشكل

بعدها جبت خيوط من الخيش وحددت الحجر اللي كنت مسويته "طبعا لصقت الخيط بمسدس الصمغ"،وبعدها خلطت لون بني فاتح"بالالوان المائية"وباسفنجة صغيرة لونت الحجر بلون افتح مت باقي البرواز.وكان بهذا الشكل..


بعدها حطيت فيه الصورة وعلقته على الجدار..وهذا شكله..

وهاذي صورة مقربة له..

وهاذي صورته على الجدار بعد ما عتقت الجدار..

وهاذي ايضا نفس الفكرة بس نفذتها بالوان ثانية..لانها كانت من اطباق البيض الخضراء




اتمنى يعجبكم..