انا خايفه من الولادة المبكرة
دخلت اليوم تقريبا الاسبوع 25
والدكتوره كتبت لي ابرة الرئه على يوم الاحد
والله اخاف يتشوهون اذا ولدتهم بهالعمر لان وزنهم 400 و500 غ

مخيف صح:(

وعسى ان تكرهوا شيئا وهو خيرا لكم
الي كاتبه ربي بيصير والاهم انك ترتاحين نهائي بالمره وتحاسبين على نفسك واهتمي بالاكل

عبق مو شرط اذا اخذتي الابرة تولدي حبيبتي توكلي على الله و ارتاااحي ان شالله اللي فيه خير ربنا يجيبه

بسمة ألم ماشالله عليك يعني 3 ورا بع تقريبا و حامل و عاملة نظام:) هيك الامهات ولا بلاش

حياالله غنوة الحب ....
والله أعاني إذا قام واحد منهم إلا يصيح ويقوم أخوه أو يطب في بطنه تعرفين الغرفة
ظلمة خصوصا أنا حاطتهم في الأرض جنب سريري واحيانا ألاقيهم نايمين عند الباب مشكلتهم يتقلبون بكثرة عشان كذا أفكر آخذ لكل واحد منهم سرير لكن أخاف
يقومون وينطون من فوق ويتكسرون>>>>>>>>>والله شقاوة أنت ماتعرفينهم
إذا قاموا ينطلقون كأنهم كانوا محبوسين .. مستعجلين على التخريب
وفي النهار إذا ناموا وقام واحد منهم وسمعت صوته تشوفيني مثل الهبلة على طول أركض للغرفة
وأسحب اللي قام لكن يقعد طفشان برا وده ان يقوم أخوه عشان تكمل الشغلة ...

اهلين غنوة حب ..

بناتي الحين عمرهم سنه وشهر و14 يوم <<أم دقيقه :)

يوم كملوا سنه اللي حولي قالوا انهم بيسوون لي حفله عشان كملت سنه وماانهبلت.

المهم دخلت اولد بالاسبوع 38 واعتقد حطوا الطلق الصناعي على 12الظهر واشتغل العذاب بعد

فترة بسيطه وماوصلت 3سم الا وانا الله يعلم بالحال على 10 بالليل واخذت ابرة التخدير بالظهر

وقبل ال12 بعشر دقايق ولدت الاولى طبيعي.. الحمدالله على سلامتي


باقي الثانيه ..الطفله صارت بالعرض ومدت ايدها للدكتورة طبعا مستحيل يسحبون طفل من

ايده لان راح يتعوق مدى الحياة..

والطلق تقريبا وقف .. وزاغت الابصار وبغيت اموت وربك ارحم الراحمين وركضوا فيا لغرفة

العمليات وانا اصرخ تخدروني وماتفتحون بطني وانا فاتحه عيني . :) فاضيه صح

المخدرين وطاقم غرفة العمليات اعتقد صحوهم من النوم :) الساعه عقب 12 بالليل بكم دقيقه

ودكتورتي تحفه تولد تؤام بدون أن تجهز غرفة العمليات!!

فتحوا بطني بتخدير بسيط "كمامه" لاني ماخذه ابرة الظهر..

وعقب العمليه فتحت عيني ارفعلهم اصبعين يعني 2 ولا لأ طبعا كانت من اتعس لحظات حياتي

اني اسال هذا السؤال بس الحمدالله..

طبعا المفارقه المضحكه ان الطفله الثانيه انولدت بعد ال12 وصار بشهادة الميلاد كل وحدة مولودة

بيوم مختلف عن اختها..


هذي قصة ولادتي بعيد عنكم .. بس بعد سنة بدت الامور تتحسن تدريجيا يعني الفوضى العارمه

اللي كانت بالبدايه بدت تصير فوضى عاديه ..

طبعا انا مشكلتي اطالع للاطفال من منظار المسؤووووووووووليه اكثر من أنها من متعه

الكل يشهد اني حنونه وانا اعرف هذا الشي لكني مهووسه من ناحيه الصحة والنظافه

عشان كذا تربيتي للاطفال موسهله ..

هذي قصتي اللي حامل بتؤام لاتقراها يمكن ربي يكتبلها ولادة اسهل وذكريات احلى..