عندك حنا وزيت براشوت ... ادخلي ، وصفة صديقة اماراتية

السلام عليكم ورحمة الله وبركاته

زارتنا الجارة الاماراتية ... حرمة كبيرة في السن بصراحه ماشفت شعرها
من سنين وسنين وهي توصيني انا وخواتي بالحنة
انا كنت ماهتم لكلامها وكنت اظن ان الحنة يستخدمونه بس كبيرات السن
طيب
لما زارتنا كانت معها بنتها وبنت بنتها الا هي حفيدتها
حفيدته صغيرة مايقارب 10 سنين عمرها
وشفت شعرها لااااا اله الا الله تبارك الرحمن

نفس الشعر الي احلم فيه
ماقدرت مااسأل من بعد ذكر الله اكثر من مره

وجهت الاسئلة للام قلت لها
لاتقولين تستخدمين الحنا لشعر بنتك ... وانا مره مستهينه بالحنا

اتفاجئت انها تقول
الحنا الاساس لعلمك

اجل لو شفتي شعري وش بتقولين
وورتنا شعرها بسم الله تبارك الرحمن .. فوق ركبتها
بس انا ماحب هالطول .. احب شعري يكون لنهاية ظهري

بس بعضكم يحب الطويل جدا مثل ذا

سألت البنت .. الا هي ام الحفيده

وش الي خلا شعرها يصير كذا

قالت الحنا ثم الحنا ثم الحنااااااااااااا

قالت لكن يعتمد على طريقته ..

انا عن نفسي اسويه بدون اضافات
لأن الاضافات ممكن تطغي على مفعول الحنا السحري

قالت لي لو فكرتي تحنين شعرك .. كيف بتسوينها ؟

خبريني عن طريقتك .. قلت لها

موية وحنا وبس وامزجهم وكذا وخلاص

قالت لو سويتي هذي الطريقة ... ماراح تستفيدين الا شي بسيط
وكثير من البنات يجيبون موية عادية وحنا ويعجنونها سريع واحيانا
يكون العجن لازال فيه كتل وغيرها وهذا غلط


قالت لي سجلي عندك هالطريقة الصحيحه للحنا وراح تشوفين النتايج من اول مره وثاني مرة بتلاحظين انبات الفراغات ...

قالت جيبي موية مغلية
وحنا المقدار الي تبين
وزيت بارشوت او اي زيت نارجيل
وبس

قالت ليه انا قلت لك عن الموية المغلية ؟

لأن هي تخلي عشبة الحنا المطحونة هذي تنضج مرة
وتسحب منها فوائدها ...

يعني المزيج تكون فايدته مضاعفه

قالت وانتي تعجنين كبي الموية بالتدريج واعجنيها عجن

ولا تتركين الحنا فيها تكتل ... وانتي تعجنين راح تبرد الحنا
......

واعطتني مثال واقنعتني .. قالت اتخيلي البهارات والتوابل اذا اضفتيها
للماء العادي والماء المغلي ...

طبعا مع الماء المغلي راح تكون ناضجه واحلى ومفعولها ونكهتها اقوى

ومع الماء العادي ماراح تظهر مميزاتها

قالت وفي النهاية اذا تحسينها راح تكون جاهزه ضيفي عشر نقاط الى 15 نقطة من زيت باراشوت او النارجيل
قالت وبعد العجن غطيها واتركيها عشر دقايق
واتأكدي من ان الحنا صارت جاهزة وبارده

والبسي القفازات وادعكي شعرك بالفروه

وخليها من 5_7 ساعات واذا حبيتي 9 ساعات

بس لاتستخدمين الماء المغلي مع الاوعية البلاستك او القابلة للذوبان
اعجني في وعاء يتحمل الحرارة

وبالتالي اغسلي شعرك وجففيه

واستخدمي زيت النارجيل لمدة ثلاثة ايام بالاسبوع

بعد الحنا واغسليه بشامبو مخفف .. مع شامبو جونسون للاطفال

قالت انها كانت تحنيه في الاسبوع مرة

وبالتالي بسبب الطول والكثافة .. صارت تتعب تحنيه كل اسبوع

فصارت تحنيه مرتين بالشهر ...

قالت مشطيه حركي الدورة الدموية بفروة الراس ودلكيه
واجدليه ...

وعليك بالاكلات الي فيها بروتين واكلي سلطة يوميا عشان تغذين البصيلات من داخل وبرى عشان يكون في تكافؤ وموازنه وتهيئة للشعر انه ينبت ويطول

واشربي الموية

هالتوصيات كل وحده اسألها عن شعرها تقول لي عن خضروات السلطه والحنه
والزيوت

وامانة انا راح اذكركم بالخلطه الي دمرت شعري
ثمانية اشهر من المعاناة تقصف وروايح شينة في الفروة والشعر
وتساقط وفراغات .. بالتالي قصت لي شعري الشعر المبتلي بالخلطه هذي الصديقة
ويوم ثاني جابت لي الحنه من تجهيزها ..

وحطت لي بشعري وشعر امي
وغسلناه بعد 6 ساعات
ومن اول مره قسم بالله .. قسسسسسسم بالله
لمعان غير طبيعي ونظافة ولون يجننن عشقته هاللون
ودهنته بالنارجيل مثل ماوصتني
ولما اسويه بالسشوار ماحتاج للسيروم ولا المثبت ولا البلسم ولا اي شي
المره الثانية انا سويته ...
ودهنته وكذا

بعد كم يوم بديت اشوف انبات الفراغات قسسسسسم بالله
وكنت معتنية فيه اول باول يوميا امشطه وادلكه واكل سلطات
وبروتينز وكل شي
وكل ماغسلته ريحته مره مره تجنن ..
وعلقت ريحة البخور بشعري مع الحنه

يااااه مره مره تجنن

وانا راح استمررر على هذي الطريقة وحبيت افيدكم فيها