بنسبه لي احب الضيوف والداخل والخارج بس بشروط
اعطاء خبر لعمل الازم وعدم الأرتباك
تحديد نوع الجيه هل هي عصريه اوعشاء او سهره
الاطفال الله يهديهم تنتبه لهم واهم شي الحمام
غرفة النوم تقفل ولاتفتح الا لضروره
علمي عيالك على بعض الامور علشان ما يحرجك
طبيعتي عادي اذا جات معاي في المطبخ اذا فيه شغل اشغلها
التعاون مره حلو
اذا رحتي عند الناس اذكري قدامهم الاشياء اللي تحبيها وتكرهيها
علشان تكون عندها خلفيه بس بأسلوب حلو
والبيت المدخول ربي يطرح فيه البركه
معني معانيه من الضيوف بس الضيف ضيف مهما كان نتحمله

رفع

استغفر الله العظيم الذي لا إله إلاهو الحي القيوم وأتوب إليه

انا با النسبه لي عادي اتحمل شقاوة العيال

واتحمل الي تسال كثير ,,هوطبع خايس ,,بس وش اسوي اتحمل

واتحمل الي تحوس في البيت ,,,واتحمل الي تدخل معي المطبخ عادي

بس الي ما اتحمله اببببد:mad:

الي طوول الجلسه تتكلم عنها وعن زوجها ,,, يعني تكون جريئه مرررة لدرجه انها تتكلم عن وشيسون في غرفه النوم

ورب البيت اعرف وحده كذا ,, الله يستر عليها ,, بس والله طبع موزين با المرة

يعني طوووول ما احنا جالسين وهي ,, فلان جاب لي ,, فلان قالي,, قلت لفلان و سوى مدري ايش

وخاصه لما كنت انا عروس ,, يا الله .. حتى ارواب نومها توصفها لي ورده فعل زوجها لما شافها لابستها ,,والعطر الي

حطته ,, والهدايه الي جابها لها

طيب انا وش دخلني مثلا :crap:

,,, مع اني عارفه وش قصدها ,,, تبيني اوريها اروابي واقول لها وش نسوي ووش نقول
انا وزوجي ,, بس انا معطيتها طناااااش


طبعا يا بنات انا ذكرت ها النوع من الحريم ,,, عشان اذكر للي نسى انو حرااااااام تتكلمين عن خصوصياتك انتي وزوجك قدام احد هذا من جهه

ومن جهه ثانيه ما تامنين العين ولا الحسد ,,, انتبهو على انفسكم ,,,وعلى سواليفكم بعد >>>>> وعن اللاقااافه:22:

انا عن نفسي اشيل الضيف شيل بس يعطيني خبر بصراااحة الواحد مو دايم مستعد الا الاهل شي تاني وفعلا مااحب الي تدوور وتفتش بالبيت وعن المسااعدة انا لو وحدة قريبة لي بصراااحة اقوم اسااعدها وازعل من الي قراايب ويجوا يحطوا رجل على رجل اذا هم مافزعوا وقت الضيوف مين يسااعد ..

واذا جابت عياالها صراحة وين تووديهم بس اهم شي انتبهي لهم اذا صغاار واذا كبااار وصييهم واقرصيهم << ماما كانت تسووي كذا لنا قبل مانروح عند النااس هههههه:04:

واهم شي بالحمااام تخيلووا مرة جااتني وحدة قريبة لي بس جاالسة تطق حنك مع الحرريم وولدها بسم الله عليه مايجلس ولايخلي شي ومضاربات وكل ماشاف شي مع احد صااح ععليه وتعطيه وربي انها خلتني اندم اناديها لا وفوووق هذا كله تخيلوا هي تقرقر وهو راح عملها على حااله ( تبول ) اعزكم الله وعااد انا توني ماعندي ان ايااميها غير بنت شهرين عمرها مااعرف امسح الفررش عالاقل قولي ابي امسحه لا وربي راحت روشت ولدها ولبسته وعطرته وانا علي غسل عمايل ولدها تخيليووووا..:mad:

انا عن نفسي اللحين دايم لو بنتي اخذتها اوصيها واخاصمها لو سوت غلط وادخلها الحمام لو كبيرة واذا كبت شي او كسرت شي انا اسوويه حتى لو بيت اهل زووجي

انا احب وحده من صديقاتي لاكن عيبها حش بالحموله ودايم على لسانها وانا مااقولكم مااحش الا والله احش معها ويمكن اكثر بس لاطلعت تندمت احس جمعتنا صارت للشر مو للخير

واللي تقول مااحب احد يدخل مطبخي ليش غريبه انا عادي خليها تدخل طيب تبي مويه او تبي تعطي ولدها شئ مافيها عيب عاد مطبخ احس مافيه خصوصيه

واذا ع البزران اذا صارو قرايب لك شيلي التحف واللي يتعرض للكسر ارفعيه وعادي خليهم يحوسون لاراحو نظفي المكان ..

اي فيه حركه بعد مره ازعجتني جتني وحده قريبه لي وبس تسأل البيت ملك ولا اجار ؟؟ من وين الاثاث ؟؟ زوجك وش وظيفته ؟؟
لدرجه اني رحت من المجلس اثاريها رافعه زوليه المجلس تشوف وش نوعها يوم رجعت وشفتها قالت ايه ياحليلها احسبها مثل نوع فرشتي ؟؟؟؟؟؟!!!!!!!!!!!!!!!!!!!!!!!
احسها زوراه شرافه هاذي