انا عندي بنت رايحه ثانيه
مابعد سويت شي
العام شريت لها 3مراييل من بادويس
حابه اسأل بنات المدينه عندنا ايش محلات للمراييل?
وهل يوجد محل العيدروس?

معليش مدري اش في المنتدى .. عموما هذا ردي الثاني وردي الأول تحت ..

نسيت اقول أنت كأم كوني متفتحه وعقليتك مرنه .. مثلا تجيك أم ما تفتح مذكرة الواجب وتخفق بنتها في مهارة معينه طبعا إذا كانت المهاره مهارة حد أدنى فالبنت حتعيد السنه حتى لو كانت مهارة واحده بس دام انها مهارة حد أدنى .. المهم تجيك تصارخ وتهدد طيب الإشراف التربوي حيكون مع المعلمه في هذي الحاله لأنها نبهتك في مذكرة الواجب ..

وكمان أول السنه ما يمنع تكتبين للمعلم أو المعلمه في مذكرة الواجب إنها ترسل لك ورقه مكتوب فيها المهارات حتى تركزي في تدريس طفلك عليها وبالذاااااااااات مهااااااااارات الحد الأدنى ..

اذا تذكرت حرجع إن شاء الله

السلام عليكم ...

بما أني معلمة علوم و رياضيات للصفوف الدنيا أول وثاني وثالث .. أقول البنات ما قصروا الله يعطيهم العافيه ..

أهم شيء اعملي حسابك على ..

الكثير من اقلام الرصاص ( المراسم ) لأن بنوتتك كل يوم حتجيك وتقول ضيعت قلمي وياما اعاني من ضياع وقت الحصص بسبب ضياع اقلام الرصاص :)
وكمان الألوان الخشبيه لازم تكون معها يوميا وتحافظ عليها لأنها حتستخدمها في كل المواد بما أنها باقي طفله فمناهجهم تركز على الألوان والرسوم لتوصيل المعلومات
اعملي حسابك على ملفات الإنجاز وسويها من الحين عشان ترتاحين وللأسف بعض المدارس يطلبون لكل ماده ملف رغم أني شخصيا اعترض على هذا الشيء لكن شوفي معلماتها كيف بيطلبونه ..
اعملي حسابك بعد على مشاريع ومطويات العلوم الرياضيات واتوقع باقي المواد ..
اممممممممم .. أنا شفت معلمة الفنيه تعطي اولى ابتدائي دروس عن الفخار أو عجينة السيراميك ومساكين اذا شفتيهم تقولين في الجنادريه :)
عموما اطلعي على منهج الفنية والتربية الأسريه من النت وشوفي وش تاخذين
الشنطه لازم تكون مريحه وواسعه في نفس الوقت ومايمنع يكون معها كيس حلو عشان تخففين من الحمل لأن كل ماده لها كتابين كتاب نشاط وكتاب طالب غير ملفات الإنجاز ولا تنسين حقيبة الفسحه هذي أهم شيء عند الصغار وكمان كل يوم ما يمنع تحطين له او لها موية صحه
أممممممممم ... يومياااااااااااا خليك على إطلاع على مذكرة الواجبااااااات لأنها اساس التواصل بين المدرسة والبيت لأن كل احداث اليوم مدونه فيها من قبل المعلمة ( سلوك بنتك - واجباتها - اختباراتها- ملاحظات عليها ... كل شيء ) وأنت بإمكانك كتابة ملاحظاتك واستفساراتك فيها هذي النقطه مهمه مهمه مهمه ..

وصي بنوتتك إنها إذا عطشت أو احتاجت الحمام تستأذن من المعلمة ولا تستحي

وصيها بعد إنها ما تطلع للشارع أو تركب مع أحد ثاني لازم الطفل يكون عارف مين اللي حياخذه نهاية الدوام حتى لا تتعرضين لمشكله وكمان المعلمه المناوبة ما تتعرض لمشاكل وتحقيقات

المريول أحبذ أنه يكون بدون حزام .. ليش ؟ لأن احيانا البنوته تنشغل فيه وتشغل المعلمه ويكون شكلها إذا كانت تلعب وانحلت عقدة الحزام مبهذله ..

حفزيها على التعلم لأن في النهاية الطالبات المجتهدات يتكرمون فبالتأكيد حتحب إنها تتكرم معهم :)

إذا تذكرت شيء ثاني برجع اكتبه ..

دمتم في رعاية الله

ولدي راح يدخل سنه اولى فصلتله ثلاثه ثياب واشتريتله جزمتين الله يكرمكم بس ماني عارفه هل ياخذوا رياضه يعني اشتري بدل رياضيه

انا ماعندي اي خبره اول ولد بالعيله يدخل مدرسه

الله يحفظهم لنا من كل شر ويصلحهم يارب

وانا بعد ولدي اول سنه دراسيه بس مشكلته خجول وخواف ماادري كيف اتعامل معه وغير كذا مايعرف يدافع عن نفسه