عندك غساله ال جي للمواعين اقلطي ابقهويك وادعي لك

خلي زوجك اذا شريتو الغساله يجيب سباك يسبكها لك يوصل المويه فيهامن وراها وكمان يصرف لها مويه يعني

واحد يطلع الماء والثاني تدخل المويه للغساله من حالهاا و كهربائي يشبكها لك بالكهرب وانتي ماعليك

الا تحطين مواعينك والصابون وبضغطة زر هي بتغسل لك وخلاص

شوفي حبيبتي انا الصراحه ما جربتها للحين بس ابشتريها قريب لكن استفدت من مواضيع البنات الله يجزاهم خير هنا في المنتدى كثير ومن الردود الله يخليهم وفيه عده مواضيع منها هذا مثبت
http://forum.hawaaworld.com/showthread.php?t=1477962
الله يوففها وكل من افادت في موضوع عن غسلات الصحون والله استفدت وصار عندي معلومات ...

الله يسخر لك زوجك ويحنن قلبه عليك ويجيبها
ما تصدقي قد ايش ارتحت ساعة جبتها ما صرت اشيل هم مواعين تحضير الغدا والعشا وبعدهم مواعين الاكل
المهم حبيبتي مثل ما قالت الاخت لازم سباك يسويلها تمديد لتوصيل المويه وتصريفها ما ينفع بالليات ومو لازم تكون داخل الدواليب بس الافضل تكون قريبه من المغسله عشان تمديد المويه والتصريف تري ما تاخذ وقت
بعدين ليش لقيتيها غاليه كذا ... انا مشتريتها من الشتاء والصيف ب2500 ريال ال جي الكبيره يمكن سوو تخفيض عشان كل اجهزة بيتي من عندهم ... تاكدي حبيبتي وعقبال ما تبشرينا انك شريتيها
وتريها تغسل كل شي من الالمنيوم والستيل والبلاستيك حتى الفناجيل المزينه بالذهبي وغيره تطلعها روعه ماعدا الملاعق الخشب تنظفها بس بعد كم شهر تخرب
واي سؤال انا حاضره

بصراحه ان شفتها من فترة في الكتروا 3400ريال واحسها غاليه مرة ولافيه الا كبير

نصابين هذا مو سعرها هي سعر الكبيرة 2400 بس انا مو من الرياض وهذا اكبر حجم والصغيرة ب1800

الي مجربين الجي وش مشورتكم ونصيحتكم لي وبكم خذيتيها ومن فين من الرياض بالضبط

ماشاءالله تبارك الله مررة مريحة بس انا مو من الرياض انا من جدة واخذتها ب2400
سؤال اخر هل توضع الغساله تحت المجلى ام على الارض بدون ماتدخلينها في الدرج
انا ماعندي درج ولا عندي مكان تحت المجلى فحطيتها في الارض جنب المجلى عاادي
وبالنسبة للتصريف عادي امد الي واحطة في الصفاي

انا برضه ماعندي مكان للتصريف مخصوص للغساله طولت اللي حق التصريف وحطيته في المجلى عشان يصب

طيب اذا جيت اعبيها عادي اعبيها بلي ولاكيف فهموني تراني مااعرف شي
وهل تغسل جميع الاواني بمافي ذلك القدور والصياني حقت القهوة ماتخربها يعني

لا ماتعبينها انتي هي فيها لي خاص انتي تشبكينه في الماصورة حق الموية وهي تسحب المويه على قد حاجتها زي فكرة الغساله الاوتوماتيك وتغسل كل شئ ماعدا القدور المعدن واي شئ معدن وانا احط فيها ترامس القهوة وتغسلها ماشاءالله


ايضا هل يوجد حجم صغيره منها وايش احسن الكبيره ولاالصغيرة

فيه حجم صغير ب1800 بس يااختي ماهي عمليه لانها مرة صغيرة وماحتقدري تحطي القدور حقك وكل المواعين جيبي الكبيرة ماحتندمي

لاتنسينا من دعواتك واي سؤال انا حاضرة لك
ويارب زوجك يجيبها لك ياررررررررررررررررررررب

الله ييسر امورك وان شاء الله زوجك يوافق يجيبها

سعرها 2400 انا اشتريتها من الوكيل يوسف ناغي قبل سنه ونصف تقريبا

بالنسبة لتركيبها جيبي سباك وهو يتصرف بيمد لها المويه من نفس سباكة المجلى والتصريف نفس الشي بيوصلها في نفس تصريف المجلى واذا مالها مكان جنب المجلى جيبوا واحد من محلات المطابخ يشيل جزء من الادراج اللي جنب المجلى عشان تنحط مكانه


هي روعه وتغسل كل شي ماعدا الالمنيوم يسووود من الحرارة .. والترامس ماتغسلها وبعض انواع الكاسات المذهبة هذي تأثر عليها الحرارة

غير كذا كله ينغسل فيها ويطلع لك جاف ونظيف على الدولاب على طول

ونصيحه لا تجيبين الصغيرة لأن الكبيرة يالله تكفي .. تعرفين مواعيننا وش كثرها