عندها وقف شعر رأسي كالشوك ؟؟ فما الذي حدث

بسم الله الرحمن الرحيم

حياكم وجعل الله الجنه داري وداركم.........أما بعد:

انا عتبانه عليكم يابنات حواء >>> اقول اهجدي مالمتس احد
انا لي فتره عن النت لأن اختي الحبيبه مسويه احتلال ميكانيكي هندسي >>> ادري انكم مافهمتو حتى انا بعد
بس الزبده اني كنت بالأيام العصيبه وكانت السماء مظلمه>>> لاتعطونه وجه تراه ماعندتس احد
المهم ومالكم بطولة الحتسي(الكلام) كنت بأيام الامتحانات والله يابنات الله يعينا على امتحان الأخره ويجعلنا ممن حمل كتابه باليمين ((اميييييييييين))
المهم اني قلت ابدخل عالم حواء بعد حقبه من الزمن اي بعد مده طالت لإسبوعين وابلقى رسايل خاصه من العضوات يسئلون عني ويقولون وينك الحمدالله على سلامتك >>> من شايفه نفستس
ودخلت وللأسف باءت احلامي بالحضيض وتوصلت معها الى لاشي>>> اقول تكلمي زين لاأرنتس(اضربك)
دخلت ومالقيت شيء ليه يابنات حواء حطمتوني حسستوني اني مالي صديقات يسئلون عني >>> اقول تراك مصدقه روحتس بالمره اقولتس يأوراق لآمعه كلن بحاله شاقي
المهم ياخواتي مسحت دميعاتي وضبطت كحيلتي وابقولكم قصتي الي هي باسم عنواني
يوم الأثنين الموافق25/5/1428هـ في الساعه الثانيه والنصف ليلا تقريباً >> علشان تكونون في قلب الحدث
كان عندي امتحان البلاغه النبويه للاستاذ:.............>>> معليش تحمست
المهم جالسه اذاكر فجأه حسيت بالجوع وأنا ماأصدق خبر بس أدور عذر علشان أقوم من المذاكره والله يابنات كل شيء بالإمتحانات حلو حتى اخبار القناة الاولى تصير تجنن تقولون مسلسل لازم اتابعه كل يوم>>>> ماتشوفين نفستس طلعتي من الموضوع
المهم الي جوعان وين يروح اكيد للمطبخ >>>> لاتستهبلين دمتس ثقيل
دخلت المطبخ ابسويلي خبزه بجبن سايل (كرافت) >>>>لاياشيخه
والدريشه حقت المطبخ كانت مفتوحه ومافيه احد تحت الا انا والباقي في سباتهم الصيفي (ماشاء الله)
وشوي شي يتحرك في الدريشه واناظر واثري في واحد يويق علي انا انهبلت ودمي وقف وعظام رجلي ماعت وشعر راسي وقف قسم بالله صار تقل شوك وايديني تشتغل على الهزاز سكرت الدريشه لاارادياً بس نصه ورحت اركض فوق وتغطيت ببطانيتي وجلست اقرأ واسمي يوم هديت شوي رحت طقيت على ابوي الباب وقلتله بالي صار>>> سلامات يالفلقه توك اتفطنين(اتذكرين)
نزلت انا وابوي وطالع ابوي الدريشه وكان فيه شيء يتحرك يوم فتح ابوي الدريشه وانا ماسكه معي سكين تقولون انترتايقر المهم يوم فتح ابوي الدريشه
7
7
7
7
7
7
7
7
7
7
7
7
7
صارت بسه (قطوه) حسبي الله عليها وماخلتني اذاكر ولا استمتع بخبزتي الي بجبن سايل كرافت
المطلوب ادعولي انجح الله يوفقكم ويسعدكم

الخاتمه :
الي عندها موقف مشابه لاتبخل علينا فيه..............وسلامتكم
اختكم الراجيه رحمة ربها (أوراق لآمعه)