إلى كل من تنعم بالحرية والانطلاق
إلى كل من لم يقيدها كتاب ولا ملزمة
ولم تسجن في كليةٍ ولا مدرسة
إليكـــم جميعاً؛
السلام عليكم ورحمة الله وبركــــاته
وأرجو انكم جميعاً بخير وصحة وفرفشة….
وبمناسبة حلول موسم الانثبارات =الاختبارات
فخلونا نفرفش نحن.. ونظهر أثر نعمة الله علينا
أولاً وبالبداية
رددو معي هذا الدعاء:
"الحمد لله الذي عافانا مما ابتلاهم به، وفضلنا على كثير ممن خلق تفضيلاً"
فهذا دعاء عظيم يُقال عندما يُرى الشخص المبتلى
ثانياً
يجب مراعاة ذوي الظروف الخاصة.. اللي هم اخوتنا الطلاب
فهم يمرون الآن بمصاعب ومشاق وأزمات نفسية
فيجب مراعاة مشاعرهم الفياضة
وننفسياتهم المتدهورة
فعندما نهمّ بأي عمل رائع لا يستطيعون هم القيام به مثل
الجلسة الرايـــقة، والسواليف..
النوووووووووووووومة الطويلة والغفوات اللذيذة..
الطلللللعة والدخلة حسب المزاج..
النت ووو إلــــــــخ
لازم نراعي هالشيء
وما نحرقهم أكثر، لا
بس على خفيف
مثلاً
اذا تجهزنا بنطلع، ولبسنا العباية..
ماله داعي يكون هذا قدامهم
عشان ما تنجرح مشاعرهم
لكـــن
إذا ركبنا السيارة بأمان الله
الآن ممكن نتصل
ونقول حاجة وإلا غرض؟ حنا طالعين نغيّر جو ونتمشى
أيضاً من أنواع المساندة النفسية لهم..
انك تسوين أحلى قهوة
ومعها تجيبين أفضل حلى
وتجلسين متمددة بأقوى ما تقدرين عليه
ما تجلسين عاقلة.. لا! أبداً
لازم تتمددين وتتمططين
ورجل هينااا والثانية هينااااااك
واليد لا تفووووتك تحت الخد، وماااااطّة الخد مطّ ليييين اختفت العين
والكووووع على المركى
يعني جلسة رااااايقة لأقصى درجة
وتمدين يدك للفنجال وتقربينه لك عشان تشربين… يالله ياصل فمك
أما الحلى ما تقدرين تاكلينه إلّا بالتلحيس بالاصبع >> بفعل هالانسداحة
شفتي الآن... الوضــــع تماااام؟
طيب،
الآن يأتي دورك بتقديم دعوة كريمة لهم
وتقولين تفضلوا معنا
وخذوا فنجااال..
وسعووو الصدر...
ماهي بطايرة الدنيااااا
كلنا درسنا ونجحنا وتفوقنا
أيضاً لازم تبينين لهم اهتمامك الشديد بهم
وبصحتهم..
قإذا قابلتيهم تقولين..
هاه! وش هالحبوب والبقع اللي في وجيهكم
وش دعوى..
توكم بعزّ الشباب
ما يصير تضيعونه بالهمّ والقلق والكدر
الحين أخواتي الكريمات
خلونا نسلط الضوء على النماذج اللي عندنا
وكل وحدة عندها عينة من اللي تحدثنا عنهم تتحفنا .. بارك الله فيها
ودعوني أبدأ
أختي في الجامعة.. البارح كانت جالسة تذاكر
كان عندها علم نفس>> مسكيييينة اضحكوا عليها
ومصطلحات تسد النفس، وكلام غير منطقي
المهم ومن ضيقة الحيلة جالسة تقرا الكلام بترتيل هههههه
يعني زي بعض اللي يقرون الأحاديث برمضان، والمواعظ خخخخخخ
المشكلة الكلام ما يساعد
تقول:
خخخخخ
لا، ومن الكآبة اللي فيها طالعة تذاكر في الصااالة كاااااك
أخيراً
ولأن العين حق،،
أذكركم غالياتي بــ
" أعوذ بكلمات الله التامة من كل شيطان وهامة ومن كل عين لامّة"
كل ما مريتوا من عندهم أو مروا من عندكم
وأنتم يا أخواتي المبتليات
جدوا
واجتهدوا
وابذلوا قصارى وسعكم
حتى تكونون متعلمات ومثقفات مثلنا
والسلام عليكم جــــمـــــيــــــعـــــاً ورحمة الله وبركاته
أختكم المشفقة :35: قطة نجدية
هههههههه ربي يسعدك
عاد الحين موسم الاختبارات والاستنفارات لوووول
وحدة تطلع حواجبها وتنزلها تبي تقهرهم خخخخخ
<<<انحاشت لاتحصللها قوطي ع الرأس منا ولامناك خخخخ