عندي أكثر من موضوع ..!!

السلام عليكم .عيدكم مبارك
وكل عام وأنتم بخير . والله يديمه علينا كل سنه بكل خير وسعادة . عندي أكثر من موضوع وراح اسرد كلا بحده . اتمنى ماينقل .


أخوي ملك ...والشبكه قريبه وأخواتي وأمي أخذو هدايا لخطيبته هذا غير هدايا أخوي لها مع الشبكه .
ألا أنا ...أحترت وش أخذ شي مختلف عنهم ! كل ما قلت شي فلانه تطلع ماخذه لها مثله ! وصعبه كلنا نخذ مثل بعض !!
فشوروا علي أيش أجيب لها أبي شي مختلف عنهم .
***********************************************
أممم أم زوجي زوجت عيالها 7 كلهم اللي زوجته بنت عمه او بنت عمته أو بنت خاله أو بنت خالته . حتى بكره هم يتزاوجون من بناتها وعندها قاعده اذا طلعنا عيالنا برى مين اللي بيخطب بنتنا وماخلت واحد من عيالها يطلع برى (ماعدا زوجي تزوجني ع بنت خاله وأنا مو من نفس القبيله )حتى بكرة اي واحد من اللي زوجت عيالها عندهم يخطبون من بناتها .هذا تفكيرها .
الزبده محد خطب من بناتها بس وشريكتي تصير بنت خالهم كانت متوقعه ان عيالهم راح يخطبون عندها لان البقيه كلهن ولا وحده منهم خطبت عندها
المهم أن أخوانها طلعوا برى جماعته. فزعلت ومنقهره وزعلانه وبناتها كلهم أكبر مني يعني كبار ومايدق بابهم غير المتزوج الله يرزقهن .
المهم أني وسلفاتي وشريكتي كلنا كنا مجتمعات عندهم وصادف اننا كلنا تواجدنا فعمتي من قهرها تسولف لحرمه وتقصد في كلامها سلايفي وبذات شريكتي اللي تصير بنت أخوها وأخوانها طلعوا عن بناتها .
المهم تقول لها شايفه ياأم فلان زوجت عيالي لهن ومارضيت يطلعون عنهن وأخرتها ولا واحد دق بابي حتى عيال أخوي .ومن هذا الكلام .
الحرمه طالعت فيني قالت يمكن ال....(أسم قبيلتي ) هي اللي ماتدرين تخطب من بناتك ! أنا قلت والله لو بخطب منكم بخطب لواحد متزوج لانكم خطبتوني لواحد متزوج !! هنا نخرسن وسكت''.
شريكتي وصلت كلامي لزوجي وجايني يقول ليش تقولي هذا الكلام كلامك أكيد يزعل أمي .
وقلت والله أنا رديت ع الحرمه اللي وجهت الخطاب لي وأنا صادقه لو فكري مثل فكر أمك والله مايجكم من طرفي غير المتزوج لانكم خطبتوني لمتزوج .!
وبعدين زوجتك ليش تنقل السالفه لك !!
لو هي شاطره كان عرفت ترد ع دقات أمك فيها هي وسلايفي .
وقلت له المفروض ماتسمع كل كلمه توصلها زوجته أمك ماشكت ولا تكلمت ولا أنا شكيت ولا تكلمت لك بااللي صار . هي ليش توصل الكلام لك .
المهم أني خرسته هو بعد .وقلت لاتجيب لي القيل والقال وأنا ماغلطت ولاني خايفه من أحد .
هل كلامي يزعل ؟!