انتي داخله على عائله كلهم أقارب يمكن اذا زعلتي احد الكل يكرهك وردي على اي احد يستفزك الا الحريم الكبار احترميهم وأم زوجك مثل أمك ماتبغين احد يرد عليها وخاصه من وحده مهي من جماعتكم ونقل الكلام صار عادي بين الحريم حتى الأخوات وماتبغين زوجته وهي ضرتك تنقل له الكلام وزوجك مانقل لك الا لان أمه خط احمر

الحين الدق كان على سلايفك وشريكتك
تردين انت ليش !! يعني ام زوجك ما دقتك بالكلام وانت دقيتيها


كان مارديتي على الحرمه سكتي او رديتي برد مهذب مثل لو قلتي ان كان لهم نصيب بقبيلتنا بياخذونه


انا اشوفك خليتي نفسك بوجه المدفع وسلايقك وشريكتك شروا انفسهم واسكتوا

بعدين تعالي




نعرف الشبكه والملكه عندنا مايجيبون اهل الولد هدايا




الهدايا تجي مع طقم الشبكه وخلاص يكفي




اما الام تجيب والخوات يجيبون ماعمري سمعت فيها صراحه

بالنسبه لأول موضوع الهديه مقدور عليها تبين هديه مميزه خذي لها اسواره او سلسله ذهب مكتوب عليه اسمها اكيد بتكون مميزه وحلوة واشوف هابين فيها البنات هالفتره يسوون اسمهم علي السلسله او اسمها واسم زوجها مره حلو وكيوت اووو حتي تقدرين تحطين لها مبلغ مالي مزين بباقه ورده وتحطينه مثل الأوراق برضو شي جدا جميل ومميزه
بالنسبه لسالفه عمتك وزوجك وشريكتك من رايي لو تبعدين عن شريكتك ا الجلسات الي هي جالسه فيها يكون افضل حتي لا تجمعو كلهم انتي تعذري وروحي لام زوجك لحالك لانك شايفه بعيونك اقل كلمه تمسكها عليك بتروح توصلها لزوجك عشان يصير بينكم مشاكل فافضل شي تبعدين عن المشاكل

بالنسبه لي وبغض النظر عن ردود اخواتي في عالم حواء لك الا انه ردك عجبني لاني مااحب الدق والتلميح اللي ماله داعي وانت بكذا بينتي ان شخصيتك قويه وماتسمحي لاحد يدوس لك على طرف وردك كان محترم وماغلطتي فيه