اللهم ارفع قدرها على من احتقرها وانصرها على عادها وظلمها وأهانها

جزاك الله خيرا

الله يشفيك ويعافيك ويعفو عنك ويرزقك حنان اهلك ...
من قلب يحبك ويتمنى لك الخير خذي الافكار هذي وبإذن الله ماتندمي:
1- زوجه ولد عمك .. اختك زوجك ... زوجة اخوك <<<<<<<<<<<< اسحبي عليهم ... وافرضي احترامك عليهم وطنشي عساهم ماحبوك
2- امك استعيني بالله وادعيه يحنن قلبها عليك ..... وتصدقي ولو بكلمة طيبه تكتبيها في اي موضوع من مواضيع المنتدى << على سبيل المثال طبعا
3- بطلي تشتكين لزوجك .. لان الظاهر من كلامه انك تتشكين له كثيييييييير ... من الان توقفي عن هالشيء .. لانك اعترفتي بانه انسان كريم وخلوق معاك .. فلازم تكوني مراعيه هالنعمه ........ لاتخليهم سبب في خسارة زوجك انتبهي الله يسعدك ...
اقلبي حياتك معاه من احسن مايكون.... وتبغين تروحي للناس روحي .. واستجيري بخالقك... واجعليه سبحانه في نحورهم

في الايام الجاية (عشر من ذو الحجة) فضيلة جدا ...لا تفوتك ... تصدقي ولو بالقليل ... واعرفي ياغالية انه ان الاوان انك تتخلصي من الرهاب الاجتماعي ... لان زي ماذكرتي عمرك 34 سنة ... خلاص وقت الاحزان ولى ... ولازم تعيشين حياتك

لاتهدريها على ناس ماتسوى وعلى ذكريات حزينة .... لازم تدفنيها

استرجعي ثقتك ... لنفسك اولا ثم لعيالك ... بتكونين امهم وقدوتهم .... ثم لزوجك ....

وعلى فكرة اذا عندك نت افتحي مواضيع عن الرهاب الاجتماعي واقرأي وتثقفي .... وعلميهم ان اللي كانت تعبانه بالامس ... قررت توقف على رجولها اليوم وتعيش وتنسى الالم مهما كان ....

ارجوك ردي علي وطمنيني ....

طيب ردي عليهم الي متى وانتي ساكتة ومستحية ومنحرجة ؟؟؟؟؟؟؟؟؟؟مابقى بالعمر كثر مامضى قبل انتي صغيرة والااان ؟؟؟؟؟؟؟؟؟؟؟يعني انا ما اشوف فيك رهاب اجتماعي اللي فيك ضعف شخصية وعدم ثقة بالنفس سكتيهم ردي عليهم الناس في هالزمن تحب القوي ماتحب الضعيف قالولك كلمة ردي عشرمثلا دقيتي على عماتك ويسبون بأمك قوليلهم خير ان شاء وش عندكم مع امي بايقة حلال ابوكم لاتخافين ولاتستحين ولاشياشوف هم ما استحوا وشيلي من بالك انه معاك مرض ولارهاب ولاا غيرهولاااترى بداية المرض وهم الواحد يوهم نفسه انه مريض الي ان يصير فيه المرضوعلاقتك مع زوجك غيريهاخليك فرفوشة حبوبةاعزمي جاراتك وتعرفي عليهم اشتركي بنادي ثقافي صحي وتعرفي على بنات اشغلي وقتك بهواية بأي شي اشتغلي انا اعتقد لو تشتغلين بتنحل مشكلتكوموفقة اختي الكريمة

حبيبتي انتي تشيلين هم برأي الناس فيك مو لازم يمدحونك حبيبتي انا ماعمره احد مدحني حتى امي بالعكس تفشلني ولا يهمني

يفشلونك زين ردي عليهم ماقدرتي زين حاولي تنسين الموقف لاتخلين اي كلمه تاثر فيك مو زين لنفسيتك ويجيك بكره ضغط وسكر وبلاوي المثل يقول خراب يادنيا عمار يادماغي يعني بكيف الدنيا يصير فيها اللي يصير لكن اهم شي ارتاح انا


اهم شي انتبهي لزوجك دلعيه واهتمي بنفسك من المكياج واللبس والحركات ولاعليك من فلانه وعلانه
واهتمي لعيالك ربيهم زين وقولي لزوجك اذا ماكان معصب تراك تعلمهم يعيروني بكره يعيروني ويعيرونك لانك بهالكلام ماقاعد تخليهم يحترمون وبعدها ما را يحترمونك انت وحاولي تغيرين نظرته لك انك تعبانه نفسيا او شي

وزوري طبيب نفسي ترا مافيها شي انا موديه ولدي وكل الحريم يودون عيالهم بصراحه اللي وديت ولدي حق اطفال