احنا بشر :

حبيبتي انتي اللي سمحتي لهم باللي قاعد يصير ,,,,,اول شي لازم انتي تحترمين نفسج وترفعينها لان اللي في الداخل يشوفونه الناس هم شايفين وحاسين بعدم احترامج لنفسج ,فعاملوج على هالاساس , حبي نسفج بالا ول واكرميها لاتقبلين الاهانه من احد وقفيهم عن حدهم ,,,,,,,,,,وانتي الحين عندج عيال حرام ترى راح يتأثرون جداااااااااااا لما تكون الام قويه ومحترمه ولها مكانه راح يكونون نفسها والعكس صحيح .خليج مع الله ومع كتابه , لاتفكرين بطريقه سلببيه ركزي على اللي بين ايديج عيالج وزوجج وامج المحيط اللي يحبج تفاعلي معاه بطريقه ايجابيه ,توقفي عن الاحاديث السلبيه للنفس والجلد لذاتج ,,,,,,اي مشكله تواجههج لاتكبرينها امسحيها على طول من بالج ,,,,,, دشي دورات تقويه الشخصيه واقري كتب تطوير النفسج والنت يطور وفيه دورات مجانيه ومواضيع جدا جميله ممكن الاستفاده منها اللي فات فات لما كنتي صغيره ماكان لج يد فيه بما ان اللي فات ماكان عاجبج والمستقبل جدامج وانتي كبيره وقادره على التغيير , حاولي تغييره بالاصرار والعزيمه ,,, الله كرم الانسان ,فلا تذلي نفسك ,عشتي طفوله ماعجبتج واسندتيها لعدم دفاع امك لاتعشينها لعيالك ,الان انتي حره في رسم مستقبلك الحياه حلوه لا تعيشينها بطريفه هم السبب ,هم السبب اذا انتي رضيتي

حبيبتي انتي اللي سمحتي لهم باللي قاعد يصير ,,,,,اول شي لازم انتي تحترمين نفسج وترفعينها لان اللي...

تحفة :

يا عمري بقول لك شيء ... أنت مقصرة مقصرررة في حق نفسك .. تدرين ليه امك وزوجك انقلبوا عليك .. لأنهم تعبوا منك .. الى متى بيراعون مشاعرك ويسمعون لك شكواك ويحاولون يطلعونك من الهم اللي أنت فيه ؟!! خلاص يا قلبي أنت هالحين عقلتي ونضجتي .. ولازم تعرفين انه ما فيه أحد قادر يساعدك تطلعين من حالتك اذا أنت ما ساعدتي نفسك .. ماعليك من الناس من يوقف معك ومن ضدك .. انسي كل العالم .. انتبهي لنفسك وبس .. عالجيها .. قويها .. عزي نفسك واحترميها وحبيها عشان الناس تعزك وتحترمك وتحبك .. اذا ما عندك تقدير لذاتك ما أحد بيقدرك أبد .. يمكن كلامي قاسي عليك بس أبيك تصحيييين .. التفتي لنفسك لا يروح عمرك في الهم والنكد والمرض .. لا تخلين ذكريات طفولتك وجروح الماضي تسيطر على حاظرك ومستقبلك .. خلاص ذاك شيء انتهى .. ابدأي في هاللحظة اللي أنت عايشتها ... فتشي في نفسك .. عالجي عيوبها وقوي ميزاتها .. أنت محتاجة تثقين بنفسك .. محتاجة انك تقدرين نفسك وتحبينها .. لا تنتظرين لنفسك من خلال نظرة الناس لك .. لا تنتظرين مدح من أحد حتى لو كانت امك أو زوجك .. المهم أنت .. أنت تحبين نفسك وتعرفين قيمتها وتقدرينها .. لأن الناس تستشعر نظرة الشخص لنفسه وبالتالي تنظر له بنفس النظرة . ابحثي عن ميزاتك .. أكيد عندك ميزات ما فيه أحد ما عنده جوانب حلوة وايجابية في شخصيته .. ومن هنا بتحبين نفسك .. وحطي في بالك ان ما فيه انسان خالي من العيوب مهما كان .. لكن الواحد يحاول يرتقي بنفسه ويصلح عيوبه ويقوي الجانب الايجابي اللي في .. بصراحة انقهرت منك وعليك .. حالك أبد مو حال .. أحس انك ضيعتي نفسك بنفسك .. تنتظرين أحد ينتشلك من هالحال وماراح ينتشلك إلا نفسك .. الناس مهما كان قربهم منك وحبهم لك لهم طاقة تحمل ما يقدرون يتحملون أكثر منها .. يراعون وممكن يساعدون لكن اذا ما شافوا منك تقدم بخطوات ايجابية ماراح يواصلون .. بيخلونك لحالك ويمكن ينقلبون عليك لأنك صرتي عبئ عليهم ومصدر ضغط نفسي لهم .. يا قلبي أنت الان دخلتي النت .. ابحثي فيه .. واقرأي كتب .. تختص بالذات وتطويرها .. أي شعور يسيطر عليك اقرأي عنه .. ابحثي دائما عن مشاعرك السلبية وحدديها سواء خوف أو غضب أو شعور بالذنب أو غيرها واعرفي أسبابها وابحثي عن علاجها في النت أو الكتب .. وأنا متأكدة اذا عندك رغبة صادقة وعزيمة انك تتغيرين للأفضل بتتغيرين ... وفي هالفترة كلها حاولي انك تنقطعين قدر الامكان عن أي شيء ممكن يشكل لك ضغط .. عشان تتفرغين لنفسك . وحطي في بالك ان الرهاب الاجتماعي له أسبابه .. من أهمها عدم الثقة بالنفس .. يعني بس تقوين نفسك وتزيدين من ثقتك بها بتنحل أغلب اذا مو كل مشاكلك هذي .. ولا تتوقعين الأمر يتصلح في يوم أو يومين .. كل شي يبي وقت .. ممكن يحتاج منك الأمر سنوات .. لكن نفسك وصحتك تستاهل انك تسعين لاصلاحها لو طال الوقت . اطلبي من الله العون والله يعدل حالك ويهديك وييسر أمرك .

يا عمري بقول لك شيء ... أنت مقصرة مقصرررة في حق نفسك .. تدرين ليه امك وزوجك انقلبوا عليك .. لأنهم...