عندي عزيمه بعد شوي ...تكفون ساعدوووووووني ؟؟؟

أختي الواسطية
دقوس الطماط اللي ينحط على العيش ...........ممممم
شوفي...
بشري كم حبه طماط وحطيه في قدر صغير وحطي معاه شوي ثوم مهروس وغطيه وخليه على نار هاديه ليمن يتبخر ماء الطماط تقريبا(مو تخلين كل الماي يروح ويحترق!) وبعدين تضيفين شوي ملح وشوي فلفل أحمر ومعجون طماط وتخلطين وتضيفين ماء حار وتخلينه شوي على النار يغلي ليمن يتسبك وسلامتج
اتمنى يكون هذا اللي تقصدينه

حبيبتي هذه طريقة الدقوس اللي نسويها:
1- تسلقين الطماطم بس شوي (وإلا ذابت) وتقشرينها وتضربينها في الخلاط..
2- تفرمين شوي بصل ناعم وتقلينة بالزيت في قدر ثم تضعي علية الطماطم المضروبة بالخلاط وربع كمية الطماطم ماء حار وصلصة طماطم (المقدار حسب الذوق إذا تريدنه أحمر كثيرا ضعي كمية كبيرة نسبيا) الملح والفلفل الاسود ورشة كمون..
3- ثم اعملي تقلاية ثوم ناعم جدا (مثل الملوخية) وضعيها على الدقوس وبالعافية..

وهذي طريقة الغالية جنان..


وإن شاء الله أكون أفدتج..

جزاكم الله خير .....والله يفرج عليكم
بصراحة عطيتوني فكرة وانا دخلت المطبخ

وحطيت في الخلاط :
3 فلفل حار
3 طماطم حجمهم كبير
2 فص ثوم

وخلطتهم في الخلاط الكهربائي

وبعدين حطيت الخليط على النار وطبخته واضفت عليه م ص خل + ملح+ فلفل اسود +كمووووووون .+4 ملاعق صلصة طماطم ..وطلع الدقوس حار جدا وهذا هو المطلوب .....

والحمدلله يقول لي زوجي ان عجب المعازيم ...

جزاكم الله خير ..

بالعافية عليكم حبيبتي..