السلام عليكم ورحمة الله وبركاته ..
الله يخليكم أقروا للنهايه وأفيدوني ..
بنات سبحان الله ..كل ماتعمقت بالدين أحس نفسي من أهل الجنه ..كل ماسمعت إن الله غفور رحيم ..ينشرح صدري
..إذا قريت عن رحمة الله ..أنبسط بسطه غريبه
..إذا قريت أن الله لايضيع أجر المحسنين ..والله والله أني أرتـــــاح من كل قلبي
وكل ماسمع الحديث القدسي عن فرحت الله بالتائب ..أقول ياربي تب علي توبه ترضى بها عني وتغفر بها ذنبي وتدخلني بها الفردوس الاعلى من الجنه بغير حساب ...وأنا عارفه ان الله سميع عليم ..وأنه يجيب دعوة الداعي إذا دعا ..
كل مااسمع الاسباب البسيطه والسهله اللي كل شخص يقدر يسويها ..
ويدخل بها الجنه اتشجع ..وأسويها ..
تخيلوا شخص يدخل الجنه لانه اماط اذى عن الطريق ..
شخص دخل الجنه لانه حافض على صلاة العصر والفجر ..
شخص دخل الجنه لا نه كثر صيام ..
شخص دخل الجنه لانه قام كم ركعه بالليل ..
وشخص تصدق بماء ..دخل الجنه
وشخص وشخص وشخص..
سبحانه ساعدنا بالتخفيف من الذنوب ..بس سبحان الله وبحمده تغفر لك الذنوب لوهي كثر زبد البحر ..مغفره لك من صلاه لصلاه ومن جـمعه لجمعه ومن رمضان لرمضان ..بالله وش أيسر من كذا ..
وشوفي الحلاوه والفرحه وين إنا من أمة محمد .. ومن الموحدين ..يالله سبحانك ماأرحمك..سبحانك مأالطفك ..كثييييير أحاديث رواها حبيبنا محمد وبين لنا طرق لدخول الجنه ..بالله ماتستبشرون مثلي وتحمسون ؟؟!!
مااقول لكم إني ماعندي ذنوب ولامعاصي ..جلا من لاييسهو ولايخطئ ..بس أعرف أني راح تغفر لي هالخطيئه لاني تبت توبه نصوحه لله ..يعني بس تخطين استعفري _وضي _وصلي وادعي في اسهل من كذا
أحس بأحساس ماااره خطير ومريح لما اسمع الحديث القدسي أنا عند حسن ظن العبد بي ..... واحسن الظن بربي انه راح يدخلني الجنه ..
والله يابنات كل ماقلت يارب ادخل الجنه اتخيل ان الله إستجاب لي ..
المشكلــــــــــــــــــــه هي ..
هل هذا الشعور خطأ ؟؟ّ!! او فيه شي لاسمح الله ؟؟!!
والله والله لاسمعت حديث عن رحمة ربي أو حتى أنشوده عن رحمته سبحانه وتعالى أحس نفسي أبي أبكي ..
بالله افيدوني لانه تجيني وساوس أحيانا مخيفه بأن هذا الشعور فيه شي او إني من اللي
أمنوا مكر الله ..واخاف .....؟؟
بإختصار هل هذا التفكير حرام أو مبالغ فيه ..أرشدوني ؟؟
طيب عمر وحده جاها كذا لماتقرا عن التوبه وأسباب دخول الجنه ؟؟
لأني توني ألتزمت ..الله يتقبل مني ..بس هالوساوس ماهي تاركتني وتضيق علي حياتي ,, وتكدر خاطري الله لايكدر لكم خاطر ..:44:
أسال الله العلي القدير مدبر الكون على ماشاء ربنا ومالنا رب سواه ونحن عبيده وعبيده كثر ان يجمعني بكن في جنة الفردوس الاعلى مع أمهاتنا وأبائنا وكل عزيز علينا من غير حساب ولاعقاب وأن يحرم وجوهنا على النار هو ولي ذلك وهوعلى كل شئ قدير لا اله الا انت سبحانك اني كنت من الضالمين ..
أنتظر ردودكم بشوق ..
وطلب ثاني .. الله يسعدكم كل ماتصلون تدعون لي بالجنه انا ووالدي ..وبصحبة الرسول صلى الله عليه وسلم ..وأن يحرم وجيهنا على النار
لكم كل الاحترام
ممرضه خجوله @mmrdh_khgolh
عضوة جديدة
يلزم عليك تسجيل الدخول أولًا لكتابة تعليق.
ممرضه خجوله
•
:confused:
ذا ليدي
•
ما اعرف والله بس ما اعتقد انو حرام بالعكس حلو ان الشخص يحسن الظن بالله عز وجل بس مو معناها يغلط ويأمن العقاب ويقول هذا حسن ظن بالله!!
الصفحة الأخيرة