عندي مشكله وابيكم تساعدوني رجااااااء

السلام عليكم ورحمة الله وبركاته

معليش خواتي انا اول مره اكتب مشكله لكم بها القسم تعودت ارد وبس لاكن عندي مشكله جايبه لي الضغط وقاهرتني ياناس وابيكم تساعدوني وتعطوني رايكم >>>>>>>>> اقول لايكثر الهرج

المهم
السالفه ومافيها
اني انا لسه ساكنه بيت جديد من تقريبا كذا شهر يعني من اول الدراسه يعني نص شعبان المهم سكنت والحمد لله وكل جيراني يهبلون مافيهم شي كل وحده احسن من الثايه والحمدلله على نعمه الجيره الصالحه لانهم كلهم فيهم دين وخوف من الله وهذا اللي انا ادور عليه
نجي للزبده
انا بيتي جزئين يعني دورين منفصلين دور لي ودور لااخوي زوجي اخو زوجي مارضى يسكن لضروف معينه فاجر ابو زوجي البيت للناس وانا طبعا لي اللي تحت وخاص فيني يعني لي باب دخول وباب للسياره وهم اللي فوقي كذالك وهذا تقسيم ابوه للبيت جزاه الله خير لنا عشان تونا مابعد عجزنا والبيت الحمدلله كبير >>>>>>>>>> ليه اببيعه انا
المهم الليفوقي جاني ولدها وخده عمره 14 وانا من النوع اللي ما ادخل احد عن ولدي الا واحد في سنه او اصغر شوي اولا عشان اخذ راحتي في بيتي لانكم عارفين اللبيت له لبس خاص وثانيا ما احب ولدي يباري اكبر منه
وقمت قلت له من لقافتي اللي فيني وحسن ظني امك موجوده قال ايه قلت فيسني عشان اتاكد اذا كبري والا تضف وجهها ويقول ايه كبرك قلت خلها تسير على هذا من دباشتي اللي فيني
المهم ماصدقت جت من بكره الله لايوريكم اولا بزرانها خلوه بيتي زباله وهو توه جديد مابعد احد قعد عليه وكل مكان فيه اوساخ ويدخلون ويطلعونكنه بيت ابوهم يحزبونها حديقه وسكت وكليت تبن وقلت عيب جارتك احترميها وضيفه ونشبت عندي اللين تعشت ولاراحت الا على 1ونص وانا ماني فاضيه لها وراي رجلي وبيتي
وتجيك بكره
وبعده وكل يوم حومت كبدي والصرااااااااااااااااااااااااحه انا ما ارتحت لها ولا لتصرفتها
اولا كلمها في اهل زوجها وزوجها وجارتها لانها هي الثانيه واعتبرها خطافت الرجاجيل لانها اخذت زوج من زوجته وتقعد تنطل من ها الارانب علي وانا اهز راسي بس انا مايمشي علي الكذب والكذب حبله قصيييييييييييييير
تقول زوجي مايجيني الا في الاسبوع مره ويوم الخميس ولا ينوم عندي ولا يعطيني ولايجيب لي وثلاجتي مافيه ولا تفاحه >>>>>>>>>> لاتفوتكم التفاحه
وكل شوي بنتها بالثلاجه واسيابي تلمع من الخضار صاير اسيابي سلطه وسكتنا
وسبحان الله عشان ما اظلمها حتى الجيران ما حبوها ولا ارتاحوا لها ويسالوني عنها قلت انا الجديده انتم ابخص بس قلت لهم انا ما ارتحت لها تصرفاتها غير طبيعيه
المهم زوجها صار كل يوم عندها ناشب ولا يفارقها وكلامها صار خرطي في خرطي
وبعدين احب اقولكم انهم ماخذين البيت ب 40000 والله العظيم وشلون ماعنده ومايعطيني ومستاجر بها القيمه لو انا ما اتعدى العشرين لو امووووووووووت
وكل شوي وطاقه وجهها وجايهوابي وابي
ولابعد صارت تدخل بيتي بدون احم ولا دستور ما ادري الا هي في وسط بيتي وهذا ولدي الغبي فتح الباب الا هي داخله عيييييييييييييييييييييييييب تدخل فرضا انا وزوجي بالغرفه منبطحين تدخل وبس لا مايصلح ها الكلام ومشيتها لها وعلمت ولدي وجاه صمخه ومعطة اذن عشان ماعاد يفتح الباب الا قايل لي
تخيلو تدق علي الباب الساعه 1 و2 الظهروالناس نايمين يم الاجازه وابغى تلفونوابي مدري وشو واسفهها ذاك اليوم اللين ملت وتجي في الليل الساعه تخيلو 11 والله النشبه وانا عندي اهلي ولا ابيه تدخل عندي اول مره يجوني وماني فاضيه لها وياوجهها وارسل بنت اختي وقلت لها قوليماهي فيه تدرون يوم فتحت لها الباب بنت اختي بس تعجبكم بنت اختي عربجيه وماعندها في احد خخخخخخخخخخخخخخخخخخخخخ>>>>>>>>>طالعه على خالتها :22:
وتقوم على طول تدخل عيالها بدون احم ولا دستور وقامت بنت اختي قالت ويييييييييييييييين رايحه ويييييييييييييين قالت ابي فلانه قالت ماهي فيه قالت ابحتريها شوفي قلت الادب قالت لا ماتحترينها هي ماهي فيه وفيه خوالي وضفت وجهها
وتجيم تدق على جوال واسفهها والباب واسفه وفهمتها
وطبعا اللي كرهني فيها لبسها الغير محتشم والعبايه على الكتف واللثمه ولا حول ولاقوة الا بالله وعجوز وتتشبب وداخله طالعه مع بيتي كل شوي وتصرف والا تقوم وعندي ناس وتدور ببيتي صرااااحه كشيت منها بزياده وتدخل كل غرف بيتي بدون استاذن الا غرفتي تعقبما وصلت لها لاني قدامها

المهم
ومرت الايام
والاقيها كل شوي في وجه الباب واقفه حق الشارع يعني لاحيا ولا مستحا تطل وكاشفه وجهها ها المعرفط تقولين عجوزن قالت ايش انا عمري 32 >>>>>>> ايه هين 32 والله واضح انها فوق الاربعين ونجي للسالفه وكل ماطلعت الزفته واقفه وولدي يقول ياماما لابسه حق النوم وقاعده قدام الباب يقصد البجامه وجالسه على الدرجه الداخليه قدام الباب واجي يوم طلع زوجي قبلي ركب السياره ويوم طلعت انا قامت انحاشت توزت ورى الباب وتقعد تطل وتروح رفعت ضعطي الله يرفع ضغطها يارب
والله بغيت اجي واصمخها ذيك الصمخه اللي ماتدري وين هي فيه

وحامت كبدي منها زاده وقلت لزوجي طلعهم من البيت لا ارتكب جريمه فيها

واجي اليوم امي عندي تعيانه وتبي تنام ماقدرت تدرون ليه ازعاااااااااااااااااااج دبك ودبيك هذا ترى كل يوم بسانا اتحمل لاكن امي طارت عيونها وطار النوم معه وتكسير وتقميع مدري وش تسوي بالبيت هي احس انها مستقصده
واجيك وادق على جوال ولدها اللي يجينا وقلت قل لا اخت لاتقعد تنطط وتدابك على روسنا عندي امي وخالتي ويبون ينامون قال طيب
تدرون وش سوت
قامت ارسلت رساله تقول لو سمحتي لاعاد تدقين على ها الرقم >>>>>>>>> شفتوا المسيكينه تحزبني ابيهاااااا ياحرام من حرتها عشاني طرتها من البيت ولاعاد بغيتها وطبعا كل الجيران في صفي ولا عاد دخلوها لبيوتهم لانها اصلا شبهه
وارده علها قلت بعد بيتنا وتتكلمين لك وجه وبعدين انا وش ابي باشكالك وقلت لااعاد تزعجونا
تدرون وش قالت قالت هذا موببيتك بيت ابو زوجك وماتقدرين تسوين شي وكلام والله سخ ماينقال ووقاحه وانا صراحه نرفزتني ورديت عليها بكلام اشين منه وهزئتها وبعدين صارت تقول ابودي الرسايل للمحكمه اشكيك>>>>>شفتوا المرض كيف وصل
وماتدري مسكينه ان ابو زوجي وزير ينسفها نسف هي واللي جابوها ويرجعها لديرتها اللي جايه منها زحف على وجهها
والله قامت كل شوي ترسل وترسل وترل كلام شييييييين استحي اكتبه وطبعا هي بطاقه شحن بدون اسم لاكن جوالي انا باسم زوجي
ايه نسيت اقولكم انها حاولت تتصل علي كم مره من ارقام ثانيه تستهبل علي وقلت لها اني عرفتك يا ام فلان ماله داعي ها الحركات حتى ولدها صار يستهبل علي زيها

واللحين انا والله في حزنوهم وغم انا في معزاة لسه اليوم عمي اندفن وهي فاضيه ومتفرغه وانا وش اسوي
انا قلت لزوجي وقال بيكلم المكتباللي اجرهم يطلعهم بكره
وانا اقول والله اذا شفت زوجها برى ابمسكه واتكلم معه
وش رايكم
عساكم ماتطيحون في جاره زيها قولو امين هذي ماهي جااااره هذي ضااااره
لا تقول بعد اني غيرانه منها ياربي واش اقول لها بس ليتها تشوف نفسها بالمرايه شعرها ما انكد شكله له شهر والا الوجه استغفر الله شيييييين والا الجسم جاااااااااااف مافيه ولا لحمه الحمدلله اللهم لاشماته انا ماكان ودي اوصفها بس ابي اعرف وش غيرانه منها فيه ياليتكم تشوفوني ما امدح نفسي لاكن الناس يقولون

وارجوكم ابي ردكم وش اسوي فيها لاني اغلي والله واللحين ارسلت اكثر من عشر رسايل والاخيرات الثلاث ماعاد رديت عليها
عشان الحقراان يقطع المصراااااااااان


لاتطنشوني العشم فيكم ردوا علي تكفون لا ارتكب جريمه فيها والله


معليش كثرت الهرج والا والله باقي اشياء تسويها ماقلتها بس هذا اختصار>>>>>>>>كل هذا واختصار الله يعينكم علي بس:30: