ذهبت فلوس مع عائلتها للملاهي عفواً لمكان المتعه في ذلك الوقت
.
.
تركت الصغار يلهون في الرمل وهي أخذت تقبل صديقاتها القديمات فقد أعتزلتهم من فترة طويله ومريم جلست تنظر لوالدتها وكأنها تشاهد مسرحية
.
.
فلوس : هاه يالخاينات ولا عاد تسألون ولا شي لا يكون تحسبوني مت صدق قليلات خاتمه
.
.
أم عنبر : عمرك طويل يام سعد عمرك طويل وراك تتفاولين على نفسك !
.
.
رحمه : ليتك متي يافلوس كان أفتكينا منك خلصتي فصفصنا ..!
.
.
فلوس فصفصكم هههههههه أي فصفص ؟ وينه وع مافيكم إلا ريحة الفصفص ولا هو لا أثر له هههههههههه
.
.
شاهه : ماشاء الله صايره تتكلمين مثل إذاعة منطوكاارلو
.
.
فلوس وهي تضحك بصوت عال:هههههههههه إذاعة منطوركارولوووووو ولا منصور كارولو تعالي يامرايم يابنيتي أسمعي وش يقولون منصور ولدنا صارت عنده إذاعه ههههههههههههههه
.
.
تركيه : تصدقين عاد يافلوس لك وحشه وشرهه ..ولدت ولا دريتي عنا ؟
.
.
فلوس : وش جبتي ؟
.
.
تركيه : جبت ولد وبنت ..
.
.
فلوس : ماشاء الله مبروك ..
.
.
تركيه : تراهم عمرهم هالحين ثلاث سنين ..!
.
.
فلوس : ياربيه كأني طلعت من قبر صدق هاه وش صار بعد علموني
.
شاهه : تكفين فلوس اسألي تركيه وش سمت عيالها
.


وش سميتيهم ؟.
.
.
تركيه : تعرفين أبوهم دايم إذنه عندإذاعة منطوكارولوو ويسمع وحده إسمها أسمهان قام سمى البنت اسمهان !
.
.
فلوس : هههههههههههه مانتب صاحي يا أبو أسمهان تكفى
.
.
تركيه : هو مو أبو أسمهان ..
.
.
فلوس : أجل صح وش سميتو الولد
.
.
تركيه : سميناه فريد الأطرش
.
.
فلوس وهي تضحك : كان سميتوه الأطرش هههههههههههههه وش صاير بهالدنيا لالا مالكم حق ..أول مره أشوف طقاقه مسميه بنتها أسمهان
.
.
وأخذت فلوس تسولف وتضحك بصوت عالِ هي وصديقاتها ومريم تنظر اليهن ولا تسمع للكلام ..تبتسم عندما تنظر اليها أحداهن ..!
.
.
إلى أن سمعت والدتها تقول..
.
.
فلوس : إلا بسألكم وش رآيكم با ابو أبراهيم ؟
.
.
شاهه :أعوذ بالله عينه طويله ..
.
.
تركيه: ايه صادقه بس يمشي ويناظر
.
.
رحمه : بس يخزنا ويناظر فينا
.
.
فلوس : هالحين ابو أبراهيم ماغيره يناظر فيكم أنتم ؟؟ من صدقكم
.
.
والله لو إني رجال كان ما أعتبرتكم حريم من هالزين ولا من هالجمال القاتل
.
.
أنتِ يارحمه لو مشيتي باي طريق صار زحمه المفروض يسمونك شحمه ياشيخه من بيناظر فيك أقول أنطمي بس ..
.
.
ضحك الجميع فواصلت فلوس : وإنتِ ياشاهه كلك على بعضك عاهه اجل بيناظر فيك أبو ابراهيم علميني وش بيشوف أنا أخاف على عيونه لا تنجرح من ها الشين كله
.
.
تركيه : اقول يافلوس خلينا الزين لك قلنا له رح يم فلوس تكفى مانبيك
.
.
فلوس : عادي ياتركيه إنتِ حديتيني أتكلم تركيه المفروض يسمونك سحليه يسمونك كحليه ومن زين الطبايع بنتك اسمهان ههههههههههههههههههههه ..
.
.
وبيناظر فيكم ابو ابراهيم لو يمر قطو من جنبكم ماناظر ههههههههه ياحبي لكم بس ..
.
.
أم عنبر : لا عاد هو رجال بن حلال وزوجته شيخه بعد ماشاء الله عليها أدب وأخلاق وكل الناس يشكرون فيهم ..بس هذا أنتم ياحبكم للحش !
.
.
رحمه : فلوس عسى ماهو خاطب عند أحد
.
.
فلوس : مدري عنه ؟
.
.
تركيه : فلوس لا تخططين على الرجال تراه مايبي عجز
.
.
فلوس : أدري إنه مايبي عجز ولا يبي سحليات
.
.
شاهه : أسكتو شوفوه هناك طالع من المسجد ناظرو هذاك مو أبو أبراهيم ..
.
.
فلوس : إلا هو بشحمه وبلحمه هههههه معليش رحمه عيارتك الشحمه خذناها شوي وبنرجعها هههههههههههههه
.
.
رحمه : عادي خوذيها قطعيها بالعافيه
.
.
فلوس : ماشاء الله تبارك الله ...الله لا يضره هذاك الأمير الزين بيناظر فيكم كششششششششششششش عليكم ينطبق عليكم المثل شيون وأقويا عيون
.
.

أم عنبر : لا عاد فلوس عندك خبر عن أبوأبراهيم علمينا تراى أنا أعرف زوجته زين وكنت أشتغل عندهم من فتره ..!
.
.
فلوس وهي تقوم وتقول : لا لا أبد سلامتكم مافيه شي ..يالله بقوم هالحين العيال صكتهم الشمس وعندنا مشاوير بنمر نشتري تمر وأغراض خبركم رمضان قرب كل عام وأنتم بخير
.
.
الشله جميعهم : وراك يافلوس بدري أقعدي وسعتي صدورنا
.
.
فلوس : مشغوله شوي بعدين إن شاء الله بنلتقي مرة ثانية ولكم مني ذبات وعيارات جديده ههههههههههههههههههه تركيه سلمي لنا على أسمهان وفريد الأطرش
.
.
خرجت فلوس ومريم لازالت حزينه ..
.
.
فلوس : مريم وش فيه يمه ..لا تفكرين في شي الله يبفرج الأمور كلها ..
.
.
مريم : يمه خايفه على منصور ..!
.
.
فلوس : لا تخافين ولا تشيلين هم ..شفتي رحمه وتركيه وشاهه وأم عنبر وكل الموجودات كيف يضحكون ؟
.
.
يمه هالحريم كل وحده عندها مشكله أكبر من الثانيه ..شاهه زوجها راح يحج ومارجع للحين وهي تطق في فرقة تركية ورحمه ماتزوجت للحين كل من شافها خرج ولم يعد وماحد يعرف السبب أما تركيه فهي تكد على أهلها كلهم أمها وابوها عندها وحتى أخوانها كلهم يسكنون بيت صغير ..
.
.
بس كلهم يضحكون ..يمكن الحزن والهم الي بقلوبهم علمهم كيف يخلق الفرح ؟ أجبرهم ..
النفس يمه تمل وتتعب من التفكير لا تفكرين خلاص ..وكلي أمرك كله لله ولا ترى بتعجزين قبل يومك ولا بيصير لك مثل ماصار لأبوك الله يرحمه ..
.
.
مريم : الله يرحمه
.
.
فلوس : خلاص أجل فكري في نفسك لازم تعرسين كل سنه تمر من عمرك محسوبه عليك تزوجي وأنبسطي ومنها تجيبين أخوان لمنصور وتلاقين رجال يضفك أنا ترى مودايمه لكم ..
.
.
مريم : يمه عمرك طويل
.
.
فلوس : ومن يدري إن عمري طويل ..مريم لازم تفكرين وتختارين بين أبو أبراهيم وصالح العرسان وتقدموا لك وترى هالفرص ماعاد تتكرر مرة ثانيه إنتِ أرمله وأحمدي ربك رزق من ربك وجايك أحمدي ربك وحنا نستقبل هالشهر الفضيل أطلبي ربك وأستخيري عندنا شهر كامل نفكر فيه وش قلتي
.
.
مريم : طيب يمه الله يجعلنا من صوامه ومن قوامه ..
.
.
ودخل رمضان ..ومريم تلهج بالدعاء بإن يرجع القاضي ليحكم لولدها في إسم ومال أبيه
.
.
وقفت اطالع بــ الاماكن ..
حزينه ..!
استرجع الذكرى ..
وانا داخلي .. ضــو
اسوق من عندي بشاير ثمينه ..
للي يعلمني بهم .. كانهم جوا ......... !

كمـــــــــــلي نكفين ......

مريم : يمه أنا بدخل منصور الكتاتيب ودي يصير شيخ ولا قاضي يعرف يقرأ ويكتب ..
.
.
فلوس : ايه أحسن أنا بقول لسلطان يآخذه معه كل يوم صبح يتعلم القرآن أهم شي عشان يقرأ علينا ليل ونهار ..
.
.
مريم : خلاص يمه كلمي سلطان ..
.
.
مريم : منصور يمه إنت لازم تتعلم القرايه والكتابه وتتعلم كيف تكتب أسمك ..
.
.
منصور : طيب يمه أنا وش أسمي ؟
.
.
مريم : إسمك منصور بن تركي
.
.
منصور : ابوي إسمه تركي ..وين أبوي يمه ؟
.
.
مريم : ابوك في الجنه ..قول الله يرحمه
.
.
منصور : الله يرحمه
.
.
فلوس : مريم يمه ترى مارجعنا خبر لأبو أبراهيم ولا جا منه خبر هو بعد ؟؟ ولا حتى أم سلطان كلمتها على الكتاتيب قالت أبشري سلطان بيآخذ منصور بس ماجابت خبر من صالح ..!
.
.
مريم : يمه أنا أفكر في شي وإنتِ تفكرين في شي ثاني ..!
.
.
فلوس : أنا أقول توكلي على الله وتزوجي أبو ابراهيم ..خيره علينا كثير وأنا متفشله منه..يمه تكفين ..
.
.
وبعد مرور أيام جائهم خبر من القاضي وأمرهم بالحضور غداً في بيت القاضي وبالفعل حضر الجميع منصور ومريم وفلوس ومحمد وعبد الله وأخوانه ..
.
.
القاضي : أم سعد ..تفضلي هنا من هو وليكم ؟
.
.
فلوس : ولينا ؟
.
.
القاضي : المتكفل عنكم ؟
.
.
فلوس : سعد وليدي ياشيخ ؟
.
.
القاضي : سعد لازال صغير السن ..
.
.
فلوس : أنا ياشيخ ..
.
.
االقاضي : مسألتكم تقتضي وجود رجل رشيد لمناقشته ولحضوره الدائم ونحن للا نقبل حضوركِ أبداً اليوم فقط أذنا لكِ بالحضور لنعرف القصة كاملة ولكن فيما بعد نريد من يتكفل بكم ويقف عنكم أمام أولاد الشيخ أبو محمد رحمه الله
.
.
ولهذا الأمر نأجل قضية الطفل منصور وأخوانه الي يوم آخر حتى يحضر وليكم سواء كان عم أو خال أو قريب مشهود له ومعروف
.
.
مريم : ياشيخ بكره بيجي ولينا تكفى ياشيخ لا تأخر هالقضيه أكثر
.
.
محمد : ياشيخ تراهم ماعندهم أحد والموضوع كله ماله اساس من الصحه
.
.
القاضي : نحن من يحكم في القضية يا محمد وسنأجلها لعصر يوم غد لحين قدوم ولي للطرف الآخر ...
.
.
خرج الجميع فهرعت فلوس لأم سلطان تخبرها بإنهم يريدون ولي يتكفل ويحضر كل الإجرائات ..
.
.
ولكن أم سلطان قالت : فلوس مانقدر نوقف بوجه عيال أبو محمد نسيتي إن الحوش الي يشتغلون فيه عيالي لهم فيه ؟
.
.
فلوس : يعني لا سلطان ولا صالح
.
.
أم سلطان : مانقدر لو عرفوا عيال ابو محمد بينقطع رزق عيالي وتعرفينهم إنتِ لك سنين معهم وأنا والله يافلوس مقدر وبعدين تراهم عيال صغار يعني وش بيسوون ؟
.
.
فلوس : والله ما أدري وش أسوي أنا طول عمري متوكله على الله ومن ثم متدبره أمورنا كلها ياليت ابونا حي
.
.
أم سلطان : حتى لو ابوكم الله يرحمه كان حي الولي لازم يكون يتحرك ويمشي وله شده على الكلام والمشاكل والشيل والحط ؟؟
.
.
فلوس : الشيل والحط
.
.
ام سلطان : دام أمركم وصل للقاضي الله يعينكم ويعين عيال أبو محمد بس الوكاد إنه شي وهو شي ..!
.
.
فلوس : طيب أدعي لنا يامزنه ياوخيتي مدري وش أسوي؟
.
.
أم سلطان : قومي خل نروح لأبو أبراهيم ونعلمه وهو إن شاء الله بيوقف معنا قومي يالله لازم بكره يجي الولي ولازم مانتأخر
.
.
قامو بسرعه وراحو السوق وعلمو أبو أبراهيم ...
.
.
واليوم الثاني وبعد العصر ..عيال أبو محمد يقفلون دكانهم وأبو أبراهيم يقفل دكانه ..
.
.
عبد الله : مهيب عادتك تقفل دكانك الحين ؟
.
.
أبو ابراهيم : وإنتم بعد مهيب عادتكم ..
.
.
عبد الله : حنا عندنا موعد مع الشيخ القاضي وتعرفه ياويل نتأخر شوي ..!
.
.
أبو أبراهيم : وأنا عندي موعد بعد عند الشيخ !
.
.
ذهب الجميع ودخلو عند الشيخ ..
.
.
سأل عن والي عيال أبو محمد والمتكفل عنهم جميعاً فتقدم كبيرهم محمد ..ومن ثم سأل عن ولي مريم وإبنها فتقدم ابو أبراهيم ..
.
.
عندها تفاجأ الجميع بما فيهم القاضي ..
.
.
القاضي : أنت وليهم والمتكفل عنهم ..
.
.
أبوأبراهيم : نعم ..
.
.
القاضي : بصفتك ...؟
.
.
أبو أبراهيم : بصفتي كفيل إبني منصور وزوج والدته ..
.
.
هنا بغى يغمى على الجميع ..
.
.
هز الشيخ رأسه إعجاباً بموقف أبو ابراهيم ..وأخذ جميع تفاصيل القصه منهم ..وسألهم أسألة كثيره عن زواج مريم متى وأين ومتى تمت الولاده و..و..و..
.
.
جمع القاضي منهم كل المعلومات التي يحتاجها وأعطاهم موعد آخر ليخبرهم ماذا عليهم أن يفعلو أو يخبرهم بالحكم في قضية منصور ..
.
.
خرج الجميع من عند القاضي وكان عيال أبو محمد ناقمين على صديقهم وصديق والدهم فكيف به يقف ضدهم أمام القاضي وبكل قوه ..؟
.
.
إنها حقاً فاجعه ...كيف يتزوج مريم وهم لا يعلمون ؟ لقد صفعهم صفعة قوية هذه المره ..!
.
.
أما فلوس فقد علمت بموقف أبو أبراهيم من إبنها سعد فقالت لإبنتها مريم : شوفي يالحبيبه هالحين مالنا أي خيار ولا عندنا أي مجال خلاص أبو ابراهيم زوجك لو تحبين منصور وتبين أموره تمشي تزوجي أبو أبراهيم ..
.
.
وهم يتكلمون جائت لزيارتهم أم عنبر ..
.
.
فأخبروها بالقصه ...
.
.
أم عنبر : مريم يمه ليه ماتبينه ترى مو كل الزواجات مثل بعض ومو كل الرجاجيل مثل بعض وهذا شاريك وقف قدام الجميع وطق الصدر وقال زوجتي ..!
.
.
مريم : ياخالتي أم عنبر أنا ماودي أدخل على مره وأخرب بيته وهو رجال عنده عيال و..
.
.
أم عنبر : زوجته ؟
.
.
مريم : ايه وش ذنبها ؟
.
.
أم عنبر : أجل أمري لله بعلمكم قصة ابو أبراهيم هو وزوجته ..بس أمانه بيني وبينكم الله ماتعلمون أحد هذا سر ماحد يعرفه إلا أنا ..
تخبرون قبل عشر سنين يوم يجي مرض الجدري ؟
فلوس: ايه يوم جابو لنا أمواس وأبر وبلاوي وطعمونا ؟
.
.
أم عنبر : أيه ..كل النا تطعمو إلا شيخه أم ابراهيم مارضت خافت وبعد كم يوم جاها الجدري لإنه كان منتشر وهي الله يهديها خافت والي يخاف من الشي سبحان الله يجيه
.
.
فلوس : لا حول ولا قوة إلا بالله العلي العظيم
.
.
أم عنبر : وتشوهت من الجدري كل جسمها بثور ..حتى وجهها تشوه صار كله حفر ..وهي حالتها صارت زفت ..!
.
.
مريم : ياربيه الله يعافيه
.
.
أم عنبر : هي تعافت بس آثار الجدري فيها لاحول ولا قوة إلا بالله ...ومن هذيك الأيام وابو ابراهيم صابر عليها ومايبي يعرس ويجرحها لين هي قالت له رح تزوج سنين وإنت صابر ...!
.
.
فلوس : أنا اشهد إنه رجال طيب ..من يصبر على زوجه مريضه والي فيه خير للأولى بيصير فيه خير للثانيه
.
.
أم عنبر : وكثيره خصاله الزينه شوفيه أول وبعدين أحكمي يامريم ..هاه وش قلتي ؟
.
.
مريم : بفكر
.
.
فلوس : يبي لك ذبح هالحين مافيه وقت نبي مشكلة منصور تنتهي وإنتِ تعرسين ..!
.
.
أم عنبر : لا يكون تبين صالح من صدق
.
.
مريم : صالح ماقدر يحميني يوم أمي راحت لهم حماني أبو ابراهيم ..
.
.
فلوس تزغرد بصوت عالي ..
.
.
اليوم الثاني طلبت منه أن يحضر وبالفعل حضر وتم عقد الزواج وجلس في المجلس ودخلت عليه مريم
أبو ابراهيم : ماشاء الله تبارك الله
وصبت له القهوه وناولته الفنجان وقالت له : أبو أبراهيم أنا عندي أهم شي في هالدنيا منصور
.
.
ابو ابراهيم : أول شي ناديني فهد
.
.
وثاني شي منصور في عيوني ولدي من أول وهالحين مابخلت عليه بمال ولا ببخل عليه بشي أبد
.
.
مريم : وانا أعرف وضعك مع بيتك الأول ولا ودي أوي أي إ
.
.
وفلوس تناظر لمريم وأبو ابراهيم وهي تكاد تطير من الفرح
.
.
قام أبو ابراهيم ولبس مريم رشرش ذهب وهو سعيد بهذه الفتاة التي تصغره بثلاثين سنه أو أكثر ..!
وتم تحديد موعد الزواج بعد عدة أيام ..
.
.
فلوس : هاه وش رآيك بالعريس ..
.
.
مريم : يمه حسيت براحه يوم شفته
وارتحت أكثر يوم قال إن منصور ولده
.
.
فلوس : قلت لك بس الحمد لله هالحين صدقتي الله يوفقك يابنيتي ويبارك لك يارب وتراه يحب الزين وعينه طويله مثل مايقولون ..سكتت قليلاً ثم قالت : تدرين ليش عينه طويله ؟
.
.
لإن زوجته مريضه ..!
.
.
بس بعد مايتزوجك يامريم ابيك تنسينه كل هذيك الأيام يابنت فلوس وأنسي بعد إنتِ الهم والتعب ..
.
.
من بكره بروح السوق بشتري الحنا والديرم والبخور وبنزينك أنا وأم عنبر (الكوافيرات ) وبنخليك أحلى عروس
.
.
.
تزوجت مريم ابو ابراهيم ..في ليلة سعيده رقص فيها جميع صديقات فلوس ............

.
.
هاه يافلوس والله وتغيرت الأاحوال أبو أبراهيم نساك الندم والتعب والشقى على بنتك وولدها

.
.

هـذا الحنان اللي له القلب.. محتاج..
أرجوك. زيد بالعـطا واحتويني ..
وان كان شفت في وصالي لك ..احراج ..
فـي صمت.. حبك..بين { قلبي } وبيني

)
(
)
(
.
.
.
.
مر أسبوع على زواج مريم وتركت منصور مع والدتها فلوس يلهو ويلعب مع أخوانها
.
.
.
مريم : فهد صباح الخير ..كيف أصبحت ..؟
.
.
أبو أبراهيم : أصبحت بخير دام إنك عندي ياغلاي
.
.
مريم : ابي أطلب منك طلب ممكن ؟
.
.
أبو أبراهيم وهو يعدل قعدته... : آمري هاه وش فيه؟
.
.
مريم : أشتقت لمنصور ...ودي أشوفه ..تكفى يافهد الله يخليك خل نجيبه عندنا خلاص
.
.
أبو ابراهيم : لنا ثلاثة ايام وحنا نروح ونقعد عنده كل اليوم ..إنتِ عروس يامريم وما ابيك هالحين إلا لي ..ماصدقت لقيتك!
.
.
مريم : طيب ومنصور ؟
.
.
ابو أبراهيم : منصور بعلمك ..هالحين
شفتي سالمه البنت الي جبتها تشتغل لك....أختها جهير أبجيبها تربي منصور وتخدمه وتنتبه له..
.
.
مريم : ليش ؟؟؟يعني مابيكون عندي وتحت نظر عيني ؟
.
.
أبو أبراهيم : طول اليوم بيكون عندنا ...
.
.
مريم : وبعدين مشوار يروح لبيت أهلي ..حرام يمشي كل هالمسافه !
.
.
أبو ابراهيم : أسمعي يامريم لا تستعجلين تشوفين البيت الي ينبني قدام بيتنا هذا ..
.
.
مريم : وش فيه ؟
.
.
ابو أبراهيم : هذا البيت لمنصور ولأمك ولأخوانك أبد مابيننا وبينهمإلا خطوتين ..!
.
.
مريم : صدق والله ؟
.
.
أبو أبراهيم : إيه صدق صدق بيت أكبر من بيتهم الي هم فيه وأقوى وأيام البرد إن شاء الله مابيدخل عليهم لا مطر ولا براد مثل البيت القديم ..
.
.
مريم : شكراً يافهد والله إنك فرحتني مدري وش أقول لك ..آه بس لو تدري أمي وش بتسوي ؟؟
.
.
أبو أبراهيم : خلينا من أمك هالحين .. هاه ..أكيد قالو لك عني كلام كثير قبل الزواج ..!
.
.
مريم : ابد والله ماقالو عنك إلا كل خير
.
.
أبو ابراهيم : ماقالو إني ودي أعرس من زمان وتخطبت كثير عند خلق الله صح ؟
.
.
مريم تذكرت صديقات أمها ناظرت فيه وسكتت ..!
.
.
أبو ابراهيم : تدرين ليش قالو كذا ؟
.
.
أسمعي ..اي رجال بهالدنيا وفي هالسن الحرج يمر بمرحلة مدري وش لون أوصفها لك ؟
.
.
يحس إنه ضيع شبابه مو هالوصف بالضبط بس يوم كنا صغار كنا نحلم بتجاره وبزوجه رائعة الجمال أجمل إنسانه ممكن تتصورينها وأذكى إنسانه وسواليفها عسل و..و....وسكت شوي ...وممكن ماتتصورينها بعد ..!
.
.
هذي أحلامنا وحنا صغارفورة الشباب ..ويمر علينا الوقت ونشتغل ونعيش حياتنا الواقعيه ونتزوج الي أهلنا أختاروهم لنا ونفرح ويجون العيال والإنشغالات ولاعاد نفكر مثل تفاكير أول لين يوصل الرجال في عمر مثل عمري يناظر في بيته وفي زوجته ويقول ماكنت أحلم كذا ويصاب بإحباط أو فشل !..يناظر في زوجته ويقول مو هذي الي تمنيتها ..كان ودي في وحده أحلى كان ودي أشتغل وأصير أفضل ..وتبدأ الوساويس ..
.
.
ابو أبراهيم : أنا ماأقول كذا عن زوجتي شيخه بالعكس شيخه من يوم تزوجتها على وجهها جاني الخير ورزقني الله بالعيال وبالمال وفضلها علي كبير بس المرض الي اصابها غيرها وأنا ماقلت شي في المرض بالعكس شيخه هي شيخه وأشوفها مثل اول حتى وهي لازال فيها بقايا المرض ..
لكنها هي نفسيتها تعبت ..وصارت تتغطى مني ولا تبيني أقرب منها والمرض إبتلاء من الله ..وحاولت أقنعها بإني أبيها بالي هي عليه وأنا راضي بقضاء الله وقدره فعرضت علي بالزواج من ثانيه وأنا وافقت لإني رجال ابي مره ..ولإن كثير تكلمو عني وقالو عيني فارغه لإنها كانت فارغه صدق عندي فراغ في جزء مهم في حياتي ...بس الحين وبعد ماتزوجتك أمتلى هالفراغ وصارت عيني مليانه من الخير ..
.
.
مريم : الحمد لله وياويلك لو تناظر لأحد الحين ههههههههههههههههههههههه

طيب دامك تبي السواليف بعلمك وش يقولون بعد ..يقولون أمي دنبشتك..
.
.
أبو ابراهيم : ايش ؟
.
.
مريم : يعني سوت لك دنبوشي ..
.
.
ابو أبراهيم : وش يعني دنبوشي مافهمت ؟
.
.
مريم : يعني سوت لك سحر
.
.
أبو ابراهيم : هههههههههههههههههه من يقول كذا
.
.
مريم : عيال أبو محمد الله يرحمه
.
.
أبو أبراهيم : إلا ياليتها تندبشني صدق هههههههههههههههههههه أحلى دنبوشي شفته في حياتي ليت كل الدنابيش كذا ياعليكم أسماء ههههههههههوهو يضحك بصوت عالي .
.
.
مريم : طيب ويقولون ..
.
.
قاطعها أبو ابراهيم : ياكثر الي يقولونه ...
.
.
مريم : طيب خلاص ...
.
.
أبو أبراهيم : قولي قولي والله تكملين ..
.
.
مريم : ويقولون بعد إنك تزوجتني لإنك راحمني ومشفق علي يعني لإني مسيكينه ..
.
.
ابو أبراهيم وهو يقلبها جد: مريم ترى أحلى واغلى واقوى حب بين زوجين هاليكون فيه رحمه وشفقه ...ماتدرين إن الرحمه أرقى نوع من أنواع الحب بسألك ترحمين منصور ولا لأ
.
.
مريم : إلا أرحمه
.
.
أبو ابراهيم : لإنك تحبينه ولإنه غالي وبقدر الرحمه الي بقلبك له بقدر الحب صدقيني لو ماتحبين أحد ماراح ترحمينه ..!
وأنا أرحمك وأحبك وأغليك يامريم..وأشوفك مسكينه .. أشوفك طيبه وصبرتي على كل الي جاك أشوفك مأدبه وأخلاقك عاليه ليتك تآخذين عيني تشوفين شلون أشوفك أنا
.
.
مريم : تدري يافهد احلى أيام عشتها في حياتي هي هذا الأسبوع الي عشته معك ..حتى إني صرت غير أتكلم وأسولف مثل سواليف صديقات أمي ههههههههههههههههه
.
.
أبو أبراهيم : إلا صديقات أمك تكفين فكينا
قومي خل نطلع نتقهوى عند النخل قولي لسالمه تجيب القهوه هنا
.
.
مريم : طيب على أمرك ...
.
.
وهم في الخارج يجلسون تحت نخلة طويلة ومثمره ..
.
.
مريم : أبو ابراهيم تصدق من أول مادخلت هالبيت الكبير ماصدقت إنه لي ويوم شفت سالمه ماصدقت إني بنخدم وبعيش كأني أميره في قصر وهالحين عرفت إن أبني بيعيش معي وأمي بعد بتعيش مثلي وخواني ..!
.
.
أبو أبراهيم : وشوي عليك بعد ومنصور ماعليك من مشاكله مع أخوانه أنا بوقف في وجه الجميع وبحاول إنهم يعطونه حقه ولو ماعطوه يكفي إنهم يعترفون به ويثبتون النسب ولا المال والحلال الحمد لله عندنا خير ومنصور عايش ومبسوط وماعليه خلاف ..
.
.
مريم : الحمد لله إني تزوجتك ..وهي تبكي ..
.
.
أبو أبراهيم : أقول مريم .. لا تصيحين وما أحب أشوف في عيونك دمعه أرفعي راسك وناظري هالنخله الي فوق راسك أبيك تصيرين مثلها رافعه راسك للسماء ..
ترى النخل يموت وهو واقف ..
.
.
.
يا فهد، يا تاج راسي يا عسى عمـري فـداك




يا غناتي ، وَ الله إنّك لو تبـا عينـي ؟ تمـون




( ولله مدري كم عام ) ! وما تـردّدت بعطـاك




يا شبيه الغيث ، لا منّ ساقتـه غـرّ المـزون




يافهد .. يا نور عيني ، كل عمري في هنـاك




وَ الله إنْه أبرد من الماء ، على كبـد الظعـون




يافهد .. يا جعلنـي فـدوه ، لماطـى خطـاك




حطّني .. بينك / وَ بين الوقت .. وَ كبار الطعون
.
.

كملي <<متحمسه

أمووووووت على القصص اللي كذا