)
(
)
.
.
.
.
وأنتهى الأسبوع وأتى اليوم المحدد ..وذهب أبو ابراهيم وسعد ومنصور وعيال ابو محمد جميعهم ..
.
.
سادت ساعة صمت بين الطرفين ..
.
.
فالقاضي كان يقرأ ويرتب أوراقه ومنشغل ..والجميع يترقب ..!
.
.
وبعد فترة من شد الأعصاب ورفع الضغط ..
.
.
نظر القاضي لمحمد وأخوانه ومن ثم نظر لأبو ابراهيم وسعد ومنصور ..!
.
.
وقال : بسم الله الرحمن الرحيم والصلاة والسلام على سيدنا رسول الله ...
.
.
قلت وبالله التوفيق ..
.
.
أنا ومع طول عهدي بهذه القرية لم تمر علي قضية شائكة صعبت علي كقضيتكم تلك ..لذلك مكثت أسبوع أفكر في ماذا عسانا أن نفعل وكيف نحل هذا اللغز ونعطي كل ذي حق حقه ..
.
.
وأصبحت في حيرة من امري حتى هداني الله لحل وحيد أوحد ويجب عليكم أن تنفذوه مرغمين وحتى لو كان في هذا الحكم مشقة على كلا الطرفين ..!
.
.
محمد : مشقه؟؟؟
.
.
القاضي : من فضلكم لا تقاطعوني عندما أتحدث ..سأكمل وأرجو من الجميع أن يصمتوا وبعد الإنتهاء فليتفضل الجميع ..
.
.
لقد كنت في سفر وأرتحال تعلمت الكثير ففي كل سفرة لي هناك دروس وعبر
زرت ارض اليمن المشهود له بالحكمة وهناك رأيت وتعرفت على عائلة معروفة ومشهود لها بعلم الفراسة وهذا فضل من الله عليهم فلا سحر ولا دجل ولا شعوذه ..
وقد تعرفت عليهم عن قرب فهو يخافون الله ويقيمون حدوده وشرعه ...
وكان الناس يأتون عليهم من كل حدب وصوب ليفتونهم ويفصلون بينهم وهم بفضل الله لايحكمون إلا بالعدل لذلك أطلب من الطرفين أن يرتحلو لأرض اليمن ويزورو الأخوان الذين سأكتب لكم أسمائهم وعائلتهم وعليكم أن تكتبو ماقاله الأخوان وتوثقوه وتأتوني به ..
.
.
محمد : الله اليمن لاااااااااااااااااااا وين نسافر اليمن جنان ولا هبال ..!
.
.
القاضي : منذ القدم والعرب يرتحلون لأرض اليمن أما تعرف قصة إثبات براءة هند بنت عتبه ..! ولكن الذي أثبت براءتها ساحر ونحن لا نرضى بالسحر ....
قضيتكم لها الآن عشر سنوات تقريباً ولا مجال لتركها معلقه لذلك الطرف الذي يرفض عليه أن يرضخ لطلب الطرف الآخر ..
.
.
محمد : أنا وأخواني رافضين الصراحه السفر تعب ومشقه لااااااا
.
.
القاضي : إذا رفضت أن تذهب فعليك إثبات النسب وإعطاء منصور حقه الشرعي كاملاً من غير زيادة أو نقصان ..
.
.
محمد : لأ خلاص موافقين انا وأخواني على طلب سماحة القاضي
.
.
نظر القاضي لأبو ابراهيم : وأنتم ..
.
.
ابو أبراهيم : وحنا موافقين على ما حكم به سماحة القاضي
.
.
القاضي : وآخر دعونا أن لا إله إلا الله محمداً رسول الله ...القضية التاليه ..
أنتهى الإجتماع ...
.
.
خرج الجميع وذهب أبراهيم واخبر مريم ..
.
.
مريم : ياربيه اليمن وين بعيد ...!
.
.
أبو ابراهيم : وش نسوي هذا هو الحكم ..
.
.
مريم : وأنت بتسافر ..
.
.
أبو أبراهيم : انا وليكم والمتكفل عنكم أكيد أول واحد أنا ..
.
.
مريم : ومنصور ؟
.
.
أبو أبراهيم : ومنصور وسعد إذا يبي ولا افضل يقعد معكم ..
.
.
مريم : أجل أنا وش يقعدني بجي معكم تكفى يافهد إذا رجلي ووليدي بيسافرون وبتقعدون شهور هناك خل أجي معكم مقدر أصبر على فراقكم الله يعافيك خذني معك
.
.
.
هل ستسافر مريم معهم وماذا سيحصل لهم في أرض اليمن ؟ وكيف سيتحلمون مشقة الطريق ؟
.
.
صحيح بإن الطريق متعب وشاق ولكن هذا هو الحكم وإذا كان سينهي خلاف دام سنوات فأهلاً بالسفر وسهلاً ..
.
.
الحياة ادروس .. والدنيـا كتـب
ورحلة ابن آدم .. رفوف المكتبـة
كل حرف ٍ .. من دروسه له سبب
وكل درس ٍ في حياته .. تجربـه!
والتجارب .. والعبر .. منجم ذهب
قفله وبابه .. من الفكر .. اعذبه!!
الصفحة الأخيرة
.
.
.
عاشت مريم حياة هانئة كريمة مع رجل كريم
.
أما موضوع منصور فقد أمرهم القاضي أن يحضروبعد أسبوع ليحكم لهم في إختلافهم ..
.
.
وحتى مرور أسبوع ظلت مريم تفكر بماذا سيحكم القاضي ؟ كيف يثبت نسب منصور ؟ أم أنه سيقف مع عيال أبو محمد ..
.
.
إنه قاضي عادل ومشهود له ولكن ماذا سيفعل ؟
.
.
ذهب أبو ابراهيم لبيته الأول ومريم ذهبت لوالدتها ..
.
.
مريم : يمه أشتقت لكم وين منصور يمه وينه
.
.
فلوس : في الكتاتيب يدرس هالحين حافظ جزء عم كله
.
.
مريم : يالبى يالبى ..في أسبوع حفظ ...ماشاء الله عليه ...الله يحفظه
.
.
فلوس : هاه أشوفك ماعاد تسألين علينا يامرايم تكبرتي يوم سكنتي عند الطحاطيح نسيتي حارة الفقر هاه
.
.
مريم : هههههههههههههه يمه أي حارة الفقر هذي حارة العز ...طيب تعالي بعلمك يوم إني نسيتكم قلت لفهد يجيبكم عندي ..
.
.
فلوس : لااااااااااا مانبي نجي فوق أحد نحوسكم ونثقل على الرجال لا يابنيتي خليك عاقله حتى لو هو قال لك قولي لا أمي عندها بيتها وخواتي ضافهم هالبيت
.
.
مريم : يمه أقو له خواني ضافهم هالبيت ..!
.
.
فلوس : لالا يامريم أهم شي عندي إنتِ تعيشين فرحانه ومرتاحه ولا حنا ماعليناخلاف
.
.
مريم : يمه أبو ابراهيم باني لكم بيت كبير قبالي ..
.
.
فلوس : بيت كبير ..!يعني مو معكم ..!
.
.
مريم : لأ يمه بيت خاص لكم وماحد له دخل فيكم ولا أحد يتحكم عليكم ولايتأمر عليكم وبيجب لمنصور بنت تخدمه وتنتبه له ..
.
.
فلوس وهي تغمز: إييييه وتنتبه لخوانك بعد
.
.
مريم : ههههههههههههههه أكيد يمه وحتى إنتِ خلاص أنسي كل الهم والتعب والنكد
.
.
فلوس: مستحيل أنا أنسى ...هالبيت بالذات مستحيل أنساه حتى لو نقلت منه كل ذكريات عمري فيه كنت أعيش فيه مع ابوك وأمه الله يرحمهم جيته وعمري يمكن أربعطعشر سنه وللحين وأنا فيه شوفي شعري شاب في هالبيت ..
.
.
مريم تدرين إننا مثل ماحنا نسكن البيوت هي بعد تسكننا ؟
.
.
مريم : يمه يقول أبو ابراهيم أصلاً بيتنا هذا آيل للسقوط وأصلاً في الأساس هو ممر وهو تقريباً من أوائل البيوت في كل القرية ..!
.
.
فلوس: افهم من كلامك إن البيت بينهد ..!
.
.
مريم : هو لو ما أنهد بينهد وبيطيح من نفسه !
.
.
فلوس : لا لا مابنهده لو هو أنهد من نفسه خلاص لو مانهد خلوه مثل ماهو ..!
.
.
مريم : فلوس ماهقيتك كذا
.
.
فلوس : أمرنا لله ..
.
.
مريم : إن شاء الله البيت الجديد منزل مبارك عليكم ..
.
.
فلوس : بشري وشلونك مع أبو ابراهيم...
.
.
مريم : يمه أبو أبراهيم غير ماكنت أتخيله ..الحمد لله إني تزوجته ..حسيت إني مهمه وأنا أمشي في الشارع شفت صديقاتك قامو كلهم وجو ليمن عندي يسلمون علي ..من بعد ماكانو يقعدوني في الدكه
.
.
حياتي كلها تغيرت من الضعف والسكوت للقوة ..ابو أبراهيم يمه خلاني مره صدق شيخه ..
.
.
فلوس : اه يالنذله يعني حنا هنا كنا مخليينك رجال أوريك يامرايم وقلتي له إن عيارتك مرايم أم الجرايم
.
.
مريم : ههههههههههه يمه أي جرايم لإني مره كسرت جرة السمن
لا يمه الله يعافيك ويخليك لو تحبيني صدق لا تجيبين طاري العيارات وأتفشل قدامه
.
.
فلوس : أول شي عيارته هو أبو عيون طويله
.
.
مريم : يمه خلاص لا تتكلمين عن زوجي هذا الكلام أول قبل يتزوج بنت فلوس
.
.
وفجأة دخل منصور وأنطلقت مريم وضمته ضمة قوية وذهبت معه للسوق لتشتري له مايريد
ذهبت مريم عند والدتها وأخبرتها بإنهم سينتقلون إلى بيت جديد
.
.
يانـاس ذاك البيـت لاتهدمونـة
خلـوه يبقـى للمحبيـن تـذكـار
خلوه حب سنيـن خلفـه ودونـه
في داخله قصة مواليف واسـرار
من يعشق الأطلال دمعـه يخونـه
لاصارت أقدامه على سكة الـدار
عش الحمام اللي بعالـي ركونـه
رمز الوفا رمز المحبه والاصرار
إن جـا قبـال البيـت لاتعذلونـه
خلوه يبرى علتـه لـو بالأنظـار
.
.