عنــدمــا اصبحــت معلــمه ونادوني بــ يــأبله <<الخلا..

عنــدمــا اصبحــت معلــمه ونادوني بــ يــأبله <<الخلا..














بســـــم الله وعــلى بركــة الله <<حسيت اني ببدا بشرح درس جديد :09:




اول مــادخلت المرحلــهـ الجــامعيــهـ كنــت فــاهيــه وفيــني تناحه عجيبــه <<ليته بس يوم دخلتي

وكانــ وجهــي يــوحي بالبــرائه <<او الفهاوه سموهـا كمــا تحبون >>متعوب على الكلمه ذي لانهــا جميعها تؤدي الغرض

ومــرت المرحله الاولى بخــير وســلام واشك انهم منجحيني بالــدف هع

وصلنــا للمرحــله الثانــيه وكـاني حسيت اني كبرت وصرت عروس<<براا

حســيت انه الجــامعه صعبه وقلت بنفسي ليتهم مــاقبلوني<<الا والله رافسه النعمه تحمدي ربك وانتي ساكته

ومابغيت امررر منهــا اكره مرحله مرت بحيــاتي بس لاتذكر اكثر ثم اصيح<<لاتدققون

وفي المرحــله الثالثه<<اخلصي علينا
طيب

المهم بالمرحله الثالثه قالو لنا هاااه ترا الفصل الثاني وراكم تطبيق

عبست وجهي واملت برطمي قائله :يالله احضر المحاضرات تبوني اطبق ويصير ورايه تحضير

وبدات بمسك صديقاتي واعطي فيهم النصايح

لاتعطون البنات وجهه لاقالت بروح الحمام قولي مافي <<برا

لاتسولفون معهم طنشوهم <<حشى موب ادميات <<<لاتصدقون خافت هع

وثم بدانا التطبيق استنو التذكر اول يوم كيف كان<< :angry2:

ايــه تذكرت على ما اظن رحت مواصله <<امحق معلمة وتبي تكون قدوه هههه
ويوم وصلت المدرسه والا الرجول تصافق والعلوم راحت
لقيت صديقاتي حسيت اني لاقيه اهلي<<ليش مضيعتهم

ارتحت شوي وثمن رحنا الغرفه الخاصه فينا واحنا نبي قهوه طاقتن كبودنا نشم الريحه وماشفنا شي

رحنا نحضر *** من اولها ويوم رجعنا لغرفتنا الا نلقى ذيك الدله والحلى ياااه يوم شفناها كانا اول مره نشوفها

ونجلس ونتربع وتزين العلوم مع القهوه ونشفطها المهم يوم خلصنا الا يجون بنات معانا يطبقون بس تخصص ثاني ولسى ماتعرفنا عليهم
المهم الا عيونهم مبققه فينا قالو خلصتو قهوتنا <<ابد فيساتنا ماطاحت

قلنا اجل قهوتكم
قالو ايه معلمتنا مضيفتنا وارسلتها الغرفه
قلنا اجل مو من نصيبكم

قالو اجل سولنا بكره الله لايهينكم
قلنا ابشرو ازهلوها بس <<ولا شافوها هههه

ومرت كم يوم قبل يجينا الضغط النفسي والانفسي

وصديقاتي يروحون ل حصص انتظار وقالولي لاخلصتي الحقينا <<مذكر اش كان عندي

والحقهم الا هم داخل الفصل متربعين والبنات حولهم لالا شنو ذا وين ذيك النصايح قالو ادخلي بس وتونسي

قلت انا عارفه اني بخربها بس دامي اني مو مطبقه عندهم بخربها
ودخلت الفصل وكنت حليلي هاديه ومبتسمه<<الا الخوف برا

وصديقاتي يسولفون والبنات ماقصرن ثم قالت وحده من البنات كلمه زعلن صحباتي ماشفت الاعرض كتافهن طلعن وخلني :(
يابنات علامكن الله يهديكن كنت بلحقهن بس البنات يلفن حولي ويسكرن الباب<<جاك الموت ياتارك الصلاه ثمن اصيح الحقوني النجده الحقني ياحليب السعوديه <<وين دعايه بالقناه الاولى

ثم اصيح مو اصيح ابكي لا اصيح اضحك<<من الخوف لاتلومنني
ثمن يطلقون صراحي ويفتحون الباب والقى صويحباتي واقفات برا لا يالهيسه يوم تطلعون وتخلوني يالي ويالي

وثمن يوم رجعت البيت ماجاني نوم مغير افكر بالي صار <<اص الي يسمعني يقول اني انخطفت

ومن اليوم الثاني ماداومت تدرون ليش







التهب حلقي <<من مناداة حليب السعوديه الرخمه ماجاني يقول راحت علي نومه

وبعدها قررت اني اعاملهم كانهم خواتي لو تناديني وحده باسمي عاااادي لاني بروح واخليها اهم شي يكون تكلمني باحترام وخلاص <<ماش عرق النصيحه فيني كح
ومرررت ايام التطبيق بسلام مابغت

وكرهت التطبيق والتدريس وكله


وماتدرون اني قدمت على جداره <<لاحد من المسؤلين يشوف السالفه ثم يحذفني ههههه

وخلصت الجامعه على خير ولله الحمد والمنه

مايستفاد ..

ابي اي وحده لو تكرمتو تذكر لنا موقف من مواقفها ايام التطبيق او موقف لها مع معلمه تطبيق بس بحدود الادب

وشرايكم يفيني يوم صرت فله احسن من الشديده صح <<وراك ماترقدين احسن


والسلام خير ختام


:26: