عن تجربة شخصيه سر سعادتي وراحة بالي

بسم الله الرحمن الرحيم

السلام عليكم ورحمة الله وبركاته

شلونكم حبايبي شخباركم؟

أدري الموضوع طويل شوي بس وربي أنا شخصيا أستفدت منه
وحبيت افيدكم عسى الله ان شاء الله يكتب لكم الفايده منه ودعواتكم لاتنسوني وربي يحقق

الي فبال كل وحده منكم ويسخر لها زوجها امين يارب العالمين



نبدا



أول شي الراحه كلمة نسمع فيها فقط اما والله يا بنات مافي احد مرتاح بحياته ياهموم يا مشاكل صغيره او كبيره تفكير وخوف وغيره وغيره صح كلامي ولا لاء


من فينا ما تعاني من ظلم زوجها لها؟

تقصير زوجها من مصروف حقوق زوجيه طلعات جيات تربية العيال وغيره؟

من فينا ماتعاني من الخيانه؟

من فينا ما زعلت اكثر من مره وكل مره يوعدها يتحسن ويرجع لعادته القديمه؟

من فينا ماخلت طريقة بالمنتدى الا وجربتها على زوجها ومافي فايده؟

من فينا ماكتبت مشكلتها بالمنتدى وتبي حل ؟

وساعات تلقى حل وساعات لا؟


من فينا ما اسهرت الليالي على مواضيع تتعلم او تتثقف علشان ترضي زوجها وتكسبه؟

خلونا من الاسئله

نشوف اصناف الزوجات اللحين


الزوجه أ

رضا الزوج وكسب الزوج عمره ماكان بالقوه

تجي وحده وتقول والله الزوج ما يجي الا بالعين الحمرا ؟؟

ولا تنصح بعد صديقاتها هههه ومفتخره بعضلاتها

وتعطيه من هالجلسات صبح وليل صراخ وهواش ونقاش حاد الله المستعان

ماتعرف تكلمه بشويش ولا ساعات تفشله قدام اهله او اهلها

وبالاخير

لاهي طايقته ولا هو طايقها والعيشة صايره كرتون توم اند جيري

بس يدرون الزله على بعض علشان تشتغل الحرب



نشوف الزوجه ب

شحليلها على نياتها ومو مقصره مع زوجها بشي وزوجها الحبيب شغال خيانه من وراها

تكتشفه بالصدفه يخونها بس طيبه واعلي صااااااااابره وكل ليله تبكي دموعها ماتفارقها

ولا خلت منتدى من المنتديات ماحطت ولا دروت فيه على حل عل وعسى تقدر تواجهه

بعد فترة توقف قدام المرايه ياللهول منهي ذي؟

تصفع نفسها كف تتاكد انها هي او لا وانتي ناقصه علشان تصفعين نفسك

تلاقون تحت عينها هالات سودا من السهر والتفكير

شاحبه

ضعيفه

كرهت نفسها

عينها ماتفارق جوال زوجها اللحين راح تتصل ولا راح يتصل الها

يجيه مسج من مين ماكان وهي تقول بخاطرها اكيد من وحده

وكل مره تذكر نفسها بمصيبتها وتقعد تبكي



نشوف الزوجه ج


يعاملها معامله زينه بس مقصر عليها بالمصروف ولاء القهر يقولها ماعندي فلوس

وهو اي شي يبيه جابه لنفسه يعني فلوس لنفسه في ولزوجته او عيالها مافي

وماتبي تذل نفسها تلاقونها كل شهر ماخذه من اهلها ولا تبيع بذهبها الله المستعان

ولا ساعات اذا تكون موظفه خلاص غاسل ايده منها ويمكن يتجرأ مرات على راتبها وياخذ او

يستغلها



نشوف الزوجه د

مو مخليه افكار فالنت ما طبقتها على زوجها لاخلت ليالي حمرا ولا سودا كل الالوان هههه

جربتها وبالاخير تجي تبكي اااااااه يالقهر

زوجي جواله كله مقاطع بنات وافلام خليعه

وساعات على النت مو مخلي يوتيوب ولا غيره ما يفر فيه

ولالالالاء ساعات بالمسن ولا الشات يكلم بهالبنات ولا مفتكر بزوجته ولا مقدر الي تسويه له


الزوجه الاخيره

عادي هذي مادري شلون متحمله

الزوج 24 ساعه برا البيت

حقوق زوجيه مافي زواج بالاسم على ما يقولون

لا يصلي ولا يخاف ربه على شنو مسلم مادري

بعد فتره تكتشف زوجها يمارس اشياء حرام عاده سريه ولا يروح لبنات

كانها خدامه بالبيت او اخته حق طبخ وكنس وبس


وغيره وغيره من الاصناف الثانيه الي زوجها يضربها ولا الي زوجها يهينها والي متزوج عليها والي يشرب خمر والعياذ بالله والي يدخن والي يتعاطى مخدرات والي اهل زوجها ناشبين لها ببلعومها ومشاكل مالها اول ما لها اخر يالله تكفينا شر البلاوي والي والي والي يالله ماراح نخلص اليوم لو قعدنا نحط قصص
ماراح نقلب المواجع اكثر خلوها على ربكم



خواتي الغاليات الي ابي اقوله لكم اللحين

انه مافي انسان كامل الا الله سبحانه وتعالى

انتي مو متزوجه ملاك انتي متزوجه انسان حاله حالك

اذا هو يغلط اكيد انتي تغلطين بغض النظر عن نوع الغلط وحجمه

الحياه للحين بخير عيشي حيانك طبيعي لاتعطينه اكثر من حجمه قومي بواجبك بس

لاتخلين حياتك هالزوج وبس ولامنكد عليك العيشه

يا هو يا اهله امه او خواته او اخوانه

كل ماصارت لك مشكله رحتي تشكينه لاهله او لاهك لصديقاتك او بالمنتدى

وتقعدين بالساعات ها بالساعات على الموضوع تنطرين رد من الاعضاء

ولا بعض البنات ربي يهديهم اذا ما احد رد عليها بتطلع كل الي فيها برد ثاني ههههه الله المستعان




ونسيناااااااااااااااااااااا نحن قاعدين نشكي لمن؟؟؟؟؟؟؟

نسينااااااااااااااااااااااا ربنااااااااااااااااااااااااااااااااا ورحنا للنااااااااااااااااس

منو الاقرب لك ربك ولا الناس؟؟؟

من الي بيده كل شي من الي يقدر يبدل الحال الى حال


من الي ما يخفى عليه شي


من الي عارف بحالك


الناس راح تشوف مشكلتك ويمكن يرحمون حالك يدعولك و يعطونك حل يمكن ينفعك ويمكن لا

غير كذا مو بيدهم شي


كلن له همه يا قلبي انتي مهمومه وتشكين لناس مهمومين وشنو الفايده

راح تفضفضين وترتاحين ساعه او كم ساعه وراح يرجعلك الهم من جديد صح






قسم بالله يا بنات مافي شي بيخليك مرتاحه الا اذا تقربتي من ربك

راح تقولون اشفيها هذي تنصح والبعض ماراح يعجبهم الكلام بس والله انا مو خسرانه لاني بنفسي جربت وحبيت افيدك جربي وشوفي


مافي شي صعب على ربك

الله اذا يبي شي كن فيكون وصار الشي

سبحان الله شوفي انتي عادي تقعدين بالساعات عالمنتدى من موضوع لموضوع

من قصه لقصه

ساعات تقضينها وانتي ترتبين حق ليالي حمرا وحفلات وافلام وطلعات وسوق




ومستخسره بنفسك ساعه بس تقرين فيها قران بنية ربي يفرجها عليك ويحقق لك تبينه


قاعده تعصين ربك بالاغاني وغيرها وعايشه حياتك طبيعي والله منعم عليك بنعم غيرك مو

محصل ربعها

وفوق هذا متذمره من عيشتك مو عاجبك شي

وين كلمة الحمد الله

بدال ماتشكرين ربك قاعده وتقارنين نفسك بالناس

فلانه عندها وانا ماعندي

فلانه زوجها جابلها مادري شنو وانا زوجي ماقول الا مالت على حظي ؟؟؟؟؟


كانه مافي شي بالدنيا الا هالزوج

الا هالناس

الا الهدايا

السفر

الا مادري وشو!!!!!!


كيف تبين تصيرين انسانه سعيده وانتي بهالحال؟؟؟؟؟؟؟؟؟؟؟؟؟؟؟؟

كيف تبين بالك يرتاح وانتي الف شغله وشغله براسك؟؟؟؟؟؟؟؟؟؟؟

اذا ما ارضيتي ربك شلون بتكونين راضيه على نفسك؟؟؟؟؟؟؟؟؟

ربك اولى من زوجج ومن كل النااااااااس هذا ربنااااااااااا

تبين الحل

خلاص خلي زوجك على جنب يخون مايخون

يروح بالحرام وغيره خليييييه لاتعورين راسك

ترا الانسان ماراح يعيش الا مره انسي الهموم

نحن الله انعم علينا نعم كثيره واهمها الصبر المره تصبر اكثر من الرجل

اصبري واحتسبي الاجر عند الله

يقول الله تبارك وتعالى( استعينوا بالصبر والصلاة)

الله اذا احب عبدا ابتلاه

شوفي بلاوينا هالزمن وقارنيها شوفي الرسل شوفي سيد الخلق محمد عليه الصلاة والسلام

شوفي الانبياء موسى ويوسف وعيسى شلون عانوا شلون واجهوا من صعوبات وسبحان الله

الله معاهم وفرجها عليهم بالاخير


وانتي شنو صعوباتك الزواج والزوج؟


أحسني ضنك بربك اتركي عنك الناس حتى لو صديقتك قريبه منك ربك اقرب لك منها ومن غيرها
ليش ماتلجأين لربك

خلي املك بالله كبير

قولي الحمد الله دايما ردديها على لسانك حتى لو ماعندك شي حتى لو كنتي باسوء حال

الحمد الله فقط خلك راضيه وقنوعه لاتعترضين على الي الله كتبه لك وينقلب حالك بعدين

يقول الله تبارك وتعالى

{ فاذكروني أذكركم واشكرولي ولا تكفرون }

حافظي على الاذكار والادعيه

استفيدي من وقتك

سبحان الله

يقول تعالى:
(ألا بذكر الله تطمئن القلوب)

وبالفعل راحه نفسيه تحسين نفسك مثل الريشه


ما تحسر أهل الجنه على شيء كما تحسروا على ساعة لم يذكروا أسم الله

وان شاء الله كلنا من اهل الجنه


الصلالالالالالالالالالالالالاه الا الصلاه صلة العبد بربه لاتفوتين ولافرض حافظي عليها


الصبر الصبرررررررررررررررررررررررررررررر ان الله مع الصابرين

يقول الله تعالى

(والله يحب الصابرين)

الصبر مفتاح الفرج خلك صبوره وقويه

القمر الي هو قمر ما يكتمل بيوم وليله

وانتي تبين كل شيء بسرعه البرق واذا ماتغير الحال رجعتي لموال التذمر

وسديتي البيبان بوجهك وخلاص يأست اختنا فالله

لايأس مع الحياه ولا حياة مع اليأس

الانسان يحاول مو من مره

شوفي العلماء قبل كم محاولة بس سووها علشان تنجح جربة بس!! ماقالوا خلاص


وأهم سرررررررررر بموضوعنا


سورة البقره

سبحان الله والله هالسورة لها سحر مايعرفه الا الي جرب وقرا سورة البقره

والله يا بنات ماتاخذ من وقت الا ساعه الا سااااااااااااااااااعه بس

اقريها كل يوم وشوفي الفررررررررررررررررررررررررررق

اقريها بنية الله يهدي زوجك ويسخره لك ويرزقك باليتبينه

على كل اذان بين الاذان والاقامه ادعيييييييييييييي ربك يارب اهدي زوجي وسخره لي

واذا ماعندك عيال وتبين الله يرزقك

ربي لاتذرني فردا وانت خير الوارثين

عودي نفسسك

رطبي لسانج بذكر الله والدعاء لزوجك ولك

موكله تدعين عليه وبس وتتحسبين

.......


اللهم يا مسهل الشديد

ويا ملين الحديد

ويا منجز الوعيد

ويا من هو كل يوم في امر جديد

اخرجني من حلق الضيق الى اوسع الطريق

بك ادفع ما لا اطيق

ولا حول ولاقوة الا بالله العلي العظيم

الله يفرج همي وهمومكم يارب العالمين


.......

وهذا دعاء الرزق

اللهم ان كان رزقي في السماء فأنزله

وان كان رزقي فالارض فأخرجه

وإن كان قريباً فيسره

وإن كان بعيدا فقربه

وإن كان قليلاً فكثره

وإن كان كثيراً فبارك لي فيه

.......

الحمد الله كما ينبغي لجلال وجهه العظيم وسلطانه
الحمد لله حتى ترضى
والحمدلله اذا رضيت
والحمدلله بعد الرضى

......

خلاصة الموضوع

ابدي مع نفسك صفحه جديده
خلك من الزوج وهموم الدنيا الي ماتخلص

حافظي على صلاتك
اقري سورة البقره كل يوم خصصي لها ساعه
اقري الاذكار
واحسني ظنك برب العالمين
كل ماضقتي حطي سجادتك صلي لك ركعتين
واشكي همومك لربك وانتي ساجده
لاتقومين من سجودك الا وانتي مطلعه الي بخاطرك كله لاتشكين لفلانه وعلانه الناس لو بيدهم شي كان ماجتهم هموم من الاساس



وادعي لزوجك كل يوم
واكثري من الاستغفار
وتصدقي
صدقيني منتي بخسرانه شي




والله يا بنات لا تفقدين الامل لا تقولين زوجي مامنه فايده خليه على معاصيه وقولي ان شاء الله ربي بيغير حاله خلي عندك امل انه راح يتغير بس لاتفقدين هذا الامل



اصبري وتوكلي على ربك

ياما ناس الله هداهم

وهذا انا زوجي كيف كان وكيف صار بفضل الله وبفضل القران الله والادعيه


الحمدالله لك يارب

والله يهدينا ويهدي الجميع ان شاء الله

منقول لعيونكم الحلـــــــوه ودعــــواتـــــكم لـــي