الطفولة هي أجمل المراحل التي يمر بها الانسان
ويتمنى الواحد منا احيانا أن يعود به الزمن ليرجع طفلا بريئا مرة اخرى
بس هالكلام ما ينطبق عالكل في ناس ما أتخيلهم صغار أبدا
المهم نرجع لموضوعنا
وتفكير الطفال مثل ما نعرف على قدهم
وخيالهم سبحان الله واااااااااااااااااسع ..أوسع عن البحر
ومخهم انظف منا وطموحاتهم غريبة عجيبة
لكن غالبا لبساطة معرفتهم وبراءتهم الصادقة يتصرفون بعفوية تجعلهم يقعون في مواقف طريفة وظريفة
فشو رايكم كل واحد منكم يخبرنا عن طموحاته يوم كان صغير ؟؟؟؟
أذكر مرة كنت ياسة مع عيال إختي
3بنات ووولد
اكبر وحدة هدى صف خامس
والثانية عواش صف ثاني
والثالثة جواهر صف أول
والأخير غانم في الروضة
سألتهم شو تتمنون تكونون يوم بتكبرون
وبدوا عاد يتمنون احليلهم ويتخيلون
هدى قالت أتمنى أستوي معلمة
وعواش قالت أتمنى بعد أستوي معلمة
وجواهر بعد لكن حددت شوي
تبا تستوي معلمة رياضة مادري ليش
أما غانم وكانت اجابته هي الاجابة الفتاكة والمميزة
قال بكل ثقة أبغي خالو
أبغي أستوي معلمة
ويودت عمري بس مارمت لنه خواته ضحكوا عليه
فيلست أفهمه
أنه ولد يعني ريال ما يستوي يصير معلمة الحرمة هي اللي تستوي معلمة
والحمدلله قدرت أقنعه انه يكون أستاذ مب معلمة
وش هالطموح اللي عند الولد معلمة مررره وحده
كان قال طالبة اهوووون >>>> فاهمة غلط
يسلموووووو عيوني
والله يخليهم لكم ويحقق الله طموحه ويطلع معلم اد الدنيا