(( عيدنــــــــــا مع طراطيعنـــــــا احلـــــــــى واحلـــــــــى ))

أغـيـب بس إني على العهد باقي ... يردنـــي شــوقـــن على الــــود لازال
ماغيركم يا صـــاح لـلعين لاقــي ... لكـــم بالمحبه في لجا الــروح منزال
هـاكم العهد مني ليـوم التلاقـــي ... ما أنسى غلاكم لوالزمن بيننا طــال

مسيكــــــــــم بالخيـــــــــر يالغاليـــــــــــات ،،،،،

ووش أخباركــــــــم مع العيـــــــــد ؟؟ وكيف قضيتــــــــوه ؟؟

بالنسبـــــــــــه لي فـ عيدنا السنه هذي ما يختلف عن السنوات اللي قبله ليلة العيد

أقضيها في المشغل عاد تعالوا شوفوا امة محمد كلها فيه اللي تقص واللي تصبغ واللي تستشور

الحين ماتذكرون تقصون شوشكم وتهبطونها الا ليلة العيد << قولي علمي نفسك :23:

عاد الله لا يوريكم ماغير نمشي في المشغل على شعر تقولون خرفان وصالخين شعورها :o

>> شكلها بينلعن خامسها بعد هالجمله

وبعد القص والتزيين نرجع للبيت نجهز خلاقينا اللي بنكشخ فيها ونسوي لنا اي صنف من

اصناف الطعام << تراها تطورت بعد الغيبه وقامت تحتسي عربي لا ياشيخه اجل كنت اول تحتسين هندي

ثمن عاد نبداء نلبس ونستعد للإجتماع مع الاقارب << قايله لكم تراني تطورت :23:

وكل وحده شايلتن طبختها معها وبعد السلام والقهوه نمد سفرة الفطورونحط الطبخات اللي جبناها

وعينكم ما تشوف الا النور تقول جايين بس علشان نأكل :42:عاد السنه هذي الأكل كان

قليل بعض الحريم ماجابوا معهم شيء شكلهم كانوا مسنترين في المطبخ في رمضان لين

اندبلت كبودهم من الطبخ .........!!!!!!

ثمن ما امدانا نرفع يدينا من السفره الا ينادي ابو الشباب علينا يالله بنروح نخمد مواصلين

<< شكلكم تبوني اكمل لكم لكن معصي كخخخخخخخخخخ

وفي المغرب نقوم نلبس ونستعد للروحه للعشاء ونقابل نفس الوجيه اللي شفناها الصبح

واليوم الثاني والثالث كله نوم وبعد المغرب نستعد للعشاء يعني اعيادنا كلها طفح X طفح

لا وبعد كل يوم نفس الخشش وكل يوم امشيء وسلمي كأنك اول مره تشوفينهم لين خدي ورم

من كثر السلام .........

يازين ايام اول وزين عيدها كنا من جد نحس بطعم العيد مهب الحين نلبس ونروح من غير نفس

لا وبعد اللي بتقابلينهم كل وحده ماده البوز شبرين واذا سألتيها قالت فيني نوم مرهقه مانمت

زين في رمضان !!!!!!!!!!

احس ما فرح بهالعيد الا البزران يفرحون بملابسهم الجديده وبالفلوس اللي تجيهم وبهالطراطيع

اللي يشبونها في السطح << ودها تطرطع معهم بس مستحيه :o

تصدقون شاريه لبناتي طراطيع كثيره اشكال والوان والى الان ماعطيتهم اياها استنى الفرصه

اللي يفضى لي الجو فيها واطرطعها لحالي << الأخت تحلم بالطفوله وودها ترجعها بالغصب

لا وبعد لازم نلف في اليوم الاول نعايد اللي شفناهم واجتمعنا معهم على الفطور يعني الوحده

ما امداها تروح بيتها الا الثانيه جايتها وتسلم عليها مره ثانيه وتعايدها وكأنهم يلعبون حريم

<< مندبله كبدها من السلام شكلها بتقعد سنه وهي ماسلمت على احد وما بيروح فيها الا ابو شبابها كخخخخخخخخ ترى ممنوع العزابيات يقرونه وش عقبه انتي ووجهك :23:

وبعدين فيه شغله ودي اعرف سبب لها ليش المحلات مقفله والشوارع مهجوره ايام العيد

وكأن الناس هاجروا يعني سبحان الله ليلة العيد تحلفون ان محد قاعد في بيته المشاغل

مليانه والاسواق بتنفقع والحلاقين واقفين على الرصيف يحلقون من كثر الزباين << ابو النصب

وبعد كم ساعه يطلع الصبح تلقين العالم مختفيه والشوارع خاليه وش السبب ؟؟ تراها تسأل نفسها << ابوووووو التصريف اللي تعرفينه

وقسسسسسسسسم بالله شيء يجيب الكآبه الشرهه علي اللي اترك العيد بباريس واعيد في السعوديه << ماحصل لها السفر للخارج وجالسه تهوجس فيه :32:

بعد ذا المقدمه الطووووويله اليكــــــم الزبــــــــده من الموضووووووع ...

<< شكلكم تقولون كان من اول جبتي الزبده وريحتينا

كيف مر عليك العيــــــــــــد ؟؟ وهل أنتي راضيه عن شكلك ولبسك فيــــــــــه ؟؟

ووش أحسن عندك العيـــــــــد الحين والا عيد أيام زمـــــــــان ؟؟

والعذر والسموحــــــــــه على الإطالـــــــــه << ابشركم صرت مؤدبه بعد :o