هذي طريقتي بعيش باللحم واتمنى تعجبكم
المقادير:
2 كاس دقيق منخوله
1 ملعقه صغيره حبه البركه
1 ملعقه صغيره ملح
2 ملعقه صغيره سكر
1 ملعقه كبيره خميره
ثلاث ارباع فنجان شاي زيت
فنجان قهوه حليب بودره
ربع ملعقه صغيره باكنج بودر
تعجنينها بمويه وتخلينها تخمر بمكان دافئ
وبعد ماتخمر تجيبين صينيه تدهنينها زيت وتدهنين الأطراف كمان وترشينها دقيق وحتى الأطراف ترشينها عشان ماتلصق العجينه
وبعد كذا تفردين العجينه بالصينيه وتغطين الأطراف كمان
الحشوه:
لحمه مفرومه
بصل اخضر
ماجي
فلفل اسود
تكشنين البصل بشويه زيت شويه شويه مرره عشان اللحمه راح تطلع زيت لاتكثرين الزيت على البصل وبعد كذا حطي اللحمه والماجي والفلفل الأسود ولما يستوي ارفعيه من النار وسوي خلطة طحينه
الطحينه:
ملعقتين طحينه سايله
عصير نص ليمونه
ملعقتين زبادي
شوية ملح
فلفل ابيض
تخلطين الطحينه والليمون وبعد كذا تحطين باقي المقادير وتخلطينها كويس وتصبينها فوق اللحمه وتحركينها كويس وتحطينها فوق العجينه وتواسينها وبعد كذا اخفقي بيضه وحده وحطيها فوق اللحمه والأطراف ودخليها الفرن
صحه وعافيه على قلوبكم
اخليكم مع الصور
ولاتنسوني من الدعاء
