%%% غبت شهر بس مو هنا السالفة %%%

بسم الله الرحمن الرحيم
هلا بخويات عمري ورفيقات دربي هلا ومسهلا كيف الأحواال ان شاء الله انكم بخير عسا الشهر اللي غبته ما تغير في اشكالكم شيء <<< على اساس انها تعرفكم :42:
..............................................................
بنات سافرت بعد ما طلعت روحي ....... المهم يعني حظي ابو النحاسه ولا انحس حظ في الكره الارضيه الا في درب التبانه كلها المهم كنا مقررين انا نسافر ل(أبها) طبعا فيه بعض من الاهل هناك <<< تعلمكم انها جنوبيه << والنعم بعدين اليوم اللي قبله قلت بروح افصل مريول المدرسه عند اخيس مشغل بس خياطته حلوه قلت خليني اخيطه عشان بعدين ما يمديني ارجع واخيط المهم رحت لفيت عباية الراس علي وتغطيت وناطه من غرفتي الا لقيت نفسي وسط السيارة هخهخهخهخه << لا تصدقون بعدين وصلنا والله لا يوريكم ايش سار انا ما صدقت وصلنا للمشغل الا وافتح باب السيارة وعباية الراس طايره تقولون زورو:25: يعني عشان تعرفون عفاشتي واجري للباب قدام بابهم ثلاث درجات انا من الذكاء اللي يقطع بعضه قلت اختصر المسافه يعني ما ادعس كل الدرجات يعني انط نطه وحده منهم كلهم <<< تراني متأثره بسباق الحواجز حق الاحصنه خهخهخههخه بعدين ما لقيت نفسي الا على وجهي بس ما ادري كيف مو وجهي اللي تاثر لا رجولي ما ادري ايش سار فيها الى الآن انلوت مدري انلفت المهم انها تعفست الاصابع سارت ورى وبطن الرجول سار فوق ما ادري كيف سار
انا سويت الوضع طبيعي والحمد لله انه ابوي ما شافني وادخل ونقول للخياطه نبغى نسوي مريول مدرسه تقول الواحد بميه قلت في نفسي ايش هالإفتراء تونا كلمناها قبل كم يوم تقول الواحد بتسعين وفي خصم امي قالتها لا راعينا ومن هالكلام بعدين انا تذكرت رجولي قلت بلف رجولي يعني بسويلها بعض التمارين اللي يمكن تساعد شويه الا بس سويت هالحركة تعالوا شوفوا الالم رحت جلست على احد الكنبات وقعدت ابكي ابكي وهم يقولون اشفي ماما علمتهم بعدين راحوا خصمولي عشرة ريال خلوه تسعين مو ميه <<< شكلهم كحته على الاخير ....
المهم اني الى الآن وهي توجعني وما رحت عند دكتور ولا شيء لانه السفره كانت اليوم الثاني وانا ابكي واقول لماما كيف بسافر ورجولي كذا بعدين صحيت اليوم الثاني الا الوجع يعني مو زي امس خف شوي بس مع ذلك لسا مؤلم المهم اخذنا عفشنا وقاعدين في البيت نستنا سواق صديق ابوي لانه سيارتنا شحنناها والسيارة الثانيه الصغيرة خربانه في الورشه << شفتوا الحظ اهيييء اهيييء وكنا نستنا السواق الثاني وسيارة اجرة المهم بعد ما انتظرنا ساعة قضيناها في اوووووووووف وبكاااااء وصراخ والبعض في احلامه الورديه يفكر في الملابس والتسريحات والمكياج اللتي ستفعلها في هذه السفرة التعـــــــــــــــــــــيسة :44:<<< طبعا هذه انا انا واحلامي :32: بعدين ركبنا السياره وانا في الشرقيه وتعرفون المطااااااااار حقنا بعيد جدااااا يبعد ساعة عن منزلنا والمطار في مكان منقطع كليا ونمشي بالسيارة لين ما وصلنا طبعا والابتسامه من الفرحه مشققة وجيهنا :42: وكان الاقلاع راح يكون الساعة10 واحنا هناك من 8 مدري 9 ونستن شويه الا ابوي يجي ويقول تأخرت الطائرة وسار الاقلاع 2 بعد نص الليل قلت ياحبيبي اجل متى نوصل هناك 5 الفجر وسرت اتأفف وخلاص شوي واروح اضارب حقين المطار ما ادري ايش يسمونهم والحريم يطالعون فيني بعدين تنقلنا من محل لمحل آخر في المطار عشان ال6 ساعات اللي ننتظرها تنتهي بسرعه وانا رجولي تعرفون ملويه وبيتنا بعيد قلنالهم نبغى فندق قريب قالوا اقرب فندق في الظهران قلنا احنا بيتنا في الظهران والطريق بعيد لا نستطيـــــــــــــــــــــــــــــــــــــــــــع الا الانتظار :( وقعدنا انتظرنا لين الساعه1 وطبعا اهلنا اللي في أبها ما زالو ينتظرونا فقررنا انا وامي انا نروح المصلى بعدين وصلنا المصلى الا الحريم ممدين رجولهم وهات سوالف وقمنا انا وامي مددنا رجولنا ونسمع هالحكي وتبادلنا اطراف الحديث طبعا الا ابوي يقول يالله بتقلع الطيارة وانا قلبي بطير من الفرحه هذاك الوقت كانت الساعة 2 زي ما قالوا ورحنا انتظرنا في محل كله رجال الا الطيارة اللي كانت في ابها وجت عشان نركبها مليانه ركاب من الساعة 2 الا3 الا ربع والركاب ينزلون منها ما شاء الله كل شوي اقول هذا اخر واحد الا يطلع فوج من الناس بعده اموت واعرف فين كانوا جالسين فوق بعض والا حاطينهم في قسم الحقائب واخيـــــــــــــــــــــــــــــــــــــــــــــــــــــــــــــــــــــــــــــــــرا ركبنااااااااااااااااااااااا هيــــــــــــــــــــــه هيـــــــــــــــــــــــه ههه هيــــــــــــــــــــــه <<< ما بقي الا اهلا اهلا بالعيد بس ما تصلح مع القصه :11: جلست بانتظااار الاكل جيعااانه بعدين ايش جابولنا تتوقعون العشا كان مويه وخبزة صغيره دائرة باااارده مره وداخلها قطعتين جبن تقولون سيراميك مجمده على الاخير الحمد لله على النعمه اكلت انا واخوي وما قدرنا نكمل وامي بس طعمتها وقالت الحمد لله واخواني الثانين وابوي ما ادري عنهم اللي وراي واللي في المقاعد اللي جنبنا بس انا وأخوي الكبير اللي كان جالس جنب بعض قاعدين نفكر في الارهابييين اللي شفناهم في المطار والله ما اكذب عليكم حتا لما دخلوا هذولا الشخصين المطار في الانتظار وجلسوا جنبنا كل الناس يطالعون في تصرفاتهم الغريبه كأنهم ارهابييين وانا اقول لاخوي ما اقدر اغمض عيني يقولي حتا انا منهم قلت يالله ما جوا قال استني بعد شويه يجون واراح الوقت وانا انتظر محد جا المهم قلت يووووه باقي ساعة الا ربع ونوصل الا يعلن عن الهبوط انا استغربت وقلت الله يا آلاء الحظ الحلو انفتحت ابوابه مافي ارهابين يعني وصلتي بالسلامه ونزلنا وركبنا السيارة طبعا اولاد عمتي كانوا يستنونا في المطار وبعدين ركبنا ووصلنا على اذان الفجر طبعا المهم تقهوينا في الفجر تخيلوا وصلينا بعدين حطولنا الذبيحة تخيلوا مساكين كانو مجهزينها لنا عشا بعين سارت فطور خخخخخخخخخخ وانا اكلت وبعدين مرت الايام المفرحه في أبها مع بنات عمتي والتماشي في السوده والحبلة والمنتزهات والمطاعم الله ايام لا تنسى وكنا نسهر مع بعض وفجئة قاعدين نتغدى الا تتصل صديقة امي تقول انه الدوام يوم السبت وكان ذاك اليوم يوم ثلاثاء واحنا ما كملنا اسبوع هناك وكان في بالنا نعتمر ونروح ديرتنا ونروح جده ايش ذا النكد لا لا خلاص البيت ذاك اليوم سار كله نكد في نكد وابوي يقول خلاص نمشي انا اقول لماما عادي غيبي ماما تقول لا ما اقدر وندور حجوزات ما لقينا قال ابوي ناخذها بر للشرقيه انا صحت لالالالالالالالالالالالالالالالالالالالالالالا للبر وخلاص سهرت ذاك اليوم مع بنت عمتي وعطيتها ورقه فيها كلام محزن وانا من قبل ما نسافرلأبها كنت كاتبه شعر عن ابها كتبته لها ورشيت عطر في الورقه عشان تتذكرني وحتا هي سوت لي كذا راح اكتب الشعر وعلى فكره انا اللي الفته بس ان شاء الله يعجبكم وهو ::
في خيالي أمطار ورعد وبرق تبعد حارقة الأجساد .
وفي قلبي هموم وضيم ما يشيلها إلا الضباب .
وفي عيوني لهفة لشوف الأحباب بعد صبر نفذ في الحساب .
وفي حياتي حاجة لأهل ٍ تاخذني عن قريبي الأحقاد .
يضموني بين حنان وعطف تبكيني وقت الفراق .
يا ناس وين القى ذا كله في دنيا الظلم والخناق .
.*.*.*.* في أبها وديرتي بلاد الجنوب عشيرتي *.*.*.*.
.................................................................................................................
ها شرايكم في الشعر حقي ؟؟؟؟؟؟؟ ........وبعد ما فارقناهم رحنا الديرة طبعا بر ولكن للأسف لم أقابل بنات خالاتي ولم نبقى هناك سوى يومين عند عمي وبناته العسل وعلى فكرة امي كانت ماخذه دوام السبت والاحد اطراري يعني غابته عشان بر والطريق طويل بعدين حركنا من الديره وصلنا الطايف بر قالت امي نزهم عمي اللي في جده عشان يقابلنا لانا ما راح نقدر نمر جده اتصل ابوي على عمي عشان يقوله قام عمي اقنع ابوي انا نجيهم وانه امي تغيب الاثنين والثلاثاء عادي يعني طز في المدرسه هخهخخهخه امي قالت يالله ايش نسوي اصلا راح اغيب راح اغيب لانا متأخرين وما راح نوصل بدري قام ابوي سبحان الله قال يالله نعتمر ونروح جده لانه ابوي من النوع اللي فجأة يغير قراره ابوي اشترا احرامات وانا ادور على غطوتي حست الدنيا ما لقيتها عشان تعرفون ما يجوز في الحرم نقاب وانا طبعا ما افتح فتحة النقاب لا احط الغطا اللي فوقه بس امي قالتلي انه ابدا ما يصلح في الحرم المهم حست الدنيا ما لقيت قالت امي غطي بالطرحه قلت خلاص يالله احرمنا من الميقات اللي في الطايف بعدين وصلنا مكه وفاتتنا صلاة المغرب في الحرم وندور محل لين ربي فرجها علينا والقينا ونزلنا نوضي في الحمامات اللي برى لقيت من كل الجنسيات وبعضهم يطالعون و يبتسمون وانا ودي ابتسم بس اخاف اني اعطيهم وجه وانا بصراحه خايفه خصوصا في ناس تعرفون غريبين وامي كانت في الحمام اكرمكم الله وهي تقولي انتبهي لأخواتك الصغار وان ماسكتهم بقوة طبعت اصابعي في ايدينهم عصرتها عصر من كثر الخوف مساكين هم يبكون لاني كسرت ايدهم وانا ارتجف خوف بعدين طلعنا من الحمامات وقبل ما ندخل الحرم نستنا ابوي واخواني وندور والله فكرنا انا ضعنا في الأخير كانوا يستنونا عند باب حمامات النساء واحنا مشينا وهم ما انتبهوا انا طلعنا ................ بعدين بعد التقاء الشمل دخلنا الحرم بسرعة قبل ما يأذن العشاء وطبعا حطينا الزنوبات برا كان ودنا نحطة في كيس بس ما القينا كيس تعرفون ما كنا مجهزين بس كان فيه كيس حقنا صغير حط ابوي حذيانه وحذيان اخوي الكبير وجزمت اختي الصغيره وبعدين دخلنا وندخل المحل اللي يصلون فيه النساء وتعرفون ما في الا مراوح يعني مافي مكيفات وانا من النوع اللي يحتر بسرعة خصوصا انه زحمة ما في محلات واحس اني مغرقه مويه من الحرو رطوبه وبعدين صلينا واطلعنا راحنا طفنا وسعينا وتعرفون رجولي المعفوسه عاد ما ادري كيف استحملت بس كله يهون عشان العمرة وخلصنا طلعنا الساعة يمكن 11 الليل واروح ابغى زنوبتي ما لقيتا وتوني معتمره ما اقدر اسب بس طول الوقت اقول كيف ناس جو صلوا واعتمروا وفي الاخير يسرقون واقول ليش ليــش يسون كذا؟؟ بالله ذولي ما عندهم ضمير وامشي انا وامي وبعض اخواني حفيانين وابوي بحذيانه حظه وانا قاعده امشي في الشارع بشويش لا يكون في قزاز والا حشرة لين ما وصلت بحمد الله للسياره يقول ابوي يالله على جده قلتله كيف ابغى اتروش تعرف هناك تعبنا وبعدين انا كنت لابسه قميص بيت وعمي وزوجته سنتين يمكن ما شفناهم قال ابوي عادي هناك تروشوا تخيلوا بعد ما وصلنا عند شقتهم طبعا انا حالتي حاله منشفتي الزرقه على كتفي وقلت ما بسلم عليهم كذا اول شيء بتروش ودخلت استحيت بعدين سلمت والمنشفه في ايدي تخيلوا الناس يدخلون بورده وانا بمنشفه وابوي واخواني يإحراماتهم ودخلت طوالي على الحمام وانا لابسه العبايه لسا ما فكيتها بره فكيتها في الحمام وتروشت ولبست وطلعت آآآآآآآه أخيرا بعدين بعدها بيوم قابلنا عمتي وبناتها جو من مكه ورحنا معاهم استراحة وراح معنا خالي وزوجته كمان وبعدها بيوم يمكن اكلنا من مطعم خالي وبعدها رحنا للمطار وركبنا طيران ارامكوا وكااااااااااااان حرررررررررررررررررر وانا الحر يحبني لصقه معاي وانا اكررررررررررررررهه وماشاء الله البنت اللي قدامي ما خذه رحتها متكيه المقعده علي واللي وراي حرمة عجوزة معلقه شنطة الكتف حقتها على مقعدتي تفكرها شماعه والا ايش وولدها اللي جنبها يدلع بنته صوته عالي مره مفكر انه في بيته حتى بابا يضحك منه يدلعها ويسولف معها وبعدين وصلنا بيتنا لا لالالالالالالالالالالالا ابغى الصيف ابغى اجازه :44:
..............................................................................................................
بنات انا عارفه اني طولت بس ابغاكم تقولون لي ايش سويتوا في هالإجازه وهل كانت حلوه والا لا ؟؟؟؟؟؟؟
انا عني كانت حلوه بس مو مره بس الواحد يقول الحمد لله على كل حال
.............................................
انا انتظركم في أمان الله _ أختكم( آلاء الدنيا ) :27: