غثني بكلامه وغثوني اهله حسبي الله

السلام عليكم ..
قبل ابد في سالفتي ..انا كتابه هنا للفضفضه ..رجاء لاحد يدخل ويغثني ماني ناقصه ..
خواتي بنات حواء ..اغلبكم تعرفون مشاكلي ..واغلبكم عارف اني توي من كم شهر ناقله ع شقه جديده وقد كتبت هنا سبب نقلي ..
الحين انا ماخذه شقه صغيره والكل عارف انها صغيره..ولسى ماكملت عفشها ولسى ما اثاثت مجلس حريم .اي احد يجني مااقدر استقبل اكثر من حرمه او حرمتين ..واستقبلهم بصاله وصالتي جدا صغيره..
الي صار ان اخو زوجي بيجي هو زوجته وبيجون خوات زوجي معه يتمشون ..طبعا انا ماعلى منهم يجون ..المشكله في زوجي ..يقول خواتي ينامون بالغرفه حقت عيالي وانا قلت لا ينامون بمجلس رجال انا جهزت لهم المجلس ينامون فيه قال لا كيف تبغينهم ينامون مع اخوي وزوجته ...انا قلت مالي علاقه اخوك هو الي جابهم خلاص يتحملون وينامون كلهم بغرفه وحده ..غرفة عيالي مستحيل..وانا رافضه انهم ينامون مع عيالي لان عيالي ماينامون اذ في احد معهم ويجلسون صاحين لين ظهر ويجلسون لعب وضحك مع عماتهم وانا اتعب وانا كل شوي ادخل عليهم نامو نامو ...واذ ما نامو انا مظطره اجلس صاحيه معهم لان عماتهم كل واحده يالله نفسي ومظطره اجلس واقابل ضيوفي اذ صحيو ....فعشان كذا رفضت انهم ينامون مع عيالي مابغى نومهم يخرب وانا اتعب والي عندها اطفال بتفهم اذ خرب نوم طفل مستحيل يتعدل الا بطلعة روح وانا من بداية الاجازه منظمه نوم عيالي مع نومتي نصحى سوا ونام سوا....ماني ناقصه تعب يكفي تعب الضيوف..المهم زوجي راكبه راسه الا ينامون مع العيال وانا هنا تنرفزت وقلت ضيوفي وانا حره اجهز لهم المكان الي ابغى
قال طيب ينامون بمجلس الحريم ..قلت مجلس الحريم انت عارف ماهو جاهز ولا فيه مكيف ولحين ماني مظطره اروح اخليك تتسلف من ناس عشان بس خواتك بيجون ..طبعا هذا الكلام صار قبل كم يوم ..ومن يومها زوجي قالب على..اليوم ام زوجي تتصل ع زوجي وتقوله خواتك بيجون لا يرجعون الا تمشيهم وتوديهم سوق ..انا هنا انغثيت لانها عارفه ضروف زوجي وعارفه وضعنا المادي..بس والله سكت ولا تكلمت وقلت ربي بيحلها..وعارفه انو ماعندنا مكان لهم ..بس كذا هي قالت لزوجي بيسافرون عشان يقهرون بنات خالاتهم انهم سافرو وصيفو...انا وزجي ماقدرنا نسافر ونتمشى لان الله عالم بحالنا واهله كلهم يعرفون انه مافي جيبه ريال وانه مريض ....


المهم خرجت انا وزوجي نغير جو صار بينا سوالف في سياره ..انا قلت له خساره عيد رمضان انا ماعيدت مع اهلي وانت ماعيدت مع اهلك ..هو ع طول قال نعوضها بعيد الحج نروح لهلي..انا قلت لا انت روح لهلك وانا بروح لهلي ابغى اعيد امي ..قال انتي كل يوم عندك اهلك قلت طيب عارفه اني كل يوم عندهم بس العيد غير كلنا يبغى يعيد امه ..قال تبغين شيلي عفشك ومن دحين بوديك لامك..قلت يعني بايعني قال اي بايعك قال اصلن ماحد دراى عنك ..يوم قال كذا قسم انصكت الدنيا بوجهي وانغثيت ..كسر خاطري ..وهذا طبعه كل ماصار بينا ناقش كل روحي لهلك... واهلك مادروى عنك ...والحين زعلن ومايكلمني لسبب تافه .. وحاط حرت اهله فينا ..وهذا طبعه اذا امه ضغطت عليه بشي يرجع على ويحملني الغلط