كيفكم ان شاء الله بخييييير
رجعت انزل اطباقي بعد فترة غياب بسبب وفاة ام زووجي الله يرحمها ويغفر لها
اليوم سويت اكله رهيبه وسريعه وبنص ساعه خلصت
المقادير
لحم مفروم بقر ، بصلتين مقطعه صغير ، بازيلا مجمده ، وملح وفلفل اسود وكركم وبهار مشكل ولوز مقلي للوجه
اول شي حطي اللحم على النار الين تنزل مويتها وتستوي وسوي رز ابيض عادي مع ملح وزيت
بعدين شيلي اللحم من القدر وحطي شوي زيت وحمري البصل وبس يصفر رجعي عليه اللحم وحطي البهارت وحركي
حطي البازيلا وحركي وممكن تحطي جزر مبشور معها
بعدين حطي تقريبا نص كاس ماء علشان تستوي البازيلا كل وحده وحسب البازيلا الي تستخدمها
انا مااستخدم الا السنبله تستوي بسرعه
واذا استوت البازيلا طفي النار
الحين جيبي صحن يدخل الفرن يايركس
وحطي الرز
وبعدين خلطة البحم والبازيلا
واخر شي اللوز المحمر وممكن تحطي صنوبر
ودخليها الفرن 20 دقيقهحطيتها بالفرن بس صلييت وغيرت ملابسي كانت جاهزة
علشان لون الكركم اللي في اللحمه ينزل على الرز والرز ياخد من نكهة اللحم
واخر شي قدمتها مع سلطة الزبادي مع الخيار
انا اقطع الخيار وابشر جزر واحط الزبادي ورشة نعناع يابس ورشة توم بودرة خطييييييرة والله السلطه
اتمنى انكم تجربوها طعمها لذيييييييذ وشوفي المدح الي بجيكي
زوجي يقولي يعطيك العافيه شكلك تعبتي في الطبخه اليوم وهو مايعرف ماخدت مني غير نص ساعه والاحلى من كذا انه مافيها مواعين كتيرة وحوسه
وعجبته كتييير
اتمنى تعجبكم وتطبقوها