اليوم صحيت من النوم وطوااااالي ع المطبخ اجهز غداء الغالي والعيال بيرجعون من المدرسه (وما اخفيكم يا بنات اني افكر في الغداء من الليل واقرر وش بسوي قبل ما انام مدري انتو مثلي ولى انا حاله غريبه :()
زوجي الله لايحرمني منه ما يزعل لو رجع وما لقى قدامه غداء بس انا اعتبر انه من واجب الزوجه ان زوجها ما يرجع من عمله الا ويلاقي قدامه الاكل الي يفتح النفس ويكون البيت مكيف وبارد وانتي لبسك مرتب ونظيف والابتسامه تملى الوجه //قلبتها نصايح
المهم فكرت وقررت اني اسوي فيليه سمك مقلي وبطاطس وشرائح البطاطس المشويه بالجبن والفلفل الاخضر وحلقات البصل المقليه وسلطه روسيه وصوص وهذي صورة عامه للسفره
وهذي الانواع عن قرب (فيليه السمك المقلي )
شرائح البطاطس المشويه بجبن الشيدر والموزيرلا والفلفل الاخضر (اخذتها من عضوه بالمنتدى الله يسعدها ما اذكر اسمها بصراحه لذييييييذه)
سلطه روسيه لذييييييذه وبسيطه ومقاديرها
كرنب ابيض شرائح _بقدونس مفروم_بصل احمر شرائح زيت زيتون شوي سكر ملح خل )
بطاطس مقلي
بصل حلقات مقلي
صوص _كتشب _شرائح خيار وخس
صوره من الجهه المعاكسه للسفره
وللمعلوميه ترى انا ناااااادر ما اسوي مقليات لانها مضره بالصحه بس اليوم قلت خليني افلها واخليه يوم مفتوح وحلو التغيير
يالله اترك لكم التعليق
لا اجي واشوف موضوعي في الصفحه الرابعه تراني تعبت:27:
وبالعافيه وتراني اسوي مثلك اقعد احيانا من الليل افكر اش اسوي الغدا لزوجي
بس ابدعتي ماشالله