امس جبت صاحبتي تنام عندي عل 12,5 وانا مندمجه بالسوالف إلا اشوفها نامت :29:
طقيتها.. هييي نمتي؟؟
انا بنام وراي قعده من الصبح, وعطتني ضهرها..
(جبتك يا عبد المعين... هذي الي جبتها تسليني؟؟)قلت طيب سكت عنها وطلعت دفتري وقعدت اكتب
ابي انااااااااااااااااااااااااااام اطفي الضو ونامي
اوووه انا مونعسانه ومابي انام وانتي مو عندي اسهر بروحي ليه 4 الفجر اروح انام وانتي عندي من الحين؟
انزين انا عندي موعد ومو قادره انام , الضو بوجهي
طفيت الضو وشلت قشي ورحت ع غرفة الكمبيوتر.
شوي
ولا هي جايه..
زعلتي؟
لأ
طيب تعالي ع الغرفه نامي
انا قاعده عالنت واصلاً مو نعسانه فخذي راحتك و روحي نامي وانا لما انعس بنام هني ( فيه سرير موجود بغرفة الكمبيوتر)
بعد عشر دقايق
رجعت..
تعالي ع غرفتك
يابنت الناس انا مافيني شي روحي كملي نومك وراكي قعده من الصبح
قعدت عندي شوي وهي تفكر (عين مغمضه والثانيه مفتوحه غصب)
وانا بعقلي اقول
( والله انج عياره.. انتي مو خايفه ع زعلي انتي خايفه تنامي لحالك)
يعني مو جايه؟؟
لأ
وراحت..
بعد دقايق
رجعت..
بدون ماتقول شي انبطحت ع السرير(موجود بغرفة الكمبيوتر)
انا سويت روحي مندمجه زياده عن اللزوم بالمنتدى وكأني ما شفتها
اووووه بصراحه مابي انام بغرفتك
ليش؟:confused:
بس..
منى لييييش؟
مممممم ...... غرفتك تخرع
هاهاهاهاهاهاهاهاها يعني انتي خايفه مو جايه تراضيني؟
غرفتك تخوف فيها اصوات غريبه واشياء مادري شلون :06:
ياهل إنتي؟؟؟ تعوذي من ابليس وروحي نامي
بعد شوي
رحت
حصلتها تاركه الضو والباب مفتوح ومغطيه راسها
حلفت انها ماتنام عندي مره ثانيه .. تقول انها مانامت طول الليل.
ومره وانا مسافره اخوي جرب ينام فيها ويقول انه ماعرف ينام طوول الليل :29:
وامي تخاف تدخل غرفتي بالليل اذا كانت ظلمه وتقولي انتي كيف تسكري الباب والضو وتنامي فيها؟؟؟؟
ههههههه
عاد غرفتي حلوه مررررررره صدقوني وواااايد مريحه
وعمري ماسمعت او شفت شي
بعدين القرآن دايما شغال فيها حتى وانا نايمه
تهقوون هالغرفه الحلوه غرفة اشباح :30:
ذكرتيني بأخوي يوم انه نام فيها
يقولي سريرج يتحرك و يهتز
اقوله مافيه شي بس انت مريض
يقولي وفي اصوات خرخشة
عاد والله هم انا جذي اسكر البيبان الي برة و الليتات يصير خرمس " ظلمة دجاوية " واناااااااااااااااااااااااااااااااااااااام
ما عليج منهم ,, هم غيرانين منج :42: