هلا فيكم يابناات المنتدى
انا جاتني هديه في زواجي اعتبرها احلى هديه جااتني
وهي عبااره عن صندوق للمجوهرااات
يعني حطيت فيه الماساتي اليوميه وحطيت فيه التعليقات والدهب الي البسو دايما تقريبا وساعاتي
والاكسسوارات جبت طقم علب من السوق
ولونه دهبي مرره حلووه العلب
كل علبه خليتها لشي معين
شي للسلاسل وشي للحلقاان وشي للاساور وشي للبكلات وشي للشباصات الصغيره والاكسسوارات الصغيره حقت الشعر
وكلها مرتبه في علب
والمكياج
اخدت العام الماضي دورة مكياج فقالت لنا المدربه انو احسن طريقة انك تحافظي فيها على مكياجك
الشنطه الي تجي مقسمه زي الادراج من بره تجي ملونه او لون فضي او اي لون
جبتها من الهرم يمكن ب 80 ريال لانو هي قالتلنا النوع الي هناك كويس
وانا مرتبه كل المكياج والارواج فيها ومااتوه ولا اتعب لمن اجي خارجه مكان وحتى لمن اروح لاهلي في جده اشيل الشنطه معايا ماتتعبني ولا شي وكمان بأرقام سريه تنفتح
وازا جيتي مسافره سفره طويله او شي حطي الشنطه زي ماهي في الثلاجه عشان لايخرب المكياااج
انا كدا اسوي
وبالنسبه للاكسسوارات نسيت اقلكم انو لمن سافرت في شهر العسل لقيت ستاندات مررره روعه
على 10 و 7 و 12 وريال في دي الحدود
شي للخواتم - وشي للحلقان وشي للسلاسل وشي للاساور
حسيت انو مررررررررررره حلوه فكرتها واشترتيها
وخفت انها تتكسر في الطياره مع العفش وشلتها في كيس لوحدها في يدي عشان لاتتكسر لانها بلستيك شفاف يعني تمشي مع اي لووون
وقررت ان شاءالله اني ارتب عليها الاكسسوارات فقط واحطه في رف من ارفف الدولاب لانو شكل التسريحه حيسير مو حلووو ازا حطيت الاستاندات
فحأرتب التسريحه ان شاءالله
حأحط عليها تحف وشمعدانات بسيطه وصندوق المجوهرات وكم عطر فقط
والباقي في الادرااج
تحيتي لكم
اتمنى اني اكون افدتكم
الصفحة الأخيرة
انا حوستى حوسه مع غرفه النوم بنتى الله يحفضها ماتخلى شي
مكانه فكل شي بدولاب الملابس اللى صار مايشيل من كثر اللى فيه
ودي بعلب تتقفل اوصناديق صغيره بس مدري وين احصلها