سلام ياعسولات بالنسبة لي مو زي الأخت لا تسألوني من أنا دولابها على فخامة وكبير ما شاء الله أنا جبت زي الأدراج البلاستيك بس بشكل دائري مو زي المربعات الي في المكتبات وأبو ريالين مابعد شفت زيه صراحة في هالمحلات جبته من بن داود بمكة ب30 ريال كخخخخ بس نااااعم ومجوف من فوق صرت أحط فيه باقات الورد إذا جفت ما أعرف أنزل صور ياليت لو حطيته لكم بس ضف لي كل الحوسة من مكياج وأكسسوارات وبرضوه فيه علبة ب 100 في نفس المحل كأنها زجاجية من برا ومن جوا حلوووووووووووووووة فيها مكان للأرواج والفرش .. ساعدتني بعد في ضف الحوسة ..

هلا اختي .شوفي التغير في غرفة النوم حلو وممتع .انا احب اغير المفرش دايماً .نوع من التغيير.
ولو تحطي ابجوره راقيه الشكل على الكمدينا يطلع حلو وعندك في الزاويه تحطي الابجوره الطويله للأضاءه الرومانسيه تعطي شكل خيالي مره وفوق السرير مباشرة على الجدار تعلقي لوحه هادئه مثل صوره للورد وتكون الوانها دافئه علشان ماتزعج النظر لان غرفة النوم لراحه .وقطع زل صغيره الحجم في الوسط او بجانب السرير.وجنب النافذه اذا كان في مكان واسع تحطي كرسيين وطاوله من النوع الفخم على حسب الماده يعني لاتكلفي على زوجك وتتناشبون خخخخ.
اتمنى اني اكون افدتك يالغاليه..

up

مشكورين ع الموضوع
وحلو دولابك يالاتسالوني من انا .... بدور عليه لان البنات حاسو اغراضي ودي بشي بمفاتيح مثلك
عساني القى بالرياض
ويابنوتات ايكيا اكسسواراتها روعه وسعرها رخيص مررره

للي يبون التوفير ..

مثلي خخخخ ..
المهم ..
..
انا
طريقتي بترتيب غرفتي ... من اللحين اقولكم غرفتي كئيبه وتجيب الهم لان لونها بنيييي ...
مرره مو لايق ..
...
بالنسبه للتسريحه .. مصفيتها تماما ماني تاركه عليها غير القطن ومرطب البشره الي استخدمه بشكل يومي وعطوراتي بسسس .. باقي الحوسه بالدرج .. بس بشكل مرتب .. ما احب الحوسه ابد ..
تسريحتي كلها درجين .. الدرج الاول حطيت فيه المكياج ويالله كفاه .. والدرجه الثاني الكريمات والمرطبات وحوسه الشعر من بكلات وكلبسات والي اخره ...
ام الاكسسوار .. جبت العلاقه حقت المناديل الصغيره اذا تعرفونها هي خشبيه .. وعلقت كل اكسسواري فيها لدرجه انها اختفت وبشكل حلو ومرتب علقتها صرت اشتهي كل يوم البس منها خخخخخ .. وانا تسريحتي من تحت فاضيه مافيها شئ جبت خداديت صغيره عن ابو ريالين وحطيتهم تحتها صار منظرها مره حلو .. وبجنب التسريحه فيه مساحه صغيره وبعدها الدولاب هذي المساحه استغليتها وحطيت فيها
ثلاث علب فوق بعض كل وحده اصغر من الثانيه علبه فيها سجادتي وشرشف الصلاه وعلبه فيها كتبي واوراقي وحوسه دراستي وعلبه وهي الكبيره خليها للجزم الرسميه الي ما البسها دايم والعلب جبتها ساده وانا زينتها بالتل والشرايط بعد شكلها طلع جنان .. وهي فوق بعض .. وخففت حوسه كثيره بغرفتي ..
اما ملابسي .. بحكم اني طالبه جامعيه عندي كمادينه من اربع دروج فوق بعض وكبيره خصصت الدرج الاول لملابس الجامعه والدرج الثاني لملابس البيت والدرج الثالث للبجامات والدرج الرابع للملابس الداخليه اخر درج .. والملابس الداخليه مرتبتها بأكياس صغيره كل طقم بكيس عشان تكون جاهزه على طول ..احب التطقيم ههههههاااي .. والغيرات اليوميه خليتها كلها بكيس واحد ..
اما الكمودينتين الي جنب السرير وحده فيها الابجوره وعلبه المناديل والثانيه صورتي خخخخخخخ ودبدوب صغير .. ما احب الحوسه الكثيره على الطاولات ..
طبعا من ضمن الافكار ..
معلقه بالثريا (( اللمبه )) قلب نازل على تحت على شكل خداديه شكله مره حلوه ومعطي نعومه للغرفه ...... وووووووبس سلامتكم هذي كل غرفتي سردتها لكم ..
...
وان شالله البنات يتفاعلون ...


^_^