هههه عادي حبيبتي قد صارت معي .. بس انتي خليك مرتبه وضعك من آول سواء جآك ضيوف او لا آهم شي تكوني مرتبه قدام زوجــك .. وآحمدي ربك ان زوجك متفهم عليك والا غيره يزعل من هالشئ

لاتنسيني من الدعوات الحلوه^_^

كنت زيك بس احنا ماعندنا صاله احنا نستخدم مجلس الحريم حق الضيوف
بس الحين حليت هالمشكله
نقلت العاب بنتي لمجلس الرجال وحطيت لها سله وبعد ما تخلص المها في هالسله
وفهمتها ان العب في مجلس الحريم ممنوع
شريت زوليه وفرشتها عشان تحافظ عالموكيت ما يتوسخ
حطيت زباله صغيره وعودت بنتي انه الوسخه بالزباله وفهمت الحمد لله
ركبت فواحه عاكهرب والعطر جنبها لانها اسرع من الفحم والشمع ومنظرها حلو
الكنب غلف الجلسه بالبلاستك الي شبه تغليف الطعام بس سميك ووقت ما يجي ظيوف اشيلهم
الملابس والمنشره تخلص من حوستها شريت بدال المنشره مجففه ممتااااازه تجفف الملابس وتكويهم اطلعها واصفط على طول عالدولاب
الاستقبال مكسرات ومعمول وشكلاتات و خليط جاهز للكيك

وبكذا ارتحت كثيييير من الشغل والاحراج

ياقلبي اعتذري بلباقه من ضيوفك يتأخروا لين ماتجهزين وتستعدين
يعني لوقالوا بنجيك العصر قولي الله يحييكم بعد المغرب
والله يكون بعونك..

الله يعينك حبيبتي ويساعدك دائما رددي اللهم اني أستعين بك فاأعني سبحان الله لها مفعول عجيب

الحريم دايما يمسكو طرف العلم ويدرعمون هي ماقالت بيتي حوسه مو نظيف ولا قالت لبسي مبهذل

هي طلبت طريقة ترتيب حوسة اغراض جلستهم من مخاد والعاب ومكنسه وغيرها

ع العموم االله يعينك ويوسع عليك وعلى كل مسلمه المكنسه والمنشر اذا في المطبخ فيه مكان

حطيها فيه المنشر طبقيه وحطيه ورى الباب باب المطبخ او غرفة النوم وحطيه قبل العصر

والملابس رتبيها في الدلاب او حطيها في سله وفي ركن في غرفة النوم والمكنسه في المطبخ حاولي
تسوي لها مكان باي طريقه
اما قهوتكم وشاهيكم والكاسات وغيرها دخليها المطبخ حطيها في طشت صغير وحطي عليها مويه او بدون
وحطيها على جنب ووالعاب بنتك حطي في ركن الصاله سله حلو شكلها وقريب العصر ارمي الالعاب فيها وخلي مع بنتك
لعبه وحده ولبسيها قبل العصر ومشطي شعرها وعطريها والمخاد حطيها على السرير بطريقه مرتبه والجوالات والشواحن
خلي سلة على رف وارفعي الجوالات وشاحناتها فيها اما اللاب قفليه وحطيه على الكمودينا او التسريحة
وسوي قهوتك عند صلاة العصر وانتي تصلي ركبي على غلايه القهوة
وعند اكلكم ويوم تتقهوو جيبي سفرة وسط فيه سفر اشكالها حلوه تنباع حتى ماييوسخ المكان